همسات عاهرة

بارت 8

❣همسات عاهرة ❣

صباح الصبااح قام ودخل يدوش عليه لبس حوايجو ونزل يفطر ..لقاا ادريس مترأس الطابلة وحداه صحر..الصمت كان هو سيد الموقف كيتسمع غير صوت المعالق والكيسان حتاا كسر ادريس الصمت وهو كيشوف فقصي:كنشكرك اولدي حيت تفهمتي الوضع وممشيتيش مكنتش باغي تعرف بدك الطريقة ولكن.... قصي هز راسو باه وهو كياكل ..ممسوقش فصحر لي كانت تاكلو بعينيها ..شافها طولات وهو يطلع عينيه ..شاف فيهاا وطلع حاجبو بحال كيقول ليهاا الصبااح الله ...هياا بتاسمة شافت ف ادريس ونطقات :حبيبي البارح دويت مع طبااخ فرنسي بغيتو هو لي يتكلف بالمأكولات للعرس حيت عندو دك شي زوين...ادريس بداا كيكحكح وهو كيشوف فردة فعل قصي ..صحر عطاتو كاس ديال الماا :مالك حياتي شنو وقع ليك ...غير نطقات هاد الجملة شافت فقصي وهيا مبتاسمة ..قصي فهمها لاش بغات توصل وقف ونطق وهو غادي:مبروك عليكم...ركب فالطو ومشاا لشركة وكل افكارو مع صحر اول مرة شي وحدة تتحداه هكا كون كانت شي وحدة خراا...بمجرد طلع عينهاا فيه تكون تحت التراب ولكن خاص يصبر علا الاقل غير يفهم الباه بحقيقتهاا وشنو تحت راسهاا...سلا شغلو وتاام راجع للقصر وخاا محاملش يشوفها ولا يسمع صوتها كيحس براسو وهو معها بحال باغي يدفنهاا ويرب من دمهاا حيت ديماا كتلعب ليه على الوتر الحسااس ...دخل وطلع يدوش عليه  لبس عليه غير شورط بقا عريان من الفوق...خرج للشرفة وهو كيدوي فالتيلي وكل كلامو على الخدمة حتاا شافهاا كانت فالبلكون لابسة بنوار حريري فالاحمر مفتوح على نصو ورجليهاا كيباانو سكسي شعرهاا مطلوق كيتحرك مع الهواا ببطئ... كانت كتكمي وتنفث الدخان فالهواا بطريقة زوينة عينيهاا مع انعكااس القمر كيعطيو بريق زوين كيسحر نضراتهاا كانو باردين شي لي يخليوك تغرق فيهم ....قصي قطع وهو كيشوف فيهاا حتاا جات عينو فعينيهاا ...صحر بتاسمة وسيفطات ليه بوسة فالهواا...قصي طلع حاجبو مخنزر وهو كيتحلف ..بقاا واقف حتاا شاف ادريس خاج عندهاا حضنهاا من اللور خشا وجهو فعنقها وهو كيستنشق ريحتهاا ...قصي فهاد اللحضة حس بالنار شاعلة فيه محملش قرب الواليد دياالو ليهاا معرفش شنو وقع ليه حس براسو بغاا ينقز عندهم ويفارقهم تنهد بعصبية وتاام داخل..مبغايش يزيد يشوف المنضر حيت يقدر يدير شي حجاا من بعد يندم عليها ...ادريس حس بصحر كتشوف الفوق وطلع راسو ملقاا حتاا شي حد :اش كتشوفي ...صحر ضارت وتقابلة معااه بغاات تنسيه الموضوع :واالو مجاكش البرد ..ادريس بتاسم باسها من خدهاا:يلا..
صبااح الصبااح <br>
كان ناعس على ضهرو ويديه تحت عنقو كيشوف فالسقف كيفكر ..ليلة البارح مقدش ينعس قام دوش عليه ونطالق ..لوجهتو ...شاف تيلي كيصوني فتح الخط وهو كيشوف فالطريق ..الشخص:سي قصي:كاع المعلومات لي طلبتي على الانسة صحر عندناا... قصي:ممم اوكي انا جاي..قطع وهو مبتااسم :قريب نعرف شكون نتي اللالة صحر..