رقص السراب

البارت الثاني والثلاثون

روايـــــــة   "رقـــــــــــــــص الســـــــــــــــراب"

بقلم اسيا الشمري
للتواصل Asia__313

البــارت الثاني والثلاثون
                 متابعة للحساب والتصويت
                والتعليق بين الفقـرات لطفآ
∞∞∞∞∞∞∞∞∞∞∞∞∞∞∞∞

-رحتي يم الحجية عشتي بالسكـن كل فترة چنت اسئل عليچ دائمآ چان اكو شيء يگلي هاي البنية مو مثل باقي البنات اللي اجنك برجليهن وكاللك ودينا على وحدة تشتغل بالد..عارة چان عندي امل صغير من تعرفين طبيعة العيشة بالسكـن ترفضين تبقين بي انتظرتچ لحد حفلة عيد ميلادچ! بيومهـا خابرت الحجية بنفس الليلة گتلها حچيتيلها على طبيعة الشغل كالت اي ووافقت ماصدكت بيها كلتلها وديلها الموبايل خلي احچي وياها حچيت وياچ كُتلچ مريـم خاف الحجية ضغطت عليچ گتيلي لا اني بكامل آرادتي اريد ادخل لهذا العالم اصلآ انهزمت من اهلي حتى اخذ حريتي چانو خانكيني هذه الحياة اللي اريد اعيشها

وكفت حچيت بصوت عالـي
- بعد ماطلعت من شقتك ما تواصلت وياك ليشششش تچذب انت ماخابرتني ما كتولي على شيء لا أنت ولا الحجية اني انصدمت من كعدت الصبح ولكيت نفسي بحضن رجال غريب مااعرفـه كُلشي اتحمل ينگال عليه بسسس ما اسمح لأي شخص على وجه الكرة الأرضية يكلي اشتغلتي هالشغل بموافقتچ

أنرسمت على وجهه ملامح الصدمة
-خابرتچ وكتيلي موافقة بلسانچ حتى بليلتها جربت انصحچ ماسمعتي نصيحتـي ورا شكم يوم اجيت للملهى شفتچ واكفة على الأستيج تركصين! هذا شكل وحدة مجبورة؟

ابتسمت باستهزاء- الحجية ضحكت عليك خلت وحدة من البنات تحچي ويـاك وهمتك اني وافقت

كام بعصبية شال الميز رفعه كل حيله وشمره على الجامات تكسـرت ماهمني اللي سواه رجعت كتله
-من شفتني اركص چانت وحدة من البنات مخليتلي شرب بالعصير حتى بأول ليلة اليـه بهالشغل النكس چنت ما واعيـة ماكعدت غير وجه الصبـح لك 10سنـوات عايشة بـ عذاب متواصـل!
وهسا ممكن تگلي شجابك عليه شتريد مني

حچه وهو صاك على اسنانه
-وحدة منچن چذابة يا اما انتِ يا اما سعــاد

-وين تريد توصل بكلامك؟ تريد تقنعني مابعتني للحجية ليش عبالك اني ماسمعتك من خابرتها وكلتلها هالمرة جبتلچ وحدة جاهزة مجهزة لاتكعدين تربين ولاتعلمين

-كُلشي صـار بموافقتچ حتى جيتچ للشقة احسن ماتبقين بالشارع
قاطعته بسـرعة-واللّه لو باقيـة بالشـارع وماكلتني الچلاب ولا شايفتك ساعة السـودة

فتح باكيت الجكاير سحبله جكـارة ورثهـا نفث الدخان حچه بندم- شكد تندمت على الأيام اللي چنت اودي بيهن بنات لـ سعاد بالرغم هن اصـلآ چانن ساقـ..طات ومن قررت اترك گلبي ماوجعنـي عليهن لأن ادري بيهن هن رايدات هالشغل قبل تقريبآ 7سنوات غيرت حياتي وابتعدت عن كُلشي مو زين رب العالمين وفقني وحصلت على كل شيء اريـده چنت اظن رب العالمين راضي عليه ومتقبـل توبتي لحد ليلـة البارحة اجت ببالي سعـاد كلت خلي اشوفهـا اول ماحطيت رجلي بباب مكتبها انلطخت بيه بنيـة سئلت الحجية وحچتلي بتذمر عنچ كالت هاي البنية مللتني كل ماا ادزها لواحد تكوم تلطم وتعيط عبالك اول مرة ولا كأنما صارلهـا عشر سنـوات ويايـه استغربت تصرفاتچ بنية مثلچ مسوية كل هالبـلاوي بعمر اقل من الـ18 انهزمت من اهلها وطلعت ويه رجال غريب كعدت بشقتـه مافكرت يجي بيوم يعتدي عليهـا وراها راحت ويه مرة ماتعرف كُلشي عنها عاشت يمها وعجبها الوضـع قررت بأراداتها تشتغل هالشغل