صائب:الللي اسمممع حسسسه يجيهااا الدووور
عيونه نطت من العصبيه مسح جف ايده من الدم صار البيت هدوءبس صوت مناشغ مسلم ينسمع رجع باوعلهن وصاح بيهن
_الكل بالغررررف بسررررعه
كامت رضاب مسحت ادموعها تباوع على زوجها غمضت عيونها دارت وجهه وراحت للغرفه اباوعله فرك اديه مثل المتحلف مدنك راسه ويهز بي رجع رفعه وحجه
_شكككللللت
كامت لمياء من الكاع تباوعله بحقد مسحت دموعها وصعدت فوك هاجر وعذراء همات صعدن باوعت على خالتي كاعده بالكاع مهدود حيله تغمض وتفتح بعيونها رحت يمها لزمت ايده
اجوان:شبيج خاله
صائب:كللت الكللل يررروح
التفتت عليه يباوعلي وخازرني حجيت
_انته متشوف امك شصاير بحالها
_عوفيهااااا كومي
ماجاوبته رجعت باوعتلها وجهه صار اصفر درت وجهي من صاح على مسلم
_تعال هناا مسلم
عيونه حمر من البجي واكف بالباب يباوع عيونه خايفه يمسح بدموعه ويرجعن ينزلن وصوت المناشغ مالته عالي حقه طفل وشاف هيج منظر كباله اني ومتت خوف هو شلون تقدم بخطوات ترجف وصل قريب عليه ووكف صادق وفضل واكفين ماسوي اي شي تعجبت عليهم رفع عيونه على صادق وحجه
صائب:صااادق
بس حجه هيج راح صادق طلع بره شويه ورجع بيده دبه مال مي رضا نايم على ظهره فاتح حلكه يمكن فاقد منظره مرعب بسرعه دار المي كله عليه فز وشهك شمر صادق الدبه عليه كعد على حيله يمسح الدم من عيونه جسمه يرجف كعد كباله صائب نزل راسه يفرك بوجهه طلع سلاحه من خصره حطه كباله فضل واكف يمه وصادق لزم رضا شاله من ياخته يريده يكعد عدل باوع على خالتي وحجه
_كومي يمه طبي جوه
باوعت عليه عيونه بيها دموع بدون متجاوب رادت تكوم اجه فضل يساعدها نترت ايده وكامت كوه مشت وصلت للغرفه باوع عليه فضل وحجه
_انتي هم روحي
_شبيه زوج اعوفكم وحدكم وياه بله موتوه
صاح بيه صائب
_وانتي شنوووو تشهدين على الجريمه
_لازم خايف اشهد عليك
_وحك النزل القران اكوم اكسر راسج هسه
_كوم شمنتضر
حجه صادق حتى يهدء الوضع
_هسه تروح مو بلوه يلا روحي
دكيت على رجلي وحجيت
_هذا مكاني ماتحرك منه وابن أمه الي يخليني اروح
التفتلي فضل فاتح عينه حجه صائب
_انتي تخبلتي
بعدني اريد اجاوبه كام رضا من مكانه يترنح بسرعه دفره صائب وكع بالكاع
_انتته شنو جاااانت نيتك هااا تريد تنزل راسي لو شنو
_وداعت ابني ماردت هذا كله يصير
_شلون ماردت شلووون فهمممني
كام يمشي ويفتر لازم راسه بعصبيه كعد بمستوى رضا وحجه
_منو ومنو وياك متووورط احجي لاافرغ المخزن كله براسك واخلي ابنك يباوعلك وانته تصارع المووووت
_محد متوررط بس اني اخذت الفلوس
_وللللك كبالك زوووج وتقشمر عليه
_وروح ابوووي بس اني
راح صادق وكف يمه وحجه
_شنو غايتك من سويت هيج عبالك تشرد منها ومحد يحاسبك
_انته اسكت محد دخلك بينه
بس حجه هيج طفر عليه صائب خله السلاح بين عيونه ويحجي من بين سنونه
YOU ARE READING
منتقم وغريبه
Mystery / Thriller-حاول..! أن يعصر عظامِهُ فِي فراشه، حاول أن يدفع لياليَهُ الموحشةَ إلى المِقصله، لا يمكنُه النومُ، لا يمكنُه الكتابة، لا يمكنُه اليقظة، أشَباحُه تتقدم إلى الغُرفة وتتمدد على السريرِ..! صقورٌ ترعى فِي عينيهِ بمسرةٍ، قريةٌ بكاملها ترتجفُ فِي أحشائِه...
البارت ٢٧
Začať od začiatku
