ويـسألوني ليه احبك حب ما حبه بشر

part4

"ويسألوني ليه احبك حب ما حبه بشر"
مبارك عليكم الشهر وكل عام وانتم بخير ...
اللهم صلي وسلم وبارك على سيدنا محمد وعلى اله وصحبه اجمعين ✨

رمضان الموافق ١٤٤٥/٩/١ه‍  يوم الاثنين
اول يوم رمضان الكل مبسوط ويباركون ويتعازمون صحى وهو ياخذ جواله شاف الساعه وشاف رساله من رقم مجهول فز من نومته مستغرب ايش ذا ؟ مو قادر يستوعب أو يفهم اللي يدور حوله أو اللي يصير معه الآن لف جهة الباب من سمع صوت ابوه يصحي لصلاة الظهر في أول يوم رمضان طلع وقابل هذال بوجه
هذال: صحي النوم ، صلي بنروح الديرة
عقاب : ليش شصاير
هذال: لا، بس اول فطور معزومين عند الانساب
ضربه بخفه من رقبته: عيب ذا الكلام
ضحكوا ونزلوا من صراخ ابوهم..

ببيت الجده منيره اللي مهما حصل فيه ترجع جمعتهم ولمتهم حول بعض على ذاك الكرسي تجلس الجده وبالمطبخ ضحك وسوالف والكل فرحان
ساره وهي تحاول تلف السمبوسه: عميمه شوفي مو راضيه تضبط
وعد : ليتك قلتي لرنيم ولا لعواطف
عواطف بحده : بتزوجين وما تعرفين
ساره وهي تميل رأسها: ما بيخليني اطبخ صح ؟
ضحكة حنين بقوة : لا لا بخليك
ساره : يبطي عظم ويخسي ويعقب
فتحت عواطف عيونها بصدمه: عيب بيصير بعلش قريب
ساره : إذا بعلي بيزعلني يتحمل اللي بيجيه مني
كملوا البنات طبخ وحوسه بعدها تجهزوا وطبعاً اتفقوا يلبسون مخاور
...
وصلوا أهل ابو سامي وابتدوا يفطرون
عند الرجال بعد الفطور لف عقاب لمشاري وهو يذكر محتوى الرسالة ( حبيت اقدم مساعده ومعلومه لك ، المساعده ترا مو بس انت مجبور لا تخاف حتى هي وافقت لأجلي ولأجل شيء ثاني وهذا يعتبر اجبار نفس اللي قاعد يصير معاك والمعلومه نهايتكم بيدي وباخذ حقي صدقني يالشبل)
عقاب : مشاري
لف له مشاري: لبيه
عقاب : لبيت في حاج يابعدي عادي اطلبك!
مشاري : ابشربي
عقاب : ابي اشوف زوجتي وابارك لها بالشهر
مشاري : تبي تبارك لها وانت ما طلبت شوفه ؟
عقاب : مو لازم بعدين بتقعنعني انها ما كانت بترفض!
مشاري : انتبه تراك مأخذ عين مشاري وقلب نايف وغالية مجد
عقاب : عرفت غلاتها ولا توصي حريص ، تسمح؟
رفع ساعته اللي بايده يشوف كم ولف لعقاب : الساعه 8 ونص مو فاضيه لك
عقاب: ليه!
مشاري : تحب تقعد لحالها وهذا الوقت اكثر شيء بس اذا تتقبل عنادها وكلامها روح
عقاب : وين ؟
مشاري : بالسطح خل احد من الاهل يوصلك الدرج
وفعلاً اتصل بأميره ودلته وراح وهو يبي يكسر عنادها ويشوف وش تبي منه ليش ما رفضت وزاده فضول قعدتها بالذات بالوقت ذا والاكيد ما يرسل له عايض الا بينهم شيء تحبه أو يحبها او الإثنين مع بعض !

بالمطبخ دخل ياسر يأخذ مويه لكن كان من صفقه على وجهه من اللي غطت عيونه بيدها واردفت
حنين : مستعد تشوف شكلي اللي متحمس له ؟
ياسر : حنين ؟
لف بصدمه من سحبة يدها وصرخت فيه : اييييش؟ وش جابك من انت وش تسوي اطلع برا كانت تتكلم وراء بعض ومخروعه تحسبه احد إخوانها ومن رد استغربت الصوت بس مستحيل ياسر ينسى صوتها أبدا
طلع ياسر مصدوم: تغيرتي يأم شعر اسود تغيرتي
حتى اللقب اللي كان خاص فيه ويناديها به ما نساه. وحنين معروفه بشعرها الأسود الناعم اللي يوصل لنص ظهرها وحيل جميله.