كنا انا وياك والثالث الليل

3

ام بدر :نتفاهم في ايش؟نتفاهم ب انك عصيت كلامي ورحت جبت ذيك ولا على انك اخذت اختك معك ولا على انك تضاربت مع ولد خالتك عشانهاا انت وش تبي فيهااا ليه تدافع عنها وتعصيني
بدر مسك يد امه وجاء يبي يبوس يدها بس دفت يده
بدر استغرب من فعلتها ومصدوم :يمه ايش فيك !!ليه تكرهين البنت كذا
ام بدر بعصبيه :ما يخصك ما يخصك ليه اكرها وليه ما احبها ما يخصك شي انت الي عليك تسمع كلامي وتسوي الي اقوله ما تعصينييي

بدر وهو يحاول ما يعصب لان في النهايه الي يتناقش معها امه:يمه يا حبيبه قلبي انت امي على عيني وراسي بس تبيني اذِي انسانه ما سوت لي شي مستحيل!!
ام بدر تجاهلته ودخلت غرفتها
بدر تنهد :الله يعين اول يوم وصار كل ذا وش بيصير بعدين ودخل غرفته يتروش
عند ام بدر
دخلت الغرفه وهي تبكي :ادري ادري انه مالك دخل بس مقدرر مقدرر انت في النهايه بنتها!!

عند وعد
كان يدق الباب
اسيل :هي وعد  فكي الباب يدق
وعد تافافت :كل مره انا افكه ليه ما تقومين انت!
اسيل :اقول فكي وانت ساكته
وعد:يليل  بس ذي المره بعديها لك
وراحت تفتحه
دخلت ام زياد وهي معصبه
وعد :الهم سكنهم في مساكنهم
ام زياد تجاهلتها وراحت لغرفه ام حاتم  بسرعه
وعد  تطالع فيها وهي تمشي :على الاقل سلام على الاقل تحيه
ام زياد سمعتها لكن تجاهلتها
وعد تبعتها
ام زياد دخلت غرفه ام حاتم :السلام عليكم
ام حاتم :وعليكم السلام تعالي
ام زياد بعصبيه :تخيلي قليله الادب وش سوت
ام حاتم :تعالي اجلسي وتكلمي زين
ام زياد جلست
وعد بحماس :ايوه تكلمي بسرعه وش سوت؟
ام زياد طالعت فيها:انت شتبين؟
ام حاتم :امسكي  الباب لا  انومك بكف
وعد :اح
وخرجت
ام حاتم قفلت الباب بالمفتاح
وعد :الله شكلها صايره سالفه مهمه
وراحت جري على الغرفه
اسيل :مين؟
وعد :خالتي ام زياد
اسيل:اشبها جات الحين؟
وعد وهي منقهره :والله في سالفه نار صايره بس امي طردتني قهر وربي
اسيل :اكيد صايره سالفه
وعد :افف ابي اعرف وش هي
اسيل رجعت تتفرج على جوالها
وعد :مارح تعطي رده فعل!مارح تقولي امشي نراقبهم
اسيل :الخبر اللي النهارده  بفلوس يبقى بكره ببلاش
وعد  تجاهلتها ولفت على قمر:هي قمر
قمر :نعم شتبين؟
وعد بابتسامه :يا اختي الصغيره تدرين انك اسم على مسمى؟
قمر:اخلصي يالمصلحجيه شتبين
وعد : روحي اسمعي امي وام زياد يتكلمون عن وش
قمر:تمم 
وراحت جري
اسيل:الله يعين عائله كامله ملاقيف
وعد ضحكت
اسيل:وبعدين يعني وش صاير انت ماتعرفين اخبار عائلتك كلها هوشات ومضاربات واخبار تسد النفس بعدين قد صار شي بالعائله حلو ؟ولا ابشرك جات اخت وليد يعني الله يعين المشاكل دبل
وعد :لا حرام واضح انها مسكينه البنت وعلى نياتها  واضح بيستغلونها  ويدمرونها والله يعينها الصدق
