لدي صبر واحد وكل مافي
الارض يود أن يختبره
دخلت للبيت وامي ظلت تحجي عليه ضعيفة شخصيه
بس شفتي نزلت دموعج اذاج وذلج ومااا وكف وياج وانتي بسسس شفتي بجيتي
تباهي _شبيج يمه هسااا غير نفهم
رودينه _شافت راجي الثوله ظلت تبجي طفله ليكلك
روانه _.....
تباهي _ وشنووو يعني عاادي مو بعدج تبجين على ابوي
_يخسه ابجي عليه هل خا...
هاي ثوله شنووو شافت براجي وتبجي ولج ربالج كلب ب صف كلبج وبعدج تردي
روانه _خذيت بتي ودخلت للغرفه كلامها صحيح انا ضعيفه كباله
دجانه _لا ضوجين عليج الله عمتي ما تعرفيها لو عصبت
روانه _ما ضايجه تحجي صحيح انا مو صغيره احس متعلقه بي زياده عن اللزوم
دجانه _حقج خيه غير زوجج وابو بنتج
_مالي حظ بهل دنيا اناا مالي حظ لا بي ولا ويا
امي كلامها صح انااا تصرفاتي مو مال عمري عمري ٢٥ راح اصير ٢٦ سنه احس روحي طفله من اشوفه
دجانه _ولج خيه هو الحب يعرف عمرر واذا بجيتي من شفتي شنووو بيها انسان تحبي مو بس تحبي تعشقي وجان زوجج وعايشين ابيت واحد والاكبر من هذا عندج طفله منه والله الناس تزوج تزواج تغليدي اظل تحب بجنون عاد مو انتي سنين حب
تباهي _يلااا يمعوده رادين متونسين ام ايهاب خربت الدنيا كلها هساا واذا بجيتي الدموع وبلاش ابجي خيه ابجي بس كليلي شفتي اطمنتي
روانه _ ضحكته تارسه وجهه وروانه كاضيتها بالقهر
تباهي _عساج ب ابو زايد يالثوله شكد نحجي هل حايط رد وانتي لااا
دجانه _بيج عرك عمتي اسكتي خطيه تزيدين عليها
تباهي _ولج ميته قهررر عليها هسااا لو بي حظ يسويلج حل هل اغبر ويردج
روانه _اووو عشم بليس بالجنه
لو دره عنده بنيه وماكايليله يحفرلي كبر ويطمني بي
تباهي _خيولي لو بي حظ يسويلج حل
_ كمت بدلت وادردم ويا روحي يسويلي حل ما يسوي أي شي هل الانسان
تباهي طول الليل تغنيلي بصوتها البشع اغاني حزينه
روانه _ترى معدتي ظلت توجعني
تباهي _خااف حامل هههه
بشرفج كومي ناكل جعت
_جوع الربوع دكومي من يمي لا اموتج اريد انام
_جبح بعد فلا اجيلكم تموتوني جوع
روانه _ثلاجه متروسه اكل وروحي اكلي
دجانه _رد ايهاب هااا شنو حجيت ويا خالك
