Only One Limited Edition (Completed )

YOU ARE READING

Romance

ကိုယ့္အပိုင္ေလးျဖစ္ခ်င္ရဲ႕လား baby ကိုယ့်အပိုင်လေးဖြစ်ချင်ရဲ့လား baby (19.3.2024- 6.5.2024 )

#boylove #mafia #mprg #positive

Chapter 5

Start from the beginning

by wangkyiphyu

ခခ အိပ်ရာပေါ်တွင် လူးလိမ့်နေမိသည်...
ပျော်လိုက်တာ... ဒီခရီးစဉ်က ကိုကိုနဲ့တူတူ သွားရမှာပေါ့..ဟိ...
သွားဖို့မရရအောင်ကိုပြောရမယ်....
ဒေါက်...ဒေါက်...
" သားသား...သားဖေဖေတို့ပြန်လာပြီ...ညစာစားရအောင်ဆင်းလာခဲ့တော့နော်....ကြားလား...သား.. "
" ဟုတ်..မေမေ.."
ထမင်းစားပွဲရောက်တော့ ခခကလွဲ မိသားစုအကုန်စုံနေလေပြီ ဖြစ်သည်....ညစာစားပြီးနောက် အချိုပွဲစားရင်း ဧည့်ခန်းထဲတွင် ရှိနေသေးသော ကိုလတ်ကြောင့် ခရီးသွားဖို့ ပြောမည့်ကိစ္စ အနည်းငယ်တွန့်သွားရသည်...
" သားသား...ပြောစရာရှိနေလို့လား...ဖေဖေတို့ကို
တကြည့်ကြည့်လုပ်နေလို့..."
ခခလည်း ခရီးသွားဖို့ ရော ကျောင်းကကားနှင့်
မလိုက်ဘဲ ကိုယံတို့နှင့်တူတူသွားမည့်အကြောင်း
ရော တစ်ခါတည်း ပြောလိုက်သည်...
ဖေဖေတို့က တစ်ခါတည်း ခွင့်ပြုလိုက်တာ
ကြောင့်ပျော်ရွင်သွားရသည်..တော်တော်ပြောရအုံးမယ်ထင်ထားတာကို...ကိုကြီးနှင့်ကိုလတ်ကလည်း ခွင့်ပြုပေးတယ့်အပြင် မုန့်ဖိုးပါထပ်ပေးလေသည်...
မေမေ ပုခုံးစွန်းပေါ်ခေါင်းမှီရင်း TVမှာလာသော
ဇာတ်ကားအားခခ ကြည့်နေမိသည်...တစ်ခါတစ်
လေမှ ကြည့်သည်မို့ နားမလည်ပေ...
"18နှစ်ပြည့်ခါနီးနေပြီကို ကလေးလုပ်တုန်းလား.."
ကိုကြီး က ခခကို လှမ်းစသည်မို့ နှုတ်ခမ်းထော်မိ
သည်...အဲဒါကိုပင် ဝိုင်းရယ်ကြသောကြောင့် ခခ
ပါ ရောရီသွားမိသည်...ကိုကြီးက လူစုံရင်စမယ်ဆိုတာ ချည်းပဲ...
ထိုမြင်ကွင်းများကိုမြင်နေကြ အလုပ်သမားများ အဖို့လည်း မရိုးနိုင်သော ကြည်နူးစရာ ဖြစ်ပေသည်..
မေတ္တာတရား အငွေ့အသက်များ လွှမ်းခြုံနေသော မိသားစုစာမျက်နှာများထဲမှ တစ်ခုပင် ဖြစ်ပေသည်..

...........................................................................

