#سند
بقلم #nano_Ibrahim
_________________________
الصباح صحيت على صوت دق في الباب عاينت للساعة وعين مفتحة وعين مغمضة كانت ماشة على ٩ صباحا
ننو. محمممدد
انا. ايووواااا
هي. قوم الوقت اتاخر ورانا حاجات كتيرة
انا. قايم قايم
هي. الحالة موصياك تصحى بدري
قالت كدا وسمعت صووت خطواتها وهي بتبعد
قمت من السرير بعد تحانيس اتحممت وصليت وطلعت لقيتها لابسة عبايتها وجاهزة والشاي قدامها
انا. صباح الخير
هي. صباح النور
قعدت في الكرسي وكبيت الشاي وشربت مع البسكويت الكانت خاتهو في الصحن
انا. اها الخطة كيف
هي. تشرب الشاي وتغير ملابسك عشان نمش نجيب الحاجات المحتاجنها ونجي نجهز الاكل ونرتب المكان
عاينت لي ملابسي كنت لابس شورت تحت الركبة بشوية لونو كحلي وتيشيرت ربع كم ابيض وشبشب بيتي عاينت ليها باستنكار
انا. مالهم ملابسي اسي؟
هي. ح تمش كدا ؟
انا. أي م عندي حاجة لي زول وم ح اغيرهم عشان م تحاولي معاي
هي. طيب براحتك
بعد خلصنا طلعنا طوالي مشينا أقرب سوبر ماركت عشان نجيب الحاجات المحتاجنها كنت سايق السلة وهي بتنزل في الحاجات ومرات بتسالني تشيل شنو
انا. ح تعملي لينا كيكة برتقال صح؟
هي. للأسف لا
انا. ليييي!!
هي. عارف انو خالد ورنا م بحبو البرتقال صح؟
انا. بس انا عايزها☹️
هي. أول شي انت م شافع... تاني شي ح اعملها ليك بكرة
انا. قولي كدا من البداية... ارح نجيب برتقال
هي. نفسي اعرف بتحب البرتقال لي😂
انا. دا احلي حاجة في الدنيا... م ببدلو بأي شي
قلت كلامي وسبقتها على البرتقال العيني وقعت عليهو وبقيت شايف قلوب قلوب جبت برتقال كتير وفروالة لانو عارفها بتحب عصير الفراولة بالحليب
هي. خلي مساحة لي باقي الحاجات 😂
انا. م مشكلة ح اجيب سلة البرتقال براهو
هي. محمد بطل هبل وارح كفاية 😂
سحبتني من هناك بالقوة وبعد خلصنا مشيت حاسبت وشلنا الحاجات في الأكياس ومشينا العربية
ESTÁS LEYENDO
سند
De Todoرواية سودانية بقلم nano Ibrahim السلام عليكم ❤️ أشتقت ليكم كلللكم❤️ دي تاني رواية لي بعد رواية راجل مرتين م عايزة احكي عن الرواية لانو ح احرقها ليكم😂 المهم بتمنى تدعموني وم تنسو التصويت وعلقو ووروني رايكم