اسيل :اكيد بيدمرونها مو هو اصلا عائلتك نظامها المتسلط ياكل الطيب
وعد :معلينا من نظامهم خلنا نشوف وش الجديد عندهم
عند ام زياد
بدات تسرد الي صار مع ليالي من البدايه لنهايه وبعد ما خلصت:شفتي قليله الادب
ام حاتم:انت غلطانه. وردت فعل البنت طبيعيه
ام زياد رفعه حاجبها:انا غلطانه؟
ام حاتم:اي مفروض ما تسبي اهل البنت وتسوي كل هذا مافيها شي لو رفضه تاخذ الفلوس منكم في النهايه  توها جايه وعلاقتكم سطحيه ماتعرفونها ولا تعرفكم كيف تبيها تقبل الفلوس؟وردت فعلها طبيعيه تدافع عن اهلها ونفسها
ام زياد كانت مقهوره من السالفه وانقهرت اكثر من رد ام حاتم :من جدك انت تدافعين عن هاذي
ام حاتم:انا مع الحق
ام زياد وهي منقهره :واضح واضح انك مع الحق
ام حاتم ما ردت
ام زياد :عموما تاخرت على البيت يلا مع السلامه
وقمر اول ما عرفت انها بتخرج شردت غرفتها
وعد اول ما شافتها :بسرعه تكلمي وش صار
قمر :اول شي ابي مويه
اسيل عطتها مويه
وعد بسخريه: توك ماتبين الاخبار الحين وش صار
اسيل :اقول اسكتي بس خليني اسمع
وعد :دقيقه بدق على فرح عشان مره وحده تسمع السالفه
اسيل :بسرعه دقي وش تنتظري
وعد دقت وفرح على طول ردت :نعم وش تبين
وعد :السالفه الي قلت لك جات ام زياد تقولها لامي
فرح بحماس :يلا بسرع ابداي وبقولك وش صار عندنا كمان
وعد :الله درما كثيره
قمر:بسرعه تبوني اقول السالفه ولا اروح انام
فرح:لا قولي قولي
بدات قمر تحكيهم السالفه كامله وايش سوته ليالي مع ام زياد  ومحادثه زياد مع ام حاتم
:وبس ام زياد انقهرت واستاذنت
كانو البنات مصدومين من ليالي
وعد ضحكت من قلب :والله ساطيه البنت ذي
اسيل :هذا وهو اول يوم كذا اجل الايام الباقي كيف الله يستر
فرح بضحكه:والله عجبتني كفو شكلها هي الي بتوقف ام زياد عند حدها
اسيل :الله يعيننا على الايام الجايه
وعد :شكلي بوقف مسلسلاتي واتابع المسلسل العائلي
فرح ضحكت:حلوه حلوه والحين خلوني اقولكم وش صار عندنا
وعد :يلا بسرعه
فرح :بختصرها امي طردت فيصل علشان ليالي
وعد :اوحح يعزتي لفيصل الله يعينه
اسيل :خالتي اشبها؟اول مره تصير كذا
فرح:والله مدري اشبها امي تكرها كذا
اسيل :الله يعين
وعد  :يلا دزي  بنام عشان بكره احضر الدرما حقت الصبح
فرح :اي درما؟
اسيل:شسالفه
وعد :بكره جدتي شفيقه  تبينا نفطر عندها وتقول الي ما يجي ياويله
اسيل :الله يستر  وبعدين ليه توي ادري
فرح: مين قالك
وعد :اول شي ماتدرين لانك بعالم موازي ثاني شي جدتي مرسله بالقروب وشفته بجوال امي ثالث شي دزو خلنا ننام
اسيل:اعوذ بالله تحبي الاخبار زي عيونك
فرح:يلا مع السلام وقفلت
عند العيال
دخل بدر :السلام عليكم
وليد بسخريه:كمان لو طولت شوي
حاتم  رما عليه مخده :بدري
