نغوص في بحر حكايتنا
من ارض الموصل وازقتها
تشتت وضياع في بحر الظلام
كـأرواح متعلقة بين الدنيا والاخره في اخر لحظاتها تنازع سكرات موتها
قلوبهم قاسية كالجلمود
وقلوب متفتته كالورد
وأناس لا تعرف الرحمة
وجوههم خاليه من السكون يغلفها الحقد والطغيان
قلبين ينبعان بالحب لكن
هل القدر سيكتب لهم الفراق
او
سيكون الحب عشقا
هتافات تتردد في داخلي اشتياقا لأهلي ام للحبيب
صنعت من دمعتي قوتي ومن ضعفي
بصيرتي لأرى ما هو البعد ونار الاشتياق
بـيـن المـشـرقـيـن ....
بقلمي هبه الساعدي
••••••••••••••••••••
مثل الزهرة ذبلت بسبب جفاف ارضها وعدم سقيها
وبقيت بلا اهتمام
هكذا حالي انا ...
انا هي تلك الزهرة التي ذبلت بسبب بعد اهلها عنها
مركزة بـكتابي ادرس لأمتحاني
اصوات عاليه بعد هدوء مخيف بالبيت
استغربت هل صوت وقلبي نغزني
لأول مرا تصدر اصواتهم عاليه
تركت كتابي وطلعت من الغرفه
الكل متجمع بالصاله وجوههم ما تتفسر ودموعهم تنزل
تقربت من زوجة خالي وقلبي ينغزني حاسه اكو شي
بلعت ريقي بعد ما جف حلقي
همست بصوت خافت يادوب تسمعني ..
- شـكـو !
ما صدر منها اي صوت ولا جواب بس دموعها تنزل بغزارة
التفتت عليهم كلهم وجسمي يرجف مثل سعفه ضاربتها عاصفه
حنجرتي تحجرت العبرة خانكتني
صحت بصوت شبه عالي ...
- قلولي خل افهم اهلي بيهم شي ، شكو جدي ؟
رفع راسه بعد ما كان منزله ودموعه تنزل على ملامح وجهه المتجعده بسبب كبر السن
همس بصوت مخنوك اثر البجي ...
- بنتي اهلج
غوشت عيوني من الدموع
بلعت عبرتي رافضة اسمع الكلام راح ينطقه
همست بـتساؤل ....
- شبيهم اهلي وليش تبجون ؟
- اكو فئة هاجمين عليهم
هجموا على المنطقه اخذوا الي اخذوهم و
الي قتلوهم وأشعلوا قسم من البيوت
- اي وأهلي !
- ماخذين اهلج واحد قال اخذوهم وقتلوهم
حسيت ماي بارد ونزل على راسي
خليت ايدي على صدري اخفف الم حسيت بي
اهز براسي رافضة كلامه واردد بصوت خافت
- لا تكذبون اهلي كل شي ما بيهم
ما بيهم شي
اردد هل كلامات انهاريت و صرخت صرخة فاقدة احبابها
اصرخ وابجي كل صرخه تطلع مني تهد حيلي
وهم على صراخي وبجيي يبجون
ما ركزت بأصواتهم وهم يهدون بي
بس كلام جدي يتردد بأذني
خسرت اهلي بعد ما اغشع وجوههم ولا ضحكتهم الحلوه
لطمت على وجهي بـإنهيار وادعي بقلب محروك
- اهلي ربي لا تختبرني بيهم شون اعيش بدونهم
والله اموت
ليش عافوني لوحدي ليشششش
وين اروح اني هسه بقيت بدون اهل اريد اهليي
وينجج مامااا
قلبي اشتعل نار وروحي متفرفحه
حركه بلاعيمي وصدري ضاق ما أكدر اخذ نفس
دموعي جمر وتنزل على وجناتي
دفعتهم وطلعت اركض لشارع واتعثر بخطواتي
كلها ركضت وراي يسحبون بي
واني بغير عالم ما بواعيتي
بس صوتي المبحوح اصيح ودفع بيهم
- عوفوني اريد اروح لامي ما شبعت منها
اريد اخواتي منو الي بعدهم
افترت الدنيا بي والسواد حاوطني
وگعت ما حسيت بشي بعد
غبت عن الوعي وغابت روحي وانطفت
•••••••••••••••••
بداية جديدة برواية جديدة راح نشهد قوة بطلتنا وتحملها المصائب والبعد والفراق الي عاشته
راح نتعلم منها القوة والصبر
واكيد راح تحبوها مثل ما اني حبيتها ♥️
🚫 التنزيل القصة حسب فراغي لان اني طالبه حالي حالكم ويمكن حيكون بالعطلة الصيفيه ونستمتع بقراءتها سوا اني وانتم
اذا تحبون تحفظوها بالمكتبه لوقت التنزيل لانها تستاهللل بمعنى الكلمة 😍
شنو رايكم بالمشهد ؟
لا تنسون التصويت ⭐ وتعليقاتكم الحلوه
يوزر لانستا اذا تحبون تتواصلون وياي واي سؤال او استفسار تدللون / heba_alsaadi04
دمتم سالمين الى اللقاء 🤎 .....
أنت تقرأ
بين المشرقين
Mystery / Thrillerقصة حقيقية 100% دقت الساعة وحان الوداع هل هو وداعا للابد او لقاء قريب اقرب أناس لي اصبحت بينهم غريبة احدق في الوجوه لأرى اهلي وعلى امل لقاء بهم هل سألتقي بكم ام سابقى غريبة في وسط القرباء فراق مميت دموع كـ لهب من النار تسقط حباً على شرف الهاويه ...
