ياسماء امطـري واعصفي الريـف

Part:9

صلو ع نبينا محمد عليه افضل الصلاه والسلام ...

____
صحت الريف بكسل وعاصف فتح عيونه بصداع ، الريف والي كانت بحضن عاصف بدون م تحس نطقت : بطبوط بنام شوي واجيك
عاصف والي ناظرها وهي بحضنه ويدها ع صدره ، ابتسم عاصف ونطق : مرتاحه ب المكان
فزت الريف وهي تناظر عاصف حطت شعرها وراء اذنها ونطقت بتوتر : وش جابك هينا
عاصف وهو يحط يده تحت راسه ويناظر الريف نطق : حبيت انام جنبك احس براحه اكثر
الريف والي بلعت ريقها من كلامه ضربته ع صدرها ونطقت بحده : لاعاد اشوفك جنبي
جت بتقوم بتلحق ليث الي طلع ل الصاله مسكها عاصف مع يدها وسحبها اتجاهه كانت الريف ع صدره بالضبط وعيونها تناظر لمعه عيونه ، ناظر تفاصيل وجهها وهو كان مستعد وقتها يتامل وجهها لساعات طويله لاشهر لسنين ولا يمل وعيونه ابحرت بعيونها وكانه يقول " رأيت في عيناه موجاً لا يُقاوم ، فـ أبحرت'"
بلعت الريف ريقها وهي قريب منه مره ، ناظرها وهو يسمع دقات قلبها وانفاسها المتسارعه ونطق ببتسامه وتعتبر استهزاء : اعترفي انك وقعتي بحبي
ناظرته الريف وهي تشوفه يستهزاء ويسوي الحركات ذي عشان يوترها ابتسمت وقرب من اذنه ونطقت : تحلمم يولد برق اكررررررررهككككك لحد الموووت
رفعت راسها من جنب اذنه وناظرته وقامت راحت لليث الي بالصاله اما عاصف ناظرها وهي تطلع ، وعدل جلسته وهو يحك دقنه بيده وقام فك الشباك وع بطن فاضي بدا يدخنن ، كان يكره الدخان بشكللل محد يتخيله وينصح عنه بس لما يجي وقت ضيقته ووقت احتياره مع الاسف يلجى ل الدخان ضناً انه الارتياح طفى سقارته وراح يوضي بيصلي الفجر الي فاته مع الاسف دخل يوضي وطلع يفرش سجادته ويصلي ويطلب من الله المغفره ع تاخيره ل الصلاه سلم وهو يستغفر ويصلي ع النبي عليه الصلاه والسلام قام ياخذ ثوبه المعلق ويلبسه ، واخذ كاب اسود ولبسه بدل الشماغ فك باب الغرفه وطلع حصل اماني جالسه مع الريف وليث وياكلون شاف ضحكه الريف وهي تسولف مع اماني نط ليث من جنب الريف متوجه ل عاصف : تاخذني للبقاله ؟
عاصف ابتسم ونزل ل مستوى ليث ونطق : اخذك ي بطل
الريف : ليث مو قلت لك اخذك بعديننن
ناظرها ليث وبزعل اطفال نطق : بس انا ابي اروح الحين
اماني ابتسمت ونطقت : انا بطلع ي الريف تبين شيء؟
الريف ناظرتها وابتسمت : م تقصرين اماني
طلعت اماني من عنده والريف م حطت عينها بعين عاصف وهي تكلم ليث : ليث خلاص قلت لك بعدين نروح للبقاله
عاصف ناظرها ونطق : بيروح الحين تبين تروحين معنا البسي عبايتك وتعالي م تبين اقعدي "التفت ع ليث " صح ي بطل
