الساعه 6:55 الصباح
صحت ميان على المنبه فتحت الساعه وتشوف الساعه 6:55 شهقت بصدمه وقامت
ميان: ياويلي تاخرت على المدرسه!
قامت تركض تطلع عبايتها ومريولها وشنطتها وراحت الحمام غسلت وجها وفرشت أسنانها وراحت حطت واقي شمس ومرطب لوجها وراحت لبست مريولها الأزرق وبلوفرها الوردي الغامق وشوزها ولبست اكسسوارات خفيفه وفتحت شعرها
ميان : امم! شعري حلو كذا مايحتاج اسوي فيه شي
مشطته بس وعدلته وهو كان مسويته ويفي بالامس وكان مرتب حطت لها ميكب خفيف ولبست عبايتها وحطت الطرحه على كتوفها ولبست شنطتها وخذت جوالها رشت عطرها وابتسمت برضى من شكلها ونزلت بسرعه
ميان وهي نازله : نصوريييي ناصرر
ناصر وهو يفطر : يالله صباح خير
ميان : تكفى ناصر مشى عني الباص
ثامر : انا ابي اعرف هل باص ياخذ فلوس على ايش ؟ وهو حتى نص شهر م يوصلك
ميان: شفت كيف!
مسح على وجهه ثامر : هو يجيك كل يوم ي ميان لكن انتي م تقومين بدري
ميان عضت شفتها بزعل : ثامر لا تعصب علي!
ناصر: تدرين يشفع لك انه محاضراتي تبدا من الساعه 9 ف بوديك
قام ناصر من الطاوله واخذ مفتاح سيارته ولف لميان الزعلانه عشان يضحكها فتح عين وغمض عين وهو يقول : ودك بقهوه قبل م تروحين المدرسه؟
ركضت ميان له بضحكه رضى : صدق نوني بتوديني؟
فتح عيونه ناصر بصرعه: نوني ؟ تكفين لا يسمعك ثامر
ميان قعدت حواجبها : اف خلاص بسميك نصوري
ضحك ناصر وفتح لها الباب : يلا يالبرنسس ميان
ضحكت ميان وهي مبسوطه من حركات ناصر معها وطلعت وركبو السياره
ناصر : ودك دانكن ولا ستار ولا بارنز
ميان : تمزح! اكيد ستار
ناصر : سمييي على هل خشم
واتجهو لستار وشرا لها موكا واخذ له سبانش لاتيه
ناصر : عشان م يجيك خفقان بالمدرسه
ميان : ننن
اتجهو للمدرسه ولما وصلو حضنت ميان ناصر وباست خده ومشت وهي تودعه
ناصر وهو يضحك من حركاتها : ياخي ذي البنت
دخلت ميان وهي تضحك وبيدها كاس الموكا ودخلت اخذت ورقه تاخير ودخلت الفصل ع حصه الرياضيات
الاستاذه : تو م نور الفصل ي ميان
ميان ضحكت : النور نورك
الاستاذه : لا بس كنت بقولك انه حسبتك غياب وم راح يتغير ذا الشي
ميان عفست وجها وهل استاذه دايم تعكر مزاجها : طيب
توجهت ميان بابتسامه لصحباتها وقعدت جنب سيرين
سيرين بضحكه : لا تعكرين مزاجك منها إلا ليه جايه مروقه؟
ميان : وش اقولك ي سيرين زعلني ثامر وراضاني ناصر
ضحكت سيرين من جابت سيرة ناصر : اهمشي احد راضاك
ميان : اي إلا وش كان الدرس عنه؟
لفت سيرين على السبوره وقعدت تشرح لميان
"عند بطلنا"
صحى الساعه 8:34
اخذ جواله يشوف الساعه وقام وهو مبتسم محاضرته تبدا الساعه 9:30 اخذ له شور وطلع له ملابسه لبس السكراب الازرق الفاتح وفوقه الابكوت الأبيض رفع شعره الي كان يغطي عيونه واتجهة يلبس ساعته ويتعطر من عطره الرجولي ابتسم ونزل وشاف امه وابوه قاعدين ع الفطور
سيف: ياصباااح الخير
ضحى بابتسامه : صباح النور والسرور
ابتسم تركي: هلا بدكتورنا
سيف ابتسم وتوجهة يبوس راس امه وابوه وقعد يمهم وهو ماسك المق حقه الي فيه قهوته
تركي: ي بابا وش لك بالقهوه تضررك
ضحى لفت على تركي بعدين لفت على سيف : وبرضو متروش وطالع وشعرك مبلل مويه كم مره اقولك بتمرض
سيف كان مبتسم وهو متعود يسمع كلامهم وخوفهم عليه
سيف : أوعدك بكرا ماتروش واوعدك ي بابا بكرا ماخذ المق حقي
تركي ابتسم : خلك وفي
سيف وهو يرص عيونه : م عمري خلفت وعد ي بابا!
ضحى : يدري يدري ابوك بس يحب يحارشك، إلا سيف متى تخلص من الجامعه؟
سيف : ع الساعه 1
ضحى: اجل زين ابوك بيتاخر اليوم وم راح يقدر يروح لاختك
سيف : سمي يالغاليه أنا اروح اخذها ولا يهمك
ضحى ابتسمت : الله يخليك ياعيوني
سيف وقف وهو مبتسم : اجل عن اذنكم أنا ماشي لا اتاخر ع محاضراتي
تركي : بحفظ الرحمن
ضحى: استودعتك الله يمه
سيف ابتسم وطلع وهو يضحك وركب سيارته ومشى للجامعه وهو مشغل اغنيه وقاعد يدندن معها ومروق لاعلى درجه
YOU ARE READING
"شفت بعطرك الحُب وشفتني بعيونك الهياام"
Science Fictionتتكلم عن سيف بن تركي الي همه الدراسه وم يهتم لاي بنت بحياته غير نفسه بيوم يوصل صديقه اخته معه ومن شاف عيونها وهو هيمان فيها لكن م يدري هل تكن له بمشاعر او لا؟
