كنت راجعه زهقانة و قرفانة طالعه السلم و انا بنفخ " اتفصلت من شغلى تانى "
بس الذنب مش ذنبى المرة دى
كل اللى حصل ان مرات صاحب الشغل قفشتة و هو بيعاكسنى طيب هو راجل بصباص انا مالى انا جرسونة غلبانة بجرى على ابويا و امى
الولية مراته راسة و الف صرمة لازم يصرفنى و يطردنى من الشغل
و طبعا خاف من الهانم مراته و سرحنى بلا عودة
********
رنيت الجرس
ايوة يالا بترن -صوت امى
كحكحكح
البلغم مبهدل صدرها
فتحت الباب بيعيون متنفخة حمرا
-انتى سهرتى تانى يا اما..
-هو انتى ح تحسبينى يا بنت الكلب
كحكحكحكح
-و رجعتى تدخنى معسل القص الزفت دة
-هو اللى بينفع معايا ..قبضتى ؟
-اه
و ناولتها 500 جنية
-دول بس
-انطردت من الشغلانة
-لية يا موكوسة اوعى تكون مرات الراجل قفشتكوا
-حصل
-ما انتى اللى خايبة طول عمرك
**********
غيرت هدومى و اترميت على الكنبة العب ف الموبايل دخلت على صفحة الانستا اشوف الموضة و المكياج
و بعد كدة دخلت على الفيس
" صوت الماسنجر "
رسالة من ناهد
يااه بنت الموكوسة لسة عايشة
شات:
-ازيك يا ليلى يا حبيبتى وحشتينى مصدقتش انك فاتحة الشات ع الفيس
-حبيبة قلبى يا ناهودة فينك يا مضروبة بقالى سنة معرفش عنك حاجة
-يوة عدت سنة بسرعه كدة ..اتجوزت عرفى من واحد سعودى و عندى فيلا ف التجمع لازم تيجى تزورينى
-ياريت يا قلبى
-احنا فيها انتى لسة ف شقة امبابة
-ايوة هو ف غيرها
-خلاص بالليل افوت عليكى اخدك تباتى عندى
-و جوزك
-بلا نيلة ما انا اطلقت
********
( الحلم )
شفت حلم كنت راكبة ميكروباص و قاعده فية لوحدى
حتى السواق معرفش شكلة طول الوقت مدينى ضهرة
الوقت نهار
و مرة واحدة
ضلمة كبيرة بلعت الميكروباص
لقيتنى بسقط وسط الضلة ناحية فم كبير واسع و لسان احمر
قمت مفزوعه
و انا بنهج من الخوف
كان صوت اذان المغرب
يااه الوقت جرى كدة
**********