ياسماء امطـري واعصفي الريـف

Part:9

| في الملحق |
جلست اماني وهي تبكي والريف جلست جنبها تهديها ،وليث جالس يناظرهم الريف وهي تمسح ع ظهر اماني الي تبكي بحنيه
مسحت اماني دموعها والتفت ع الريف ونطقت : هو مربيه هو يعرف ممدوح من عمره 4 سنوات ليش ليش يرفضه !
الريف ناظر اماني ونطقت : طيب هو ليش هاوشك
اماني وهي تبكي : لاني عارضته واحس اني زدت الطين بله الريف انا مستحيل اتزوج غير ممدوح ، تكفيننن وش اسوووي
الريف وهي تناظر حال اماني الي تبكي ، ومقهوره من اهلها نطقت : انتحري
التفت عليها اماني بصدمه وعلامات استفهام ، قربت الريف من اماني ونطقت : اي اي اركبي فوق السطح وانتحري
اماني بصدمه : منجدك الريف ؟
الريف هزت راسه ب اي بثقه ، وهي تاخذ من غزل البنات تاكل وتعطي اماني واماني تناظرها بصدمه
والريف وقفت ونطقت : يلا قمي
اماني : وينننن
الريف وهي تسحبها من يدها : عشان تنتحرين " التفت ع ليث " لاتطلع من البيت طيب
هز ليث راسه ب اي ، وسحبت الريف اماني وطلعتها من الملحق ومن ورا البيت طلعتها ل السطح
الريف وهي توقف اماني بنص السطح نطقت: اصرخي وابكي وقولي لو م تزوجتي ممدوح بتنحرين
اماني ناظرت الريف وضحكت : منجدك انتي
الريف ضحكت ونطقت : تبين ممدوح ولا لا ؟
اماني : اكيد ابيه
الريف غمزت لها وهي بتنزل من السطح نطقت : اجل انتحريي
نزلت الريف من السطح وطلعت للحوش وهي ترفع راسها ل اماني الي ب السطح وعاصف والشيخ مصلح الي بعيدين شوي عنها وام اماني وراهم
صارختتتت الريف باعلى صوتها وهي تقووول : اممااااااانيييييييي وش قااااااااااعده تسووووووين
رفعو راسهم فوق وهم يشوفون اماني الي ع حافه السطح ، فز الشيخ مصلح والي يرجع وراء عشان يشوف اماني زين وعاصف جاء جنب الريف
الشيخ مصلح برفعه صوت : امااااني انزلي وش تسووين ب السطح
ام اماني صارخت ونطقت : يالمجنووووووونه وش تسووين هناك انزلي لحد يشوفنا
عاصف بصوت كله هيبه نطق : اماني انزلي نتفاهم
اماني وهي تبلع ريقها وتناظر ابوها وعاصف وامها والريف الي تحت تشجعت ونطقت بكل شموخ وشجاعه : اذا م تزوووووجتتت مممدووووح بنتحر ولا يرف لي جفن
الشيخ مصلح ناظرها ونطق : امااااني انززززززلي
اماني وهي تناظر ابوها نطقت : ماراح انزززل ماراح انززلل ان م وافقت اتزوج ممدوح ترا بنتحر ، ذي حيااااتيييييي اناااا انااا الي بتززززززززوووووج
الشيخ مصلح قلق ع بنته وهو يمسك راسه خوفاً من انها فعلاً تنتحر ، ناظر عاصف اماني وهو يحجب الشمس بيده عشان يقدر يشوفها : اماااني انزلي وبنتفاهم ، انا معك مع قرارك وعمي مو راد ممدوح انزلي
الريف ناظرت عاصف ونطقت : مستحيل تنزل لين يتكلم ابوها
التفت عاصف ع الريف ونطق : كيف خليتيها تروح وانا قايل لك دخليها الملحق
ناظرته الريف ونطقت ببرود : انا الي قايله لها انتحري
مسكها عاصف ب استغراب من كتفها ونطق بحده : شقاعده تقولين انتي !
