بين انيابهم

••العثــࢪة الثـامنة و العشـࢪون••

حَنينة.... وانه كلت وارجع اكول رجلي على رجلها

وائل... نعلي الشيطان وامشي ويانة شعندج مجلبة بيها عوفيها ابوها يحير بيها

حَنينة.... تردوني اعوفها وهيَ الوكفت وياي من اتمرضت وحرمكم دارن وجهن عني وانتم حتى ما سألتو طلعو برة الحجرة وروحو وين ما تردون يحرسكم الرحمن انه وبحـــر اندبر رواحتنة

هزو ايديهم وراحو واسمع وائل يكلو

وائل... جان خليتها تجي ويانة حته خاف يكضونة الدواعش نطيهم اياها ونخلص

حركت اسناني بحقد ورحت سيدت الباب وراهم ما اتحملت الحيرة الي اني بيها كعدت على الفرشة بالكاع وبجيت

انــي بحـــر المنبذوة والمڪروها بين الڪل وين ما اروح تكرر بأذني مكروها... النغلة... بت الڪح***.....

زحفت يم بيبي وخليت راسي رجليناتها وحجيت

بحـــر.... سولفيلي عن ابوي

حَنينة..... كافيج يمه يومية اطلبين مني نفس الطلب ما مليتي

بحـــر.... لا ما امل حتى كل ما اسمع ايزيد كرهي الهم

رفعت راسي الها

بحـــر.... حاقدة على ولدج كد كاع الله كلها

خلت ايديها على راسي وحجت

حَنينة.... جان ابوج عمرو بين الـ20 والـ21 سنة طايش ومحد يسطير على تصرفاتو حاولنة انه وابوه نعقلو بس ما فاد الحد ما يوم اجانة راد يتزوج فاجأنة شنو يتزوج ومن ايمت الحجي هذا ولا ندري بالحرمة الي يريدها كلنة عارضناه لأن جنة نعرف اختيارو مو مناسب النة عاند اڪثر ويانة وجان كل مرة نسألو ليش تلح يخاف ويرتبك ويتخربط وضعو دحڪنة تصرفاتو مالت واحد متورط بشي الحد ما ابوه الله يرحمو راقبو وعرف عندو علاقة غير شرعية وية وحدة بس جان وكتها الفاس وكع بالراس والبنية حامل دڪينة ولطمنة على روسنة وابو رأستاً طكتو جلطة ابنو الوسطاني وهيج مسوي وهوَ والله جان اكثر واحد مدللو...... ورة فترة صحة ابو واتبرى من محسن الى يوم الدين الى ان مرت فترة واجة محسن وبأيدو بنية صغيرة حليوة تكل للكمر كوم وانه انوب بمكانك ااجنة مكسور بس برغم هذا كلو رافع خشمو