ခရီးသွားမည့်နေ့ဖြစ်သည်.... အလင်းတို့အိမ်တွင် လူစုမည် ဟုပြောသောကြောင့် ကိုလတ်က အလင်းတို့အိမ်ထိလာပို့ပေးသည့်အပြင် စိတ်ချရအောင်ကိုယံ ကိုပါသေချာအပ်နေလေသည်...တော်သေးသည်... ဟိုနေ့က club လာ
သည့်ကိစ္စ ကိုယံက မတိုင်လို့...
ဒီနေ့ ရာသီဥတုက ပူလည်းမပူ အေးလည်းမအေး
တာမို့ T shirt အပွ နို့နှစ်ရောင် နှင့် ဒူးအတိဘောင်းဘီကို ခခ တွဲဝတ်ထားသည်..ခခက အလင်းနှင့်အတူ ခြံထဲက ဒန်းပေါ်တွင်ထိုင်ရင်း စောင့်နေခြင်းဖြစ်သည်...
ထိုအချိန် ခြံထဲဝင်လာသော ခရီးသွားကား နှင့်အတူ မီးခိုရောင် အပြာရောင် ခဲစိမ်းရောင် ပြိုင်ကားသုံးစီး ဝင်ရောက်လာလေသည်...မီးခိုးရောင်ပြိုင်ကားထဲမှ ကိုကိုက ထွက်လာသည်...
မီးခိုးရောင်က ကိုကို
အကြိုက်ဆုံးအရောင်ဆိုတာ ခုမှ သတိသွားရမိ
သည်...ခရီးသွားမည်မို့ T shirt အနက်နှင့်style pant အနက်ကို ပေါ့ပေါ့ပါးပါးသာဝတ်ထားသော်
လည်း ချောမောခန့်ညား ပြီး အရှိန်အဝါအပြည့်
ဖြစ်နေဆဲသာ...
နွေနှင့်ဇွဲ တို့လည်း ရောက်လာကြပြီးမို့ စထွက်ဖို့
လုပ်ကြတော့သည်...ကားအတွင်းထဲရောက်မှ ပုံမှန်ခရီးသွားကား မျိုးမဟုတ်မှန်း သိရသည်...ဇိမ်ခံကားမှန်းသိသာစေသော ထိုင်ခုံနေရာ ...
ရေချိုးခန်း နှစ်ယောက်အိမ်ကုတင် တွေပါလေသည်...
ထိုင်ခုံပုံစံကတွေက နှစ်ခုံစီ အတွဲလိုက် 3ခုံပါပြီး
3ယောက်တွဲခုံ 1ခုံပါတာကြောင့် 2ယောက်တွဲခုံ၏ပြတင်းပေါက်ဘက်ခြမ်းမှာ ခခထိုင်လိုက်ပြီး အလင်းကို ကားပေါ်မှာသာစောင့်နေလိုက်သည်...အလင်းတစ်ယောက်ကတော့ ကားပေါ်တက်မယ်ဆိုကာမှဘာကျန်လို့မသိ သွားယူနေရလေသည်.....
ခခ ဘေးကခုံမှာ နွေနှင့်ဇွဲက တစ်တွဲ နေရာယူထားသည်....ကိုယံတို့တွေ ကားပေါ်တက်လာပြီး နောက်ခုံတွေမှာ အသီးသီး နေရာယူကြသည်...ဘေးခုံတွင် ကိုကိုက ဝင်ထိုင်တာမို့ ခခ ခပ်တောင့်တောင့်ဖြစ်
သွားရသည်....
" Wow!!! "
ဘုရင် ထိုင်ခုံတွင် ထိုင်ပြီးပြီချင်း ရာဇာတို့ဆီမှ အသံထွက်လာခြင်းဖြစ်သည်....မျက်လုံးဝိုင်းလေးများ ဖြင့်မော့ကြည့်လာသော ကောင်လေးအား ဘုရင် မျက်ခုံးတစ်ဖက် ပင့်ပြမိသည်...
" ဘာဖြစ်လို့လဲ..."
" ဟင့်အင်း... "
ခေါင်းလုံးလုံးလေးမှာ ဆံပင်များဝဲခါအောင် ခေါင်းကို ခါပြလေသည်...လမ်းတစ်လျှောက်လုံံးလည်း မုန့်တွေ တစ်မျိုးပြီးတစ်မျိုး စားနေတာများ ရှဉ်ပေါက်ကလေးလိုပင်...ခရီးစဉ်တစ်ဝက်လောက်ရောက်တော့ ဗိုက်လေးပြီး အိပ်ချင်နေပုံရသည်..... အိပ်ငိုက်ပြီး ကားမှန်ဘက်သို့ခေါင်းလေးကယိမ်းနေတာကြောင့် ဘုရင်ပုခုံးပေါ်ကို မှီပေးထားလိုက်သည်။