ضحك ليث ونطق : صح
مسك ليث يد عاصف وطلعو من الملحق قامت الريف بتافف بتاخذ عبايتها وبتلحقهم ، وفعلاً لبست عبايتها وفكت الباب وشافت عاصف الي جالس ع الدكه وجنب ليث ينتظرونها جت ونطقت : جيت
رفع راسه عليها ووقف وقام ليث مع عاصف ، الريف جت بتروح يم الشاص ونطق عاصف : بنروح مشي
التفت ناظرته ورجعت لهم مسك عاصف يد ليث ومشى ، والريف وراه تمشي كانو اهل الديره اذا مر عاصف والريف من عندهم تكلمو والكلام ينسمع " هذا ثاره الي اخذه ؟" "البنت ذي مافيها حيا كيف تقدر تطلع بعد الي سوته بالديره " " والله ي عاصف انه صدمنا م توقعناه كذا " ناظر عاصف الريف الي واضح ماسكه نفسها وبكيتها وبحه صوتها ، وقف عاصف ومسك يد الريف وشد عليها الريف وصارت كل انظار الديره عليهم ، ناظرته ونطقت : وش قاعد تسوي
ناظرها عاصف وعيونه بعيونها م رد وسحبها معاه ، بيد ماسك الريف وبيده الثانيه ليث كانت الريف تناظر مسكه يده كان شاد ع يدها الناعمه ويمشي ب الديره دخلو البقاله وفك ليث يده من عاصف وهو فرحان يشتري ابتسمت الريف وهي تناظره فرحان وفكت يدها من عاصف وقربت من ليث الي يشتري وبدت تناظر ب اغراض البقاله شافت غزل البنات وتذكرت البندري ابتسمت وهي اشتاقت لديرتها ، حط عاصف يدينه وراء ظهره وبدا يمشي ب البقاله جاء وراء ظهر الريف الي تناظر بغزل البنات اخذت غزل بنات من الرف والتفت الريف تناظره فتح عاصف كيس غزل البنات وبدا ياكل ، ناظر الريف ونطق : تبين ؟
الريف ناظرته : لا م ابي
عاصف والي م يحب غزل البنات اصلاً ، قرب من الريف ونطق : ترا لذيذه بتفوتك
ناظرت الريف وعاصف يطلع غزل بنات ونطق : ها تبين
حط غزل البنات بفمه وكشر وجهه وهو يكره الطعم ، ضحكت الريف وهي تناظره : ترا واضح انك م تحبه ليش تاكله
عاصف ابتسم ونطق : شفتك تناظرينه قلت اذوقه ، بس الطعم ماش
اخذت الريف غزل البنات من يده ونطقت : قبل شوي لذيذ وش صار الحين
عاصف : اسوي اغراء لك عشان تاخذينه من يدي
ضحكت الريف وهي تاكل من غزل البنات بشهيه ابتسم عاصف من ضحكتها جاء ليث الي خلص اغراضه كلها ، وراح للمحاسب عاصف وهو واقف عند المحاسب : اسمع صديق حط كيس فيه كل اغراض بيت رز دجاج جبنه خبز كله هذا شغلات طيب ؟ وخلها عندك انا اجيك شوي اخذها
العامل : حاضر صديق
طلعو من البقاله متوجهين للبيت ، عاصف وهو يناظر ليث الي ياكل ويمشي ونطق : الحين نروح عند بابا
ليث ناظره ونطق : والريف بتروح معاي ؟
الريف ناظرت عاصف الي نطق : ناخذك عندهم ونجلس شوي وينروح بعدين ناخذك من عندهم زي اليوم
ليث الي ابتسم وهز راسه : طيب
......
