💔ضحيه ثقه💔 روايات ليبيه

الحلقه السابعه♡

الحلقه السابعه من روايه ضحيه ثقه💔
للكاتبه:  الغࢪيانيہ‏‏الغࢪيانيہ‏‏🦋🫧

قصه حقيقه لبنيه ليبيه 🥹🫶🏻

نضت غسلت وجهي وضميت مكاني وشديت تلفوني ولا اراديا لقيت روحي مثبته الوتس 💔💔
خشيت عليه والصدمه 😳
هيثم.. استاحشتها مئاب 😔💔
اني قريتها الرساله من برى وماقدرتش نخش علاها وقلبي وجعني 😖💔
اخخ يا قلبي كيف بنداوي جرحكك بس كيف 😭😭💔
وقعدت لقريب المغرب نخش عالوتس لكن مانخشش على الشات نشوف لو بعت شي تاني وخلاص 💔

مع المغرب
ميس.. مئاب
انا.. نعم
ميس.. هي تعالي نطلعو شويه فالجنان الجو حلو
انا.. به هي
وطلعنا لقينا منار مقعمزه برى كسدنا جنبها
منار.. خيرك وجهك اصفر مئاب
انا.. هك من الهم 😔
منار.. شن صار فيك حضرتيه 
انا.. لالا
منار.. احضريه باش ترتاحي
انا.. ماقدرتش
منار.. هكي حتضعفي وتوليله
انا.. 😔💔
منار.. اسمعي مني يا مئاب راهو لو حتكملي معاه حتندمي صح انتي تحبيه بس هوا غلطه ولازم تتصلح ره هدا الشي غلط وكلها مجرباته الشي هدا وكلها ندمت عليه وانتي حتندمي لو تكملي معاه حاضيعي عمرك ومش حتتوفقي فحياتك، بس لانه هادي العلاقه محرمه وربي مش حيرضى عليك اسمعي مني والله حيجيك يوم وتولي لكلامي وهوا حيجيه يوم ويتغير وتقولي اني كيف كنت نحبه
انا.. لالا هوا يحبني ومستحيل يتغير عليا 💔
منار.. براحتك مئاب 😔
وقعد كلام منار وماما يدور فراسي ونقول زعما هوا حق يلعب بيا زعما حق هوا يلعب بيا وبعدين نقول لا مئاب هوا يحبك ويبيك طلعي الافكار هادي من راسك 

فالليل الساعه 12🖤✨
ضعفت وقررت نخش عالشات 💔
انا.. حتى مئااب استاحشاااتكك 😭😭😭😭💔
هيثم.. انتي مئاب والا مني😳
انا.. اي مئاب من بنكون يعني 😂💔
هيثم.. نحسابه امك ردت عليا 😂💔
ورقينا مكالمه وقعدت نضحك ونبكي زي الحماره 😂😂💔
وقعدنا نهدرزو للفجر لكن صار شي اني ماحسبتلاش💔
انا.. ميسو 🌚
ميس.. عيونها
انا.. شن اديرو تعالو كسدو جنبي فالكوجينه
ميس.. هي اهوجايينك
وجوني هيا ومنار درنا جو وضحك وقرمه وكلينا وبربزنا وهيثم معانا عالخط 😂💔
بجديات كانو ايامات حلوه 🥺💜
ــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
ثاني يوم💛🌤
ماما.. مئاب نوضي يفرخههه ضهرر
انا.. باهيييي
ميس.. مئاب
انا.. هااع
ميس.. نوضي بنقولك حاجه مهمه فيسعع
انا.. شنهيا
ميس.. نوضي اغسلي وجهك تو نحكيلك بسرعه
انا.. اففف به
ونضت غسلت وجهي وجيتها
انا.. هاشنفي
ميس.. قعمزي قعمزي
انا.. شنصاير
ميس.. تعرفي امك قالت لبوك
انا.. 😱😱ميس فكيني من الجو
ميس.. وربي هي
انا.. به كيف عرفتي 😰
ميس.. الصبح دايره روحي راقده وامك تهدرز فمنار قالتلها حكيت لمحمد كل شي ماقدرتش ندس عليه بالذات انه اني كلمته الولد
انا.. يحليلي بوي لما يقتلني شن درت اني 😰😭😭💔
ميس.. ديري روحك عادي وانك معاش تكلمي فيه وبوك قوليله معاش نكلم فيه وخلاص