الريف وهي تفك يدها من عاصف : وشوو تبي عمك يزوجها شخص هي م تبيه ؟
عاصف ناظرها ونطق : م شفناك سويتي كذا لما كنتي بتاخذين صافي
ناظرته بطرف عينها ونطقت : لاني ابيه ، وماسويتها يوم اخذتني لاني مجبوره
حس عاصف بغصه بحلقه وارفع انظاره ع اماني الي تقوول : ترا انتحررر ولا تشووووفوني مره ثانيهههه اعرف قتل النفسسسسس حرررررامممم بس افضل اقتل نفسي واروح جهنم ولا احتررررق بجهنم الدنيااااا
الريف والي كانت مبتسمه وفخوره ب اماني ، ناظرت ابو اماني الي نطق : طيب طيب بتاخذيننن ممدوح موافق عليه ، بس انزلي انزلي
اماني والدموع بعيونها : احلف
الشيخ مصلح : والله والله
عاصف برفعه صوت : اماننيييي انزلي شفي عمي حلف
تراجعت اماني ع وراء ببتسامه تشق وجهها شق ، وفعلاً نزلت من السطح كانت ام اماني جالسه وهي جاءها هبوووط وماسكه راسها ، والشيخ مصلح ناظرها وهي جايه وعيونها من البكي تعبت
ناظرها شوي وحضنها وهو كان خايف فعلاً انها تنتحر ، حضنت اماني ابوها وهي تبكي وتقول : م بغيت اسوي كذا يبه انت جبرتني
بعد عنها الشيخ مصلح ونطق : لاتجين بعدين وتقولين يبه ابيه يطلقني وتشكين لي منه
هزت اماني راسها ب لا وهي تبكي ونطقت : لا مابجيك وعد م بجيك
قامت ام اماني بغضب ودخلت البيت وقفلت الباب بقوه ناظرها الشيخ مصلح يوم دخلت وترك يد اماني وراح لحق ام اماني ، اما الريف قربت من اماني وحضنتها ونطقت قدام عاصف : خطتييييي نجحت
ناظرها عاصف ومسكها مع يدها بقوه وسحبها لين صارت عيونه بعينها ونطق بحده : وش ذااا الحركاتتت الي تعلمينها البنتتتت هاااااا
اماني بلعت ريقها وهي تشوف عصبيه عاصف ع الريف : عاصف
عاصف بصوت حده : انتي لاسمع لك حس
الريف شافته معصب مره م توقعته لدرجه ذي يعصب ، فك يدها بقوه وهو ينادي ليث ب اعلى صوته جاء ليث يركض عنده ونطق : يلا مشانا
الريف : وين وين بروح
التفت عليها عاصف ونطق بحده : لاتخليني اتكلم الحين قدام الولد تدخلين الملحق الحين وحسابك معي بعدين
الريف جت بتتكلم بس عاصف مسك يد ليث وطلع ، اماني قربت من الريف ونطقت : كله بسببي خليته يعصب عليك
الريف ناظرتها ونطقت : طز فيه خليه يعصب ، تعالي تعالي دخلنا جوه
مسكت الريف اماني مع يدها ودخلو الملحق ، جلست الريف ع الكنبه وهي تربع رجولها وتناظر اماني واماني نفس الحركه مربعه رجولها وتناظر الريف
الريف ببتسامه : اايييييي متى العررررسسسس
اماني وهي ماسكه قلبها لايغمى عليها : اليوم اليوم اذا م فيه مانعععععع
الريف ضحكت : اثقلي شوي ي الخفيفه
اماني وهي تلعب بشعرها وتلفه باصبعها نطقت : تراني ثقيله قدامه بس قدامك مقدر مقدر اطللع مشاعري الحقيقيه
ضحكت الريف وهي تناظر اماني وهي فرحانه من كل قلبها
.....
