أنجـذام"باللهجة العراقية"

الآنجــذام الحـادي عشــࢪ.

اردف بحيرة يخالطهه الحزن
:  - انشاء الله الله ويانه

باوعتله بحزن وهو حاضن بنته ويمشي وبصفه
زوجته وابنه وامه وابو

رجعت نظري للأمام وكملت مشي

" "" "" "" "" "" "" "" "" "" "" "" "" ""

آرام

كملت اني وملار ونزلت منتظره ماما تجي

مرت ربع ساعة وفاتت شربت مي وطلعنه
للمستشفى جانت عدهه فحوصات والدكتور اكد
انو يسويلهه تحليل دم اليوم

وصلنه اخذت ساعتين بين فحوصات
الدكتور وماحولاته علمود تحجي  وانتظار نتيجة التحليل

مااعرف شنو اوصف شعوري او شعور ماما
يمن طلعت نتيجة التحليل لان احنه عايشين
بمجتمع شرقي وكلشي عنده قتل وضرب للمرأه وماكو
اي تفهم

جانت ملار حامل الخبر الي وگع علينه مثل الصاعقه
الضربتنه

جانت صدمه بس رفضت ماما تكول الهه ورجعنه
بهدوء وعلامات الحزن ترتسم على وجهنه

شنو ذنبهه خربت حياتهه وادمرت بسبب
صديقه وبسبب ثقته بيهه مااعرف اذا صدگ جانت
صديقته او زميلتهه بس بالحالتين شلون
انطاهه گلبهه اتسوي هيج

رجعت للبيت اخذت ملار للغرفه وماما دخلت
الغرفتهه وبس اسمع بجيهه

اخذت موبايلي وطلعت للاستقبال اتصلت على جسام

:  - الووو

:  - هلاا بيج بويه شلونج

:  - الحمدالله انتَ شلونك

:  - بخيرر اشعجب گاطعه ماتخابرين هاي صارلج
اسبوع

:  - ملتهيهه والله

:  - خير انشاء الله

:  - سالارر رجع لو بعده؟؟؟

سحب نفس واردف
: - خابرني البارحه طالعين من الموصل وجايين
البغداد بس السيارة الي نقلتهم عطلت بنص الطريق
وضلوو بالضيم وتالي راحله وهب واخذ ولد حامد
يجيبونهم لان وياا ناس كال

:  - الحمدالله انشاء الله يوصلون بخير

:  - انشاء الله،  محتاجه شي مصرف اجيبلج باجر اني جايكم

:  - لا سلامتك

: - يسلم گلبج

ودعتهه وغلقت الخط واني احس براحهه من عرفت
سالار راجع بالي ضال يمهه