"الو" أردفت روزى تغير من صوتها كى يكون كصوت الرجال
"ايوة مين معايا ؟" سأل تايهيونغ
"مش مهم انا مين ، المهم أن كلبتك يونتان فى خطر ، إحنا من المافيا و خاطفينها"
صرخ تايهيونغ ف المكالمة مما جعل أذن روزى تموت
"يلااااهوييييييي يعينييييي عليك يا يونتااااان ، عاوزين كام و ترجعوهالى"
"عاوزين جيمين"
"نعم ؟ ايه علاقة جيمين ؟" قال تايهيونغ بإستنكار
"علشان نعرف نضربكو انتو الاتنين بالقـ.." كادت روزى أن تكمل و تقول بالقلم حتى داست جيسو على قدمها
تآوهت روزى "اهه يا بنت الكلب ، يعنى هو يخرم ودنى و إنتى تكسريلى رجلى!" قالت بصوت منخفض حتى لا يسمعها تاى
عادت روزى للمكالمة
"قصدى عشان تيجو تستلموا يونتان سوا"
ثم أغلقت الخط
__
"جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين جيمين"
"عاوز اييه يا زفت!!" صاح به جيمين بعد أن أصابه الصداع
و الأطفال الضالة متجمعين حولهم كى يحموهم
"جيمين الحوب و التوب و الباقى كنتلوب"
"كفاية نفاق و هات من الآخر"
"و حياة اغلى حاجة عندك و حياتى و حياتك و حياة البتس كلهم و حياة الأطفال الضالة ؛ تعالى معايا عشان نجيب يونتان"
"يعم دا انت ناقص تبوس ايدى"
ثم أمسك تايهيونغ بيد جيمين ينحنى ليقبلها كما يقول الآخر ليسحب جيمين يده سريعًا
"بس يبنى إيه شغل الشحاتة دا ، و بعدين كل دا عشان تجيب يونتان متروح تجيبها و أنا مالى"
"مهى يونتان مخطوفة و الخاطف إشترط أنك تيجى معايا"
"و الخاطف يعرفنى منين ؟ و بعدين الخاطف المتخلف دا بيخطف كلاب ليه ؟ و بدل ما يطلب فيديا يطلبنى أنا ؟"
"خلاص روحوا و متخافوش احنا هنحميكوا" قال تشانغبين
__
ذهبوا جيمين و تاى إلى العنوان الذى أرسله الخاطف اللى هى روزى يعنى
و عندما وصلوا وجدوا روزى و جيسو لينصدم كلا منهما
"الحقى يا بت ، الأطفال الضالة معاهم يعنى مش هنقدر نضربهم بالقلم" همست روزى لجيسو
"هى جيسو هى طلعت الخاطفة ولا ايه ؟" تسائل جيمين بصوت منخفض
"مش عارف" قال تاى بهمس
"احنا قولنا جيمين بس ، مش الأطفال الضالة كمان"
قالت جيسو
"طب يا ستى و جيمين كمان موجود اهو ، يلا عاوزين يونتان"
نفت جيسو برأسها تقول
"لا ، مش نسلمكوا يونتان إلا لما الأطفال الضالة يمشوا من هنا خالص"
إلتفت إليهم تاى يقول بترجى
"ممكن تمشوا من هنا ؟"
"مش هينفع ، لازم نحميكوا" قال فيليكس
"يعم أحنا أصلا مطلبناش حماية منكوا ، امشوا بقى"
صاح بهم تاى
"طب ايه نمشى و نخسر التحدى دا ؟" سأل سيونغمين بهمس
"ماشى" قال بانغتشان
و لكن قبل أن يرحلوا قال هيونجين محادثًا حيمين و تاى
"بس خدوا بالكم عشان هيضربوكوا بالقلم دلوقتى"
ثم رحل و تجاهله تاى و جيمين
"يلا فين يونتان ؟" سأل تاى بحماس لتتقدم جيسو و روزى
صفعته جيسو و روزى صفعت جيمين
"مفيش يونتان يا عبيط" قالت بسخرية
YOU ARE READING
《 يوميات بيستات || بالمصري 》
Humor𝗠𝘆 𝗯𝗲𝘀𝘁 𝗳𝗿𝗶𝗲𝗻𝗱 𝘄𝗵𝗼 𝗶𝘀 𝘄𝗶𝘁𝗵 𝗺𝗲 𝗶𝗻 𝗷𝗼𝘆 𝗮𝗻𝗱 𝘀𝗮𝗱𝗻𝗲𝘀𝘀 🌿 صديقتي الصدوقة اللى معايا في الفرح و الحزن 🌿 ______________________________________..♡ Ⓒⓗⓐⓔⓢⓞⓞ الرواية خالية من اي ثنائي 🦋 الرواية للضحك فقط 🦋 ___________...