| عند عاصف |
وقف سيارته قدام بيت راكان ، وهو يدق بوري ينتظره يطلع من البيت
ليث ببراءه : ليش تضغط كثيررر
التفت عليه عاصف وابتسم : لان في واحد حمار م يطلع ب الطيب يبي من يصفقه
حط ليث يده الصغيره ع فمه وهو يضحك ، وابتسم عاصف ونطق : عجبك الوضع
ليث هز راسه ب اي ، ونطق : ليش م تلبس مثل سبدرمان
عاصف ضحك ونطق : تبيني البس مثله ؟
ليث : ايوه
عاصف وهو يحك لحيته ببتسامه : ابشر بعزك البس مثله واجي انقذك
فز ليث بحماس وهو يقول : احلف احلف
عاصف ابتسم والتفت عليه : باذن الله
طلع راكان من بيتهم وهو يلف شماغه وجهه مفقع نوم ، التفت عليه عاصف ونطق : صح النوم ي الامير ! ساعه لاطعني هينا
راكان وهو يتثاوب وكسلان : صح بدنك
كان قريب من باب عاصف وفك الباب عاصف وضرب راكان ب الباب
راكان وهو ماسك بطنه : اههه يولد عورتني
عاصف : عشان تترك ذا البرود مره ثانيه
ليث وهو يضحك التفت عليه عاصف ونطق : وش فيك
ليث وهو ياشر باصبعه ع راكان : ذا الحمار
ضحك عاصف ونطق : اي اي ذا الحمار شوي يناهقق
راكان ناظر عاصف الي يضحك وليث ونطق : تعلم الولد ع قله الادب حسافه ع الي خلوه معك
عاصف : اقول اركب لاطبع الكف بوجهك الحين اخلص مستعجل
ناظر راكان ليث الي جالس قدام ونطق : ولد ارجع وراء
هز ليث راسه ب لا ونطق : انت ارجع وراء
راكان : انا كبير اجلس قدام انت وراء
ليث هز راسه ب لا : ابي اجلس هيناااااا
عاصف وهو يشوف عناد ليث وتذكر الريف ع طول ونطق : والله والعناد وراثه يمشي بعروقكم ، راكان يبزر نط جنب الولد
راكان ناظر ليث وفك الباب ورفع ليث وجلس وحط ليث بحضنه ونطق : وش اسمك انت
ليث وهو ياكل حلاوه نطق : ليث ملهم
ضحك راكان ونطق : ونعمم يبو ملهم
ليث ناظره ونطق : بس انا م عندي ولد
ضحك عاصف من براءه ليث ، ونطق راكان بضحكه : مو مشكله بكره تتزوج ويجيك ولد
ليث ببتسامه : والله اتزوج ؟
عاصف ببتسامه وهو يناظر الطريق : اي تتزوج اذا كبرت
راكان : عاد تسمي ولدك راكان
ليث هز راسه ب لا واشر ع عاصف ونطق : اسميه مثل اسم سبيدرمان
راكان ناظر عاصف ونطق : ذا سبيدرمان ؟
ليث هز راسه ب اي ، ونطق راكان : ذا شرشبيل ي حبيبي
ضحك ليث وهو يناظر عاصف ونطق عاصف : افا ي ليث يقول عني شرشبيل
ليث : بس شرشبيل شرير وسبيدمان بطل مثل عمو عاصف
راكان اخذ نفس ونطق : معلوماتك غلط الله يصلحك
وقف عاصف عند محطه بنزين نزل الشباك : فل فل ي محمد
والتفت ع راكان ونطق : اجل معلوماتك انت هي الصح ؟
راكان ابتسم ونطق : من مصدر موثوق 100٪
عاصف : خرطي لو بيسمي ورعه عليك بيطلع حمار مثلك
ضحك ليث وهو يلحس الحلاو : حمار
عاصف ابتسم ورفع يده : كفك كفك
ضرب ليث يده بيد عاصف وناظر راكان ليث ونطق : اجل قم من حضني ورح لسبيدرمان حقك
هز ليث راسه ب لا وحط ظهره ع صدر راكان ، راكان : شين وقوي عين يولد
ضحك عاصف وهو يمشي لين وصلو ديره الريف ، دخل عاصف الديره وهو يمشي فيها كانو يناظرون سيارته ويعرفونه حق المعرفه ، وصل بيت ملهم ونزل ونزل ليث وراكان نزل معاهم ، جاء عاصف بيدق الباب والتفت ع ابو صافي الي نطق : وش تسوي هينا يولد
ناظر عاصف ابوصافي ونطق : دقيت بيتك انا ؟
ابوصافي عقد حواجبه ونطق : تكلم زين يولد
طلع ملهم ع الصوت الي سمعه ، وشاف عاصف وراكان واقفين وابوصافي يتكلم
ملهم : عسى م شر
عاصف ناظر الشيخ ملهم ونطق : ابد ي عم ماش شر بس الشايب يهاوش ع غير سنع
ابوصافي بحده : انا الي اهاوش ع غير سنع ؟
ملهم قرب ونطق : ضيدان بس
التفت ابوصافي ع ملهم ونطق : ذا الي كان بياخذ رقبت ولدك وتزوج بنتك غضباً عنها!
