اسطورة زماني

الفصل الثلاثين (أسطورة زماني)

اما عند جسار وملــــــهم كانوا يتوجهون ليبحثوا عن موقع لبناء منزل وكذلك يكون قريب منهم فتفاجأ ملــــهم بذلك الكلام الذي قاله جسار

جسار بجديه/ملــــهم انا عاوز اروح ابيع كم قطعه ذهب عشان اجيب فلوس لأيانا وكيفلا عشان يشتروا كل حاجه عاوزينها

ملــــهم /طب كنت قولي وانا هجيب

ثم اخرج من محفظته مبلغ كبير وقال ببسمه/اتفضل ياسيدي ده كفايه ولا لأ

جسار بشكر /انا بشكرك على كرمك ده بس انا مش ههقدر اقبلها لأني انا عاوز آخد من فلوسي والحمدلله ربنا اداني فمش محتاج تسلم يا صاحبي

ملــــهم /انا عارف ان معاك فلوس بس دي قضي بيها لحد مانبيع كل اللي معاك ده وناخدلك شغل كويس وبيت كبير حلو

جسار برفض /مش هقدر ده كفايه انني عايش معاك ووسط بيتك تصدق اني خجلان منك

ملــــهم /ايه الكلام ده يا جسار بص انا هزعل منك وفيها ايه لو انت هتقعد معايا حتى العمر كله مفيش عندي مشكله 

جسار وهو يبتسم ويقول/متشكر ومش هنسالك اللي عملته معايا ده

ثم واصلوا بحثهم ولكن جسار لم يأخذ الفلوس رغم اصرار ملــــهم عليه

وبعد خمس ساعات

كانوا يعودون للمنزل ولم يجدوا منزل للبيع ولكنهم وجدوا قطعه ارض خاويه وكانت بالقرب من منزل ملــــهم

وعند دخولهم لمنزل ملــــهم كان هادئ للغايه

فقال ملــــهم باستغراب/هما راحوا فين

جسار /انا مش متطمن للهدوء ده

ملــــهم بصراخ /يا خلود....خلود

خلود وهي تتقدم منه /ايوه يابيه

ملــــهم /هما البنات فين.........؟؟

خلود /طلعوا للسوق هما وعمو سليم

ملــــهم بصدمه /ايه بابا معاهم ازااي رضي يطلع ده اكتر مكان بيكرهه هو السوق

جسار بضحك /طب وفيها ايه ماهوا طلع.للسوق يبقى حلو اوي

وبعد ثواني كانت الفتيات يدلفن للداخل وكيفلا تدفع الكرسي الخاص بسليم

وعندما دخلن وكان ملــــهم وجسار بانتظارهم قالت سالي /انتوا جيتوا امتى

ملــــهم بنظره عشق /لسه جايين من شويه

سالي /طب لقيتوا بيت او لا