| عند اماني |
كانت جالسه وتفكر بالي قاله ممدوح معقووله ابوي يرفض ممدوح عشان ذا السبب ؟ ، الفقر مو عيب واليتم مو باليد ممدوح م اختار انه يكون يتيم م اختار انه يكون بذا المكان ! ، الفقر مو فقر المال الفقر فقر الاخلاق ، وممدوح غني باخلاقه عكس تاجر الفلوس تلعب بجيبه وغني المال بس فقير الاخلاق واماني تفضل غني الاخلاق كانت م تشوف ذا عيب ممدوح بالعكس كانت تحب ذا الشيء فيه م همها كلام الناس الي يقولون بنت شيخ تزوجه صبي بالنهايه ذا كلام الناس الناس م راح يعيشون حياتك م راح يتزوجون بدالك ، ممكن تكونين سعيده مع الفقير ويسبونك وحزينه مع الغني ويمدحونك وش تفضلين وقتها مدح الناس لك ؟ ولا سبهم لك ؟
انسدحت اماني وهي تناظر ب السماء واخذت نفس وهي حاطه يدها ع صدرها ونطقت : ي رب انك تكتب ممدوح من نصيبي
قامت بحزن وجت بتطلع من غرفتها وسمعت ابوها يكلم امها ب الصاله
ام اماني : وشهووو ذا الصبي يبي بنتي والله شين وقوي عين ليكون موافق
مصلح وهو يتقهوى : لا يبنت الحلال رفضته المهم اماني لاتعرف
وقتها طلعت اماني من غرفتها ونطقت : وش الي م اعرف فيه ؟
ناظرها الشيخ مصلح ونطق : ولاشيء اجلسي تقهوي ي بنتي
اماني ناظرتهم ونطقت : ترا سمعت كل شيء ومو من حقكم تقررون بدالي !
قامت ام اماني بعصبيه ونطقت : وليكون بتوافقين عليه ي ستي ؟
اماني ناظرت امها ونطقت : اي ، وش يعيب ممدوح ؟ نعرفه من وهو صغير ورجال ونعم فيه
ناظرها الشيخ مصلح ونطق : يعيبه جيبه ي بنتي ذا عيبه مو من مستواه ياخذ بنت الشيخ
اماني ناظرت ابوها ونطقت : توقعت امي الي بتفكر كذا مو انت يبه ، ممدوح غني ب اخلاقه وافضل اني اشتري رجال ومامعه فلوس ع اني اخذ رجال معه فلوس ومايسوى ريال
ناظرها الشيخ مصلح ونطق : قلت لك رفضته وانتهى ولاعاد تناقشيني بتعرفين مصلحتك اكثر مني ؟
اماني : انا بتزوج ممدوح رضيتو ولا لا
قام الشيخ مصلح ونطق بحده : وش تقووووولين ! تعارضيني ؟ تعارضيننننن ابوووووك
اماني خافت من نبره ابوها الي يصارخ عليها ، اما عاصف والريف كانو داخلين للبيت وسمعو الهواش الي بالبيت وصوت اماني بينهم
الريف ناظرت ليث ونطقت : ليث ادخل الملحق وقفل الباب واكل اكلك
هز ليث راسه وراح للملحق وقفل الباب ، اما عاصف راح للبيت عمه والريف وقفت برا عند الدكه
عاصف من ورا الباب نطق : ي عممم وش قاعد تسوي
ويدق الباب وفتحت اماني الباب وهي لابسه طرحتها وتبكي ركضت الريف لها وحضنتها اماني وهي تبكي طلع الشيخ مصلح معصب ومسكه عاصف ونطق : استهدددي باللله ي عم وش قااعد تسوي
الشيخ مصلح والي اخذ نفس ، اخذت الريف اماني للملحق وقفلت الباب وناظر عاصف عمه ونطق : علامك ع اماني
الشيخ مصلح : خطبها ممدوح وانا رفضته وهي تبيه وترد كلامي
ناظره عاصف ونطق : وانت وراك ترد ممدوح ؟ رجال ونعم فيه وش يعيبه ؟
مسك مصلح عاصف من ياقته ونطق : يعيبه جيبه تبي صبي ياخذ بنت شيخ
انصدم عاصف من كلام عمه م توقعه كذا ابداً ونطق : وش ذا الحكي ي عم الرجال م يعيبه جيبه وممدوح رجال ونعم فيه وانا اعرفه حق المعرفه م بتحصل زوج لاماني مثل ممدوح ي عم
ناظر الشيخ مصلح عاصف ونطق : اخذتك بنت ملهم وتبي بنتي ياخذها ممدوح ! الف واحد بتمنى اماني
عاصف نطق بحده : وارجلهم ياخذها ومافي ارجل من ممدووح