ملهم ناظر ابوصافي والكلام بداخله ماسكه نطق : الله اعلم من الي يحرض ومن الي يكذب ويركب كذبه فوق كذبه ويستر ع ذي ويترك ذيك
ابوصافي بلع ريقه وحس انه عررررق خصوصاً قدام عاصف ، اما عاصف استغرب وهو يناظر ملهم ومو فاهم الكلام الي يقولونه نطق : وش تقصد
التفت ابوصافي ع عاصف بقلق والدم في عروقه نشفف ، ملهم وهو يحك لحيته نطق : ولاشيء ، اقلط حياك
عاصف والي حس في ان بالموضوع : كثر الله خيرك ، انا جايب ليث لك وبمشي
هز ملهم راسه ونطق : م قصرت
فك عاصف باب السياره وركب ، وراكان ركب بالمرتبه الي جنبه شغل السياره ورجع ع وراء ومشى من عند ملهم وابوصافي
التفت ابوصافي ع ملهم ونطق : كيففف تقول كذا قدام ولد برق ؟
ملهم ناظر اخوه بقرف ونطق : م كفاء مصلح انه يظلم وماكفاءك كذب ، لدرجه ان بنتي راحت ضحيه بسببك انت وياه مصلح كان ناووووي ياخذ رقبت ولديييي تعرف وش كان ناووووي
دف ملهم ابوصافي ودخل البيت
.........
| عند الريف واماني | بالمغرب
سوو لهم قهوه وجلسو بالحوش يتقهوون ويسولفون ويضحكون مع بعضهم ، طلعت ام اماني عليهم وهي تشوفوهم ياكلون ويضحكون
ام اماني بصوت مرتفع : خوووش والله ضحككم واصلني ل الصاله
الريف ناظرتها ولا ردت وهي تمسك بطنها وتحس بالم فيه مو طبيعي ، واضح ان كبدها عورتها
اماني : يمه
ام اماني ناظرت اماني ونطقت : انتي انطمي اول كنتي بتنتحرين الحين قاعده مع الحيه وتضحكين
التفت الريف ع ام اماني ونطقت : احترمييي نفسك
ام اماني بصراخ : وش تسوووين اذا م احترم بتذبحيني
الريف والي تحس نفسها تعبانه منجد ولا لها خلق ام اماني ، قامت ونطقت : اماني بروح انسدح احس تعبانه شوي
هزت اماني راسها بضيق ، وتكلمت ام اماني : وين وين ي ست الحسن والدلال ي اميرتنا اكلي وامسحي يدك ب الجدار ولاتشيلين هم شيء
شالت ام اماني صحن القهوه من الارض وبثلاجه القهوه ، ومدتها ع الريف بقوه ونطقت : اغسليها ي شاطره
الريف ناظرت ب ام اماني ونطقت : عشاني تعبانه مالي حيل ارد عليك
ام اماني ضحكت وجت تبي تحطها بيد الريف غضب وبالغلط انكبت القهوه ع يد الريف ، صارخت الريف وهي وماسكه يدها الي انحرقت بالم اماني شهقت ومسكت الريف : الريف
ناظرت اماني يد الريف وهي محروقه وحمراء ، اما الريف نزلت دموعها وهي ماسكه يدها بدت اماني تنفخ ع يدها وام اماني تناظرهم دخل عاصف وهو يسمع الصراخ وجاء وهو يركض
اماني وهي تحط طرحتها ع راسها وتغطي وجهها : عااااصفففففففف الريف انحرققتتت
مسك عاصف يد الريف بخوووف وهي تبكي : تعورك تعورك ؟
هزت الريف راسها ب اي والدموع بخدودها ، عاصف الي ارتخى وشال الريف بين يدينه ناظر ام اماني بقهر : حسابي معك بعدين
