" တကယ်ကို ကိုယ်နဲ့ ရှေးဟောင်းနှောင်းဖြစ်ကိစ္စတွေ မပြောချင်ဘူးလား? "
ရှောင်းကျန်က လက်ဆန့်၍ သူ့ကို တား၏။
ဘယ်သူက မင်းနဲ့ ရှေးဟောင်းနှောင်ဖြစ်တွေ ပြောရမှာလဲ!
ရှန်ချန်းလင်သည် ထိုလူအား ဒေါသဖြင့် ကြည့်လိုက်ပြီး -
" ဖယ်စမ်း! "
ဘယ်သူကများ မင်းကို ငါ့မျက်လုံးတည့်တည့် စိုက်ကြည့်ခွင့်ပေးလိုက်လို့လဲ! !
" တကယ်ကို အကြင်နာတရား ကင်းမဲ့တာပဲကွာ "
ရှောင်းကျန်က ခေါင်းခါ၍ ပြောသည်။
" ဟိုအရင်တစ်ချိန် သွမ့်ချင်ဂိုဏ်းမှာတုန်းကတော့ ကိုယ့်အပေါ် ဆက်ဆံတာ ဒီလိုပုံစံမျိုး မဟုတ်ခဲ့ဘူး "
မေငိုး! ! ! !
ရှန်ချန်းလင်ခေါင်းထဲတွင် လက်ကနဲ ဖြစ်သွားရတော့သည်။ နောက်ဆုံးတော့ မိမိမျက်စိရှေ့ကလူက မည်သူလဲ ဆိုတာ သူမှတ်မိသွားချေပြီ။
ရှောင်းကျန်.. ရှောင်းကျန်.. ဒါက ဟိုတစ်ခါတုန်းက ပေါင်တို့ပြောတဲ့ "အိမ်အထိလာပြီး လက်ထပ်ခွင့်တောင်းလို့ ဂိုဏ်းချုပ်က ဆူဆဲပြီးနှင်လွှတ်လိုက်တယ်" ဆိုတဲ့ ရှီးပေအရပ်ရဲ့ သွမ့်ချင်ဂိုဏ်းက ဒုတိယသခင်လေးမလား!
ငိုး... တကယ်ပဲ နောက်ထပ် အီစီကလီဇယားတစ်ခုကိုး!
" တစ်ချို့ကိစ္စတွေက လင်အာ အတိတ်မေ့နေတယ်ဆိုတိုင်း လျှောက်ပြီး ရွှီးနေလို့ မရဘူး "
ချင်ရှောက်ယွီက သူ့ကို အေးစက်စက် ကြည့်လိုက်သည်။
" သူနဲ့ ငါနဲ့က အစောကြီးကတည်းက လက်ထပ်ဖို့ ကတိရှိပြီးသား၊ မင်းစောစောစီးစီး စိတ်ဖြတ်လိုက်တာ အကောင်းဆုံးပဲ "
ပတ်ပတ်လည်ရှိလူများကတော့ စိတ်ဝင်စားတက်ကြွလျက်ရှိကြသည်။
ဒီလို အချစ်ပြိုင်ဘက်နဲ့တွေ့တဲ့ အခြေအနေမျိုးက အရမ်းကို စိတ်လှုပ်ရှားဖို့ကောင်းတယ်နော်!
" ငါက သူ့အတွက်နဲ့ ငါ့ရဲ့နဂိုမူလ ဇနီးကိုတောင် ကွာရှင်းပြတ်စဲခဲ့တာကွ... အခုမှလာပြီး ငါ့ကို စိတ်ဖြတ်လိုက်တော့? "
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
အခန်း (၂၇) လက်ဆောင်လေးတစ်ခုပေးမယ်!
Start from the beginning