ငါ့အဖေက အေးစက်တဲ့ သင်ယူခြင်း နတ်ဘုရားရဲ့ ခန္ဓာကိုယ်ထဲမှာ ပြန်လည်မွေးဖွားလာခဲ့တယ်

Ch-1

ငွေရှင်းကောင်တာ၌ လင်ချုးဆွေ့က Marlboros တစ်ထုပ်ပါ ဝယ်ယူခဲ့သည်။ သူမက နှာခေါင်းရှုံ့ရင်း ခပ်တိုးတိုး ရေရွတ်လိုက်၏။

"သောက်နိုင်ငံခြားသားအတုကောင်။"

ကုန်မျိုးစုံစတိုးမှ ထွက်ခွာလာပြီးနောက် သူမက ပီကေအား ထွေးထုတ်ပြီး မာစီဒီး၏ ကားပြတင်းပေါက်တွင် ကပ်သွားလိုက်သည်။

.......

ဗီလာက ကြီးမားသော်လည်း ဗလာကျင်းနေ၏။ များပြားလှသည့် သစ်လွင်တောက်ပြောင်သည့် အိမ်သုံးပစ္စည်းများနှင့် ပရိဘောဂများ ရှိနေသည့်တိုင် လင်ချူးဆွေ့က ဗလာဖြစ်နေသလို ခံစားနေရပြီး ထိုဗလာကျင်းနေမှုက သူမ၏ နှလုံးသားကို မလွယ်ကူသလို ခံစားရအောင် ပြုလုပ်နေသည်။

ဧည့်ခန်းထဲမှ မစ္စတာလင်၏ ကမ္ဗည်းတိုင်က သူမ အမေ၏ အဝေးသို့ ဖယ်ရှားခြင်းကို ခံလိုက်ရပြီး အဖြူရောင်နံရံပေါ်၌ ကြီးမားသည့် နေရာလွတ်တစ်ခုသာ ကျန်ရစ်ခဲ့သည်။

လင်ချူးဆွေ့က သူမအဖေ အခန်းရှိရာ အပေါ်ထပ်သို့ တက်သွားပြီး ဘေးဘက်ရှိ စားပွဲ၏ ဒုတိယမြောက်အံဆွဲထဲမှ ဘောင်သွင်းထားသည့် ဓာတ်ပုံတစ်ခုကို ထုတ်ယူလိုက်သည်။

အဖြူအမည်း ဓာတ်ပုံတွင် နေရောင်ကဲ့သို့ တောက်ပပြီး ရွှင်ပျသော မျက်လုံးများနှင့် ငယ်ရွယ်တက်ကြွသည့် စိတ်ဓာတ်မျိုးနှင့် ချောမောသည့် လူငယ်တစ်ယောက် ရှိသည်။

လင်ချူးဆွေ့၏ မှတ်ဉာဏ်များထဲ၌ သူက မည်သည့်အခါမှ မအိုမင်းတော့ဘဲ အမြဲတမ်း ထိုပုံသဏ္ဌာန်အတိုင်း ရှိနေတော့မည် ဖြစ်သည်။

မစ္စတာလင်က အခြားလူများကို ကယ်ဆယ်ရန် တာဝန် ထမ်းဆောင်ရင်း မီးထဲ၌ သေဆုံးခဲ့ရသည့် မီးသတ်သမားတစ်ယောက် ဖြစ်သည်။

သူက ပြည်သူ့သူရဲကောင်းအဖြစ် ချီးမြှောက်ခံခဲ့ရသော်လည်း လင်ချူးဆွေ့အတွက် သူမအဖေက သည်းမခံနိုင်လောက်သည့် စိတ်နှလုံး ပူဆွေးရာ ဖြစ်သည်။

လွန်ခဲ့သည့်နှစ်နှစ် မစ္စတာလင် ကွယ်လွန်သွားကတည်းက အဖေချစ်သမီးလေး လင်ချူးဆွေ့က ပုန်ကန်ထကြွတတ်သည့် အဆိုးအသွမ်းလေး ဖြစ်လာခဲ့သည်။