Only One Limited Edition (Completed )

Chapter 14

ဘုရင် ဒီနေ့ ပထမတန်းနှစ်ဝက် စာမေးပွဲ တွင် ပထမ ရသည့်မို့ အမှတ်စာရင်းအားကျောပိုးအိတ်
ထဲသို့ သေချာထည့်ကာ အိမ်ကလာကြိုသည့် ကားဆီသို့ အမြန်လျှောက်လိုက်သည်...ကျောင်းစတက်ကတည်းကအမြဲ ပထမရနေကျ ဖြစ်ပေမဲ့ မိဘ၏ ချီးကျူးမှုကို လိုချင်သော ပုံမှန်ကလေးများကဲ့သို့ပင်...
သခင်လေးလို အေးစက်စက်ကလေးက ပုံမှန်နေ့
များလို တည်ငြိမ်စွာ လှမ်းလာခြင်းမဟုတ်ဘဲ အ
နည်းငယ် အလျင်လိုနေပုံက မြင်သူများအတွက်
ချစ်စရာလေးပင်....
ကားပေါ်ရောက်,ရောက်ချင်း နေ့တိုင်းလာကြိုသည့်မာမီအား မမြင်ရသည်မို့ အနည်းငယ်ဝမ်းနည်းသွားရသည်...သို့သော် ယင်းသို့ ဖြစ်ခြင်းကို မည်သူမျှသတိမထားမိလိုက်ချေ...
သခင်လေး ကားပေါ်တွင် သေချာထိုင်ပြီးသည်နှင့်ကိုယ်ရံတော်များ ရှေ့တစ်စီး နောက်တစ်စီး ခြံရံ
လျက် အိမ်တော်ဆီသို့ မောင်းနှင်လိုက်တော့
သည်..
အိမ်တော်၏ ယနေ့ရာသီဥတု အခြေအနေက
မကောင်းပေမဲ့ သခင်လေးပြန်ရောက်ရင်တော့ တစ်မျိုးတစ်မည် ပြောင်းလောက်ပေ၏...သခင်လေးကအိမ်တော်၏ ဆည်းလည်းလေးမို့ပင်...အခြားကလေးများ ကဲ့သို့ တီတီတာတာ ပြောခြင်းမျိုးမဟုတ်ဘဲ တည်တည်ငြိမ်ငြိမ်ကလေးကိုမှ အေးစက်စက်ပုံစံမျိုးဖြင့် ပြောချင်သည့် အကြောင်းအရာကိုချက်ကျလက်ကျ ပြောဆိုခြင်းမျိုးပင်...အပိုစကားမဆိုတတ်သော ကိန်းကြီးခမ်းနားလွန်းသော ပုံစံကလေးမှာ အရွယ်နှင့်မလိုက်အောင်ပင်...
အိမ်တော်ထဲသို့ ဝင်သွားသော သခင်လေးအား
ကြည့်ရင်း သက်ပြင်းချမိသည်...အရင်ကတည်းကအေးစက်သော သခင်လေးက မိဘတွေ၏ ပြသာနာတွေကြောင့် ပိုပြီး အေးစက်သွားမှာ စိုးရိမ်လို့ပင်..
ဘုရင် လည်း အိမ်တော်ကို ပြန်ရောက်လျှင် မိမိ
အခန်းရှိရာသို့ အရင်ပြန်လိုက်သည်...
ကျောပိုးအိတ်ကိုနေရာတကျ ထားပြီး အမှတ်စာရင်းကို ယူကာ မာမီအခန်းသို့ ထွက်လာလိုက်သည်...
ဘုရင် အခန်းရှေ့ရောက်တော့ အခန်းတံခါးက
ပွင့်နေပေသည်...တံခါးဟကြားမှ ကြည့်တော့
ဒယ်ဒီ ရောက်နေခြင်းဖြစ်သည်...
" မင်းလုပ်ရပ်တွေကြောင့် မင်းကိုယ်မင်းထိခိုက်တာငါ့ကြောင့်ဆိုပြီး လွဲချမနေနဲ...  ငါ့အတွက် စိတ်ရှုပ်စရာတွေ ပိုလာတာပဲရှိတယ် "
" သားအတွက် မင်းကို ငဲ့ညာနေတာ...ခု ငါ့ချစ်တဲ့သူကို ပြန်ရှာတွေ့ပြီ... မင်းကွာရှင်းဖို့ အဆင်သင့်ပြင်ထားလိုက် "
မင်းအာဏာ လည်း ချစ်ရသူလေးအား ပြန်ရှာတွေ့ပြီမို့ ထိုသူလေးရှိရာမြို့သို့ လိုက်သွားမလို့ရှိသေး...ပြသာနာထုပ်ကြောင့် အိမ်တော်ကိုပြန်လာ
ရသည်..
သွင်လေးအား ပြန်တွေ့သည်နှင့် ကွာရှင်းမှာလို့
အပြတ်ပြောထားတာတောင် လာနွယ်နေခြင်းမို့
ယတိပြတ်ပြောနေခြင်း ဖြစ်သည်...
အခန်းပြင်ကို ထွက်လာလိုက်တော့ တံခါးဘေးမှာ
ရပ်နေသော သားဖြစ်သူအား မြင်လိုက်ရသည်...
သွင်လေးရှိရာ မြို့ဆီသို့သွားမည့် လေယာဉ်ချိန်နီးနေပြီးမို့ ဂရုမထားမိဘဲ ထွက်လာခဲ့သည်...
ထိုသို့သော မြင်ကွင်းကိုမြင်တွေ့စေပြီး ထိုသို့လုပ်ရပ်ဟာ နောက်ဖြစ်လာမည့် ပြသာနာတွေအတွက်ပါ စုပေါင်းပြီး သူတို့သားအဖကြား စည်းခြားလိုက်ခြင်းဖြစ်နေခြင်းကို့တော့ မည်သူမျှ သတိမထားမိလိုက်ချေ...