عاصف الي شايل الريف ركض ع سيارته وفك باب السياره وركب الريف ، وركض ع القايد ركب وشغل السياره وطلع من الديره كانت الريف تبكي وماسكه يدها ، وعاصف باقصى سرعته يمشي للمستشفى الي يبعد عن الديره ساعه ونص مسك يدها وهو ينفخ عليها ويفك لها شبابيك سيارته عشان الهواء يدخل ، ناظرها وهي تبكي وقتها كره حياته كره حياته لما شاف دمعه عينها نطق بخوف : للحين تعورك
الريف وهي تشهق : اي اي مره تعورني
ضغط عاصف ع البنزين لاخر سرعه ، وساهر صوره مليون صوره والمخالفات بكل الانواع جته حاول انه يوصل بسرعه وبعد م وصل نزل بسرعه وراح يفتح الباب ل الريف نزلت الريف ومسكت بطنها وهي تاخذ نفس ، عاصف ناظرها ونطق : وش فيك
الريف بكت وهي المها المين الم يدها ، والم تليف كبدها مسكت قلبها وهي تحس منكتمه
عاصف والي صوته مبحوح : كبدك تعورك ؟
الريف بكت وهزت راسه ب اي ، ارخى عاصف نفسه وشالها للمره الثانيه وقفل باب السياره برجله وهو يركض فيها للمستشفى وهي بين يدينه كانها طفله صغيره
بدا عاصف يصارخ ب اسياب المستشفى وع طول اخذوها لقسم الحروق حطها ع السرير وجلس جنبها وجتها الدكتوره تشوف حرقها ونطقت : الحمدلله سطحي مو عميق
عاصف: الحمدلله ، دكتوره حطي شيء خليه يبرد يعورها
ابتسمت الدكتوره وحطت مسكن الم ومغذي ، ومرهم ع حرق يدها ونطقت : الحين يهدى
هز عاصف راسه ونطق : يعطيك العافيه
الدكتوره ابتسمت : يعافيك
جلس عاصف جنبها وهي منسدحه ، نطق : بردت ؟
الريف ناظرته : اي
مد عاصف يده لعيونها الي كلها دموع وبيده الخشنه مسحها ، وهو يتامل تفاصيلها مسكت الريف كبدها بالم وناظرها ونطق : بكلم دكتور الكبد
الريف مسكت يد عاصف الي جاء بيقوم : م يحتاج وش بيقول غير ان معي تليف بالكبد واحتاج متبرع
عاصف : يمكن يخفف المك لو شوي
قام وطلع بدون م يسمع كلام الريف وفعلاً كلم دكتور الكبد وجاء الدكتور عند الريف يكشف عليها ، وكانت الريف تعبانه عن غير عادتها وعاصف واقف فوق راس الريف حد ان الدكتور يكشف عليها
الدكتور ناظرها ونطق : الكبد مره متليفه عندك معاد يفيدها ادويه
عدل عاصف وقفته وهو قلقان نطق : طيب ي دكتور والحل
ناظره الدكتور ونطق : متبرع صعب تحصلون بس اليوم بتتنوم عندنا بنحط لها ابر ونشوف اذا كانت كويسه تقدر تطلع وتتحمل لين م يجي متبرع اذا لا
سكت الدكتور ونطق عاصف : اذااا لا !!!!
الدكتور : تكون حالتها حرجه مره وممكن ذا يصعب ع تنفسها
مسك عاصف راسه وهو يناظرها والريف ناظرت الدكتور ونطقت: م يحتاج اتنوم
عاصف ناظرها ونطق : مهو ع كيفك
......
ننهي البارت هينا