"ငါ့ကိုဒီတိုင်းပြောပြပေးပါ အင်ဟန်း။ ငါသေလောက်တဲ့ရောဂါတစ်ခုခုဖြစ်နေတာလား"
အင်ဟန်းသည်သူ့အားတစ်ချက်မျှကြည့်ကာ စာရွက်စာတမ်းများကိုကြည့်၍ ဂျိတ်ခ်အားခေါ်လာရန်ပြောသည်။ အင်ဟန်းသည် ဂျေးတို့၏ မင်ဂလာဆောင်သို့လာခဲ့သောကြောင့် ဂျိတ်ခ်အားသိသည်။
"မင်းရဲ့ အမျိုးသားကိုခေါ်လာခဲ့ ဂျေး"
သို့သော် ဂျေးသည်ခေါင်းမာသည်။ သူအကယ်၍သေလောက်သည့် ရောဂါဖြစ်နေသည်ဆိုလျှင်တောင် ထိုကောင်လေးအားမသိစေလိုပါ။
"ပြောပြပါကွာ။ ငါတကယ်လို့ ရောဂါဖြစ်နေရင်တောင် ဂျိတ်ခ်သိသွားပြီး ၀န်ပိစေတာမျိုးမဖြစ်စေချင်ဘူး။ ငါကတစ်ခုခုဖြစ်ရင်တောင် ပြေးဖက်ငိုရမယ့်အရွယ်မှမဟုတ်တော့တာ"
ဂျေး၏တည်ငြိမ်သောအသံနှင့် မလိုက်ဖက်စွာ အေးစက်နေသောလက်များ။
အင်ဟန်းလည်း ခေါင်းမာသောဂျေးကြောင့်မတတ်သာတော့။ ထို့ကြောင့်.....။
"မင်း အစာအိမ်ကင်ဆာဖြစ်နေတာ ဂျေး"
ဂျေး၏မျက်စံလေးများ ရွေ့လျားလာကာ နှလုံးခုန်သံများမြန်လာခဲ့သည်။
"မင်း စစဖြစ်ကတည်းကလာပြမယ်ဆို ဒီလောက်ထိဆိုးနေမှာမဟုတ်ဘူး"
သူ့အားမျက်နှာလွှဲကာ ပြောနေသောသူငယ်ချင်းဖြစ်သူ၏စကားများ။
"ငါ့ကို တစ်ခုမကျန်အကုန်ပြောပြပေး အင်ဟန်း"
ဂျေးသည် ယခုအချိန်မကြောက်ဖူးဟုပြောလျှင် လိမ်ရာကျလိမ့်မည်။ သို့သော် အားတင်းကာ မရင်ဆိုင်ချင်သော၊ မကြားချင်သော အမှန်တရားများကိုမေးလိုက်ရလေသည်။
"ခွဲစိတ်လို့မရဘူး။ ဆေးလည်းမကယ်နိုင်တော့ဘူး။ မင်းရောဂါကတစ်အားကျွမ်းနေပြီ။ စစဖြစ်နေတဲ့အချိန်မှာ မင်းရဲ့အိပ်ချိန်စားချိန်ကိုဂရုမစိုက်လို့ ပိုပိုဆိုးလာတာ။ အခုမင်းမှာ အချိန်......နှစ်လ...ထက်မပိုတော့ဘူး ဂျေး"
အင်ဟန်းသည် မျက်ရည်များ၀ဲနေခဲ့သလို ဂျေးသည်လွန်စွာတုန်လှုပ်နေ၍ ကိုယ့်နားကိုယ်တောင်မယုံနိုင်။
YOU ARE READING
𝑇ℎ𝑒 𝑑𝑜𝑜𝑟 𝑜𝑓 ℎ𝑖𝑠 ℎ𝑒𝑎𝑟𝑡
Fanfictionကောင်ငယ်လေးရဲ့ နှလုံးသားတံခါးက ကျွန်တော့်အတွက် မဖွင့်ပေးနိုင်ဘူး ထင်ပါတယ်ဗျာ။
☆ Chapter - 8 ☆
Start from the beginning