انا.. ووكك عليا وووك شنبندير😭😭
ومشيت حكيت لهيثم
هيثم.. مئاب خلاص تو يوم بوك يروح يتسكر الموضوع ونطلع من حياتك
انا.. لكن مانقدرش كيف اني نحبك ومانقدرش بلاك وفنفس الوقت اماليا مايبوش 😭😭💔
هيثم.. الله غالب هدا الي صار والي كتبه ربي نرضو بيه 💔
انا.. 😭😭💔
وفات يومين واني نكلم فهيثم وامي زابطه انه نكلم فيه لكن سكتت ومابتش تتكلم
وجتنا خالتي بتقعد عندنا ايامات 🤍
خالتي.. ي بنات
كلنا.. نعم
خالتي.. تعالو اهو درت قهوه خلي نطلعو شويه للجنان
كلنا.. باهي هي
وطلعنا ودرنا جو حلو شربنا قهوتنا وتغيرت نفسيتي شويه «بجديات ننسى همومي مع لمت الصاحبات والعيله 🥺💜»
ماما.. عاد مئاب جايينها خطابه 😇
خالتي.. اشيييه امتى ومنهما
انا وميس ومنار.. 😳😳
ماما.. ولد صاحب محمد وبعد غدوه جايين معاه من الشرق هما
انا.. بالله 🤨
ماما.. خيرك 🙂
انا.. والله ماني قابله بيه🙂💔
ماما.. مش بكيفك هوا
انا.. مالا بكيف مني 🤨
ماما.. بكيفنا احني وبكيف بوك
انا.. اني بنتزوج والا انتم اني مانبيش نبي نقرى
ماما.. وبوك يبي يعطيك اني مادخليش فيك انتي وياه يجي وقوليله الكلام هدا
انا.. 😤نضت من جنبهم وخليتهم
ــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
انا.. هيثم😭😭
هيثم.. شنفي خيرك مئاب
انا.. بيزوجوني يا هيثم 😭😭
هيثم.. من بيزوجك شن تقولي
انا.. جوني خطابه ي هيثم وبابا موافق ويبو يعطوني😭😭💔
هيثم.. وانتي موافقه 💔
انا.. تو بالله عليك كان موافقه بنجي وبنقولك 😭💔
هيثم.. به خلاص ارفضي
انا.. بنرفض لكن هما يبوني ناخده 😭😭💔
هيثم.. انتي سكري راسك وقوليلهم مانبيش
انا.. مه هما عارفيني نكلم فيك فهما حيعاندو باش يبعدوني عليك 💔💔
هيثم.. والله ماعاد فهمت نطلعو من قصه نخشو فقصه 😔💔
انا.. اخخخ منك الصبر يا ربي 💔
هيثم.. قريب نهج منها البلاد مره وحده باش نرتاح
انا.. هيثم بلا دوه زايده
هيثم.. قصدي وربي الا عوج ره شن بيزوجوك واشبح شني
انا. 💔
هيثم.. به اسمعي بري تزوجي وخلاص خير من تقعدي فمشاكل ماليهاش حل
انا.. هيثم شن تقول
هيثم.. به شن اندير اني والله ماعاد فهمت هما يبو يبعدوك عليا يشوفو فيا ماننفعش ومانصلحش بيك خلاص خودي الي اختارهولك بوك وخلاص
انا.. هيثم به واني واني شني، كلكم تفكرو فرواحكم وماحد فكر فيا كل حد يفكر لمصالحه وماحد عبرني 😭😭💔
هيثم.. بالعكس اني هكي نفكر فمصلحتك لو اني قعدت معاك مش حترتاحي ومرات الراجل اهوا احسن مني وترتاحي معاه وتنسيني 💔
انا.. وقلبي اني شن يصير فيه 😭💔
هيثم.. ربي يعين قلوبنا وخلاص شن بنديرو ربي هكي كاتب واحني راضيين 💔
انا«رقالي من كلامه الي قاله وبديت نشوف فيه انه يبي يرتاح مني بس💔».. به تمام هي باي
هيثم.. 😔💔💔
ــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
ميس.. شني مئاب بتوافقي
انا.. مستحيللل
