Naliligo ako
sa pawis
Sa tuwing dudungaw ako
Sa chatbox mo.
Kahit tatlong oras na
O kahit tatlong araw pa.
Matiyaga
Akong
Mag-aabang.
Kahit na reply mo
Ay SLR lamang.
Alam ko
Na kasunod ng mga titik na ito
Ay ang walang humpay
Nating paglangoy
Sa dagsa ng mga sagutan.
At sa bawat bitaw
Ng mga salita.
Sa pagitan ng mga salita.
Oo. Nag-aabang ako.
Ng tiyempo.
Masabi ko lang sa iyo.
Gusto kita.
YOU ARE READING
SLR atbp.
PoetryIba ang pag-ibig sa panahon ng social media. Paano nga ba natin ito mahahalaw? Pwedeng sa mga bagong termino o salitang likha ng mga gumagamit ng social media. Ang SLR atbp ay sumasalamin sa dynamics ng relationship natin sa panahon ng social media...
