منيب... شبيج حجية ترا امس رجعت من وكت ودرست رضا مو صح رضاوي؟
باوعلة رضا بأستغراب
رضا.... بابا انتَ اجيت ونمت كتلي نزعني
شهكت باجي اسيل صاح خالو زڪـــريا
زڪـــريا.... شمعلم الولد؟
منيب... صفو نيتكم كتلة ينزعني جورايبي بابا من تحجي شي كملة
هز ايدة وكام
منيب.... طالع انه
زڪـــريا.... اصبر على ما يجي ابوي البيت محد بي
منبب... وليش انه ابقى توة طلع ايسر ما كتولة ابقى
حجاها وطلع هز راسة خالة زڪـــريا وغمة
زڪـــريا.... يلا امشن
زهــره.... تعاي بيبي عنيني
رحت الها لزمتها من ايدها ومشينة برة صعدنة بسيارة خالو زڪـريا حرك خالو السيارة طلعت دفتري مالت الانكليزي وكعدت اراجع الانشاء بصوت عالي غلطت بكلمة بسرعة خالو خزرني من المراية
زڪـــريا... شكلت انه الـshe للانثى و الـhe للولد تعكسينهن ليش؟
شُـــــــذير.... خالو والله انسه
زڪـــريا.... ماكو تنسين حفظيهن عدل من تغلطين ترحين للمعلمة تكليلها ست والله انسة؟
سكتت ما حجيت شي ڪُل مرة اغلط عادي ويكلي تتعلمين بس هاي المرة ما ادري شبي يرزل بية دنكت راسي وضليت اراجع بصوت بداخلي حسيت نفسي حافظة ڪُلشي سديت الدفتر وضميتة حمحم خالو وحجة
زڪـــريا.... مسيطرة؟
شُـــــــذير.... اي خالو
زڪــريا... يعني تفهمين على شرحي
شُـــــــذير.... اي شرحك ڪُلش حلو خالو انتَ شنو مكمل؟
زڪـــريا.... هههه انه مكمل هندسة
شُـــــــذير.... صدددك خاالو؟
زڪـــريا.... اي خالو شايفة بيت اهلي؟
هزيت راسي بأي
زڪـــريا.... انه رسمت الخريطة بوڪتها جنت طالب بعدني ما متخرج وڪلها استهانت بية وضلت تحجي على ابوي تكلة قطعة ارض فلوسها يسدن الشمس وتسلم بنيانها بأيدة بس ابوي ما اهتم الهم ووثق بية وتعاي شوفي بيتنة خريطتة ارتب خريطة بين بيوت عمامي
شُـــــــذير.... اي صدُك خالو بيتكم ڪُلش مرتب
باوعلي بالمراية وحجة
زڪـــريا..... عندي خريطة البيتي بعدين اروايج اياها
ابتسمت وهزيت راسي
زڪـــريا.... وانتٌ شذر شنو تردين تصيرين؟
YOU ARE READING
بين انيابهم
Actionحـقـيقيـة ٪100 أَرْبَعَةٌ لِبَوَاتِ يَدُورُ حَوْلَهُنَّ مَجْمُوعَةٌ مِنَ الذِّئَابِ لَڪُلِ مِنْهُمَ غَايَةِ.... _متجبرات _قَوِيَّاتِ _شَامِخَاتٌ _ڪأَسْرَاتِ لَقَيَّدُوهُمْ _رافضات لِلْخُضُوعِ _قلبهن مِلْجَا لِلْحَنَانِ وَالْحَبْ _وَقَفْنَ أَم...
••العثـࢪة السادسـة و العشـࢪون ج 2••
Start from the beginning