ميس.. به انتي زيدي شوفيه قصدي هيثم مرات يجي ومرات لا ماتندريش عالدنيا ماتوقفيش نصيبك على خاطره
انا.. اني اصلا مش على خاطر هيثم ولا القصه قصه هيثم اني نبي نكمل قرايتي نبي نعيش نبيش نتزوج من توا فهمتي عليا
ميس.. اي صح قاعده صغيره
انا.. اي وبابا دايرها عناد مادامه اني نكلم هيثم هوا حيبعدني عليه ويبي يزوجني لهدا السبب
ميس.. بوك يشوف لمصلحته
انا.. مصلحتي فقرايتي
ميس.. انشاء الله خير وخلاص
انا.. انشاء الله
ــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
تسريع احداث💞✨
روح بابا وجونا معاه جماعته واني ماقدرتش نقطع هيثم وقعدت نتواصل معاه وجماعت بابا قعدو ثلاثه ايام  وتكلمو فيا وبابا قال نزيد نشاور ونردعليكم 😔💔
بابا كان موافق قال الراجل كويس ومن عيله كويسه وبوه صاحبه وعارفه شني والكلام اهوا وماما اقتنعت شويه من كلام بابا بس اني كنت مسكره راسي والمشكله شني كان مطلق وعنده ولد وبنت البنت معاه والولد مع امه وكانو صغيرين وهدا الي خلاني نعاند اكتر 💔
روحو الضيوف ويستنو فالرد 💔
تاني يوم درنا عزومه للعيله🤍
عالعشي عماتي كلهم ملتمات بصغارهم  💙✨
حناي «جداي».. شني مئاب بتوافقي عالخطابه
انا «حسيت كانه فرصه وجتني وقلت اكيد جداي حتوقف معاي».. اني منبيش ي جداي
جداي.. اي راك توافقي اني من ولامس قلتله جدك ماناش عاطيينها
انا «فرحت قريب طرت 😁»
جداي.. قالي الحاج خطبو مئاب وباها بيوافق قلتله  انهاره احرف كان يعطاها البنت صغيره بتكمل قرايتها وبعدين الراجل  مطلق وبصغاره وفوقها من الشرق مسافه كبيره وتبدا بعيده علينالالالالا والله كان يعطاها محمد مانرضى عليه
(كل احترامي للشراقه احلى ناس الشراقه قداش نحبهم ونحب لهجتهم والله  واهني ره جدت مئاب ماتقصد شي بس انه تحكي على المسافه ان الشرق بعيده وتبي حفيدتها جنبها لا اكتر لا اقل وكلنا خوت حبيت نوضح بس باش مايصيرش سوء فهم🥹💙)
انا.. عالاساس تحشمت ونضت للكوحينه 🙊
وداد.. يحليلي ي مئاب اهي جداي بتوقفلك فالموضوع 🤭
انا.. اي والله احسن جده 💃🏻😂
ونسمعو فجداي نازله فبابا 🤭💔.. شن بتعطي البنت؟ 🤨
بابا.. اي غدوه بنكلمهم نقوللهم يجيبو نساوينهم يشوفاها
جداي.. به نقولك حاجة
بابا.. قولي يمى
جداي.. والله والله تعطاها يا محمد مانرضى عليك ونعطيك قلت الرضي دنيا واخره تسمع فيا والا
بابا.. يا يمى علاش هكي نبي نتهنى عالبنت
جداي.. ماتتهناش علاها الراجل مطلق ومكانه بعيد تو كلن عريس عزابي وقريب نقولو لكن مطلق والله ماتاخده قعمز ترا
بابا.. به يصير خير
جداي.. مايصيرش خير تكلمهم تقوللهم مافيش نصيب وهدا هوا
بابا.. به حاضر يمى
انا.. الحمدلله ياربي الحمدلله 😮‍💨
وفاتت السهره على خير وروحو كلهم وقعدت خالتي بس حتى ميس ومنار ودعتهم لكن خلو مكانهم تعودت عليهم كنا نسهرو مع بعض ونقرمو ونضحكو ونفوتو فالوقت 😔💔
ـــــــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
مع الساعه 2فالليل🖤✨
كنت شاده تلفوني ونكلم فهيثم 💔✨
وفجأه نسمع فصوت بابا وكان كانه راقيله وقتها اني خفت وعرف انه على خاطري 💔💔
ماما.. مئاب
انا.. نعم
ماما.. هاتي تلفونك بوك يبيه
انا.. علاش
ماما.. راقيله وقال اكيد قاعده تكلم فيه
انا.. 💔
ماما.. امسحي كان فيه حاجه بسرعه وهاتيه
انا.. به  كتبت لهيثم انه بياخدو مني التلفون وانه عالاغلب معاش حنقدر نكلمه وسكرت ومسحت كل شي وعطيتهولها 😔💔
بعدها بشويه سمعت كلمه نزلت على قلبي زي السيف 💔💔
قال بابا لو نطلع تكلم فيه اني مش حنرضى علاها وحنغضب علاها 💔
انا.. قعدت نبكي ونبكي وخالتي تصبر فيا تقولي نوضي اطلبي السماح البكي ماينفعشوانا نبكي
😭😭💔
وقتها ماكانش عندي وجه نقابل بيه بابا اصلا 💔💔
وخداني النوم واني نبكي 😭😭💔😴
ثاني يوم 💔✨
انا.. صباح الخير
ماماوخالتي.. صباح النور
وقعمزت معاهم عالسفره
ماما.. امتى بيجيك حمزه
خالتي.. عشيه قال بيجيني
انا«خفت قلت توا بنقعدو فالحوش بروحنا ومعاش في لا خالتي لا ميس ومنار شن بيصير زعما»
خالتي.. مئاب
انا.. نعم
خالتي.. هي تروحي معاي حوش جدك ايامات
انا..«فرحت حسيت كانه خالتي عارفه اني بشن نفكر».. عادي لكن شوفي بابا قبل
خالتي.. خليه عليا تو نكلمه
انا.. به
وخشيت رقدت تاني للعشيه 😴😴
بابا.. لالامافيش طلوع من الحوش
خالتي.. غر خلاها يومين تلاته بس تغير نفسيتها وتقعد معاي اني نرد بالي علاها
بابا.. لالا مفيش تشد الحوش
خالتي.. ورحمت بوي ي محمد تخلاها
بابا.. الله يرحمه ويوسع عليه
خالتي.. غر هي خلاها اهو خوي حمزه جايني
بابا.. به لكن لما اني نجاها تروح معاي مش تقيم غادي
خالتي.. به
انا كنت نسمع فيهم نضت على اصواتهم
خالتي.. مئاب نضتي
انا.. اي
خالتي.. هي وتي شنطتك بتمشي معاي
انا.. به
ومشيت قعدت مع خويله  ثلاثه ايام  وغيرت فيهم جوي صح ماطلعناش من الحوش بس كان جو حلو نرقد امتى مانبي انوض امتى مانبي نتفرجو عالتلفزيون ونلعب مع بنات خالي الصغيرات هما تلاته بنات اكبر وحده فالروضه ووقتهم كله معاي حتى النوم يرقدو معاي 🤍✨
ـــــــــــــــــــــــــــــــــ
للكاتبه:  الغࢪيانيہ‏‏الغࢪيانيہ‏‏🦋🫧
خالتي.. مئاب
انا..نعم خالتي
خالتي.. وتي روحك جايينك عيلتك بتروحي
انا.. علاش نبي نقعد مانبيش نروح
خالتي.. قالو  بيطلعو دهواري بيطلعوك معاهم
انا.. منبيش نبي نقعد
خالتي.. جايينك توا معليشي بعدين روحي اهني والا ولي يوم تاني
انا.. افف به
ولبست وقعمزت نستنى
        يتبع.           
توقعاتكم هل اب مئاب حيسامحها او لا وشن بيصير فيها هيا هيثم هل حتوليله او لا 💔✨
اسفه لو في اخطاء املائيه واسفه عالتاخير فتنزيل الحلقه بس مشاغل وضروف مانلحقش نكتبلكم ونزل لكم عالوقت
صوتو وديرو متابعه 💜✨
للكاتبه:  الغࢪيانيہ‏‏الغࢪيانيہ‏‏🦋🫧