الـرياش نَهج مُغاير

36

ضحكت كل تفكيري يريد يلطف الجو بس صدمني من كمل
_ ورحت وعرفت موقع بيتهم وسألت عليهم باقي بس نروح .
_ منو هيَّ ولك شني عرفت عليهم وتروح تخطب چا هيّ ركض بركض .
_ شوووف جنك ابوك خليني اروح افوت وفد شوية اشرب جگاير .

عافني وراح دخلت وراه اصيح بي اريد يوكف قافل الحيوان
علي الآكبر: جوجو تعال شبيك اني اقنع ابوك تعال .
جــود : العباس عليك .
علي الآكبر: والعباس .
جــود : اذا ما ازوجك اني هم اذا عدهم مثقفة نحجز اني وياك .
دُر : اي شاب من حقه .
جــود : زوجة اخي راح اتزوج مثقفة تكسر عليچ بالثقافة .
دُر : واخوك ياخذ اختها .
جــود : اذا عدهم اخت اي خطية انتِ مطولة تشلعين باب الگلب .

ريــان : اجيت استاذ علي .
_ اي عمامك يسلمون عليك .
التفتت شفت دُر مبدله ملابسها
_ منين بدلتي ؟
_ بالحمامات .
_ ارجعي لبسي القديمات .
_ لا تدخل بأي اوتفت ألبسه رجاءً يعني هسة من طلعت اخذت أذن مني .
جريت اذنها لزمتها وريان اجاني
_ وهسة اخذت اذن امشي بدلي .
جــود : لا تدخل بـ اوتفت دُر لا انتفك تنتف حلوة طالعة زوجة اخي .
دُر : ثانكيو جــود انتَ Nice .
جــود : يا بعد ناسي وهلي انتِ .

ضربته على راسه ودفعته رجعتها للحمام اشرت الها على باب
_ والله ما اغيرهم عاجبيني وحلوات .
_ هيَّ مال حلوات بهل زلگ .
_ بهل شنو ؟
_ بهل ابووووج .
_ والنبي علي الآكبر اذا تغلط على ابوية اطلگك غيابي .