بدر  مسك المخده وبنفس السخريه:كنت بطول كمان بس افتكرت في ناس ما يقدرون يعيشون بدوني لو ثانيه يحسبوني اكسجين
وليد :يع لا تسوي نفسك محور الكون
حاتم :جاته حاله وليد وعد
ليد لف عليه :شدخلني انا
حاتم :انتم تحسبون نفسكم محور الكون
وليد :لا انا المجره ما تعشون لو كنت مب موجود
حاتم:الله يلوع بكبدك
بدر :لا يع الثقه عليك مب حلوه علي حلوه
وليد :ليه فستان
بدر :هاهاهاهاها
حاتم:لعاد تنكت يرحم لي شكلك
وليد مد له يد السوني :تعال خلني اكسر راسك مثل ما كسرت راسه
بدر جنبه واخذ اليد منه :انت كسرت راسه وانا بكسر راسك
وليد :هه اعلى مافي خيلك اركبه 
حاتم :انتم العبو انا بنام لا تسو ازعاج
وليد :وانت مانت فالح الا بالنوم طول الوقت بنام
حاتم:وانت منت فالح الا بالسهر وفي النهايه تتهزاء
وليد :اتهزاء من مين
حاتم :الصبح بتعرف من مين وبتعرف زين يوم تلعب العصى على ظهرك
وليد :اقول نام  نوم الظالم عباده
بدر :شكله الليله بيصير تكسيرر رووس
وليد :نشوفف
.
.
.
الساعه ١
بدر بصراخ:مستوووى
وليد بعصبيه:قسم بالله غش عطيتني اليد الخايسه
بدر :اعترف انك نوب وبس ماله داعي الفلسفه
وليد بعصبيه : انا معرف مواقع انزل لي واقع
بدر ضحك ووقف:الحين ما تعرف مواقع بس وش فيها ننزل لك واقع بس مب الحين البيت نايم بيصحون
وليد ببتسامه خبيثه  :مين قال كوره
بدر :وش...قاطع كلامه وهو ينط عليه يبي يطرحه
وفعلا بدر اول ما نط عليه وليد طاح
وليد ابتسم :افا ياضعيف ما قدرت تقاوم
بدر وهو يتالم :يا تراب ماشفت نفسك كانك ثور  انا متاكد الحين سببت زلزال بالعالم
وليد كان يضحك :سببت زلزال بالعالم او سببت ارتجاج لك محد مهتم اهم شي طرحتك
بدر  جلس يحاول يبعده :يشيخ انقلع ماعندي طاقه
وليد ببتسامه:الحينن ماعندك طاقه
بدر :وليد قوم مالي خلق لك
وليد ببتسامه :مارح اقوم 
(وليد كان فوق بدر و ماسك يدينه )
بدر كان ساكت ولا يتحرك وجلس دقايق على هذا الوضع
ووليد توقع انه خلاص يئس وخفف مسكته
بدر ابتسم بشر وعلى طول وخر يدين وليد بقوه
وليد انصدم وماقدر يستوعب وثواني وهو طايح على الارض
وليد :يا ابن الذينه ودف بدر
بدر طاح بس لسوء حظه طاح على حاتم! واول ما استوعب وخر عنه  وصار يطالع في وليد بصدمه
حاتم صحي وشاف بدر جالس قدامه
بدر :ب......مالحق يتكلم الا و جاله  كف  بوجهه
حاتم بعد ما عطاه كف  لف ظهره على بدر ورجع يكمل نومته
بدر  مسك مكان الكف وجلس يطالع على وليد الي كان كاتم الضحكه بس اول ما  شاف بدر ما قدر وصار  يضحك ويحاول يكتم الضحكه بدر يوم شافه ماقدر يتحمل وضحك وكان يحاولون يكتمون ضحكاتهم عشان حاتم ما يصحى ويفصل عليهم 
بعد ما خلصو ضحك
وليد مد يده ل بدر :فلم قبل النوم؟
بدر مسك يده وقام  :تم
وفرشو لحفهم وجلسو يتابعو الى ما نامو
علقو❤️❤️