انتقام اسيل

البارت الثاني عشر

_ احس حتى النوم
مل مني.

الكاتبه: ملاك حسين 🤍
.................................

باوعت على الرسايل جانت من رقم غريب
دخلت عليهن جانت عباره عن صوري اني و الدكتور أنس بالمطعم وكاتب جواهن

_ هاي الصور راح تروح لأهلج و نشوف شنو راح يسوون يا اسيل

بتسمت بخفه وكلت

_ نشوف

خرجت من المحادثه بدون ما اجاوب على اي شي نزلت جوه شفتهم ديحضرون الريوك

_ صباح الخير

_صباح النور

ام انس: تعالي يمه تريكي

_ يمه اني ما احب الريوك راح اسوي قهوه منو يشرب حتى اسويله ويايه

أنس: اني

_تمام

رحت سويت القهوه و رحت وديتها الـ أنس

_ تفضل

_ شكرا

_ العفوا

شربت القهوه رجعت البيت جدي

_السلام عليكم

_ عليكم السلام

اسد: اي اكو وحده اتبات ابيت صديقهه

رديت ببرود
_اي اني

اسد: استغفر الله

_ضل استفغر حتى تدخل الجنه

عفته و رحت للغرفه غسلت و رحت طلعت الملفات كعدت اشتغل عليهن صفنت واني اتذكر الماضي

الماضي

جنت كاعده بالشارع على الطابوكه اشوف البنات شلون يلعبن شويه و صاحتني مرت عمي

_هاا شنو تردين

_ اريدج تروحين تلمين غراضج بعد شويه ييجي عمج ياخذج للميتم

_ ما اريد الميتم خابري خوالي

_خوالج لا خلي الفلوس الي يدزوها الج فايدتنه و من يبجون يردون يشوفوج راح اكول الهم نايمه او طالعه

_ بس اريد اعرف شنو سويتلج

ضربتني بضهر ايدها على وجهي بحيث حسيته ورم

كلت واني اتفل الدم من شفتي لان كامت تنزف

_ ان شاء الله الله يطلع حقي منج و من كل واحد اذاني

عفتها و رحت لميت هدومي الي من يصيرن قديمات و بتها ما تريدهن نتطينياهن

فزيت على صوت التليفون باوعت جةنت رساله من ابو ذيبه كاتب

_ وين صافن الحلو

باوعت حول غرفتي شنو معقوله يراقبني رد دز

_ جؤ لا تدورين عليه ما راح تلكيني

_وين انت

_ بقلبج

دكيت علي ما يرد

_ بس كلي شنو اسمك و ليش تلاحكني

_ اممم اسمي جحيمج و ليش الاحكج لان احبج

يتبع 🦋

لا تنسون التصويت و التعليق بين الفقرات احبكم ورداتي

[وَذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ]

_سبحان الله.

_الحمد الله.

_لا اله الا الله. 

_الله اكبر.

_استغفر الله. 

_لا حول ولا قوه الا بالله.

_سبحان الله وبحمده.

_سبحان الله العظيم. 

_الله هم صل على محمد وعلى ال بيته الطيبين الطاهرين 🏹♥.