အဖေနဲ့ အမေရယ် ကိုကိုတွေပဲလား?
ရှန်ချန်းလင်က အင်မတန် အားနည်းနေသည်။
"အဲ့ဒီဟိုတစ်ယောက်ရော?"
"သခင်လေးမေးချင်တာက ဂိုဏ်းချုပ်ချင်မလား?"
ပေါင်တို့က အင်မတန်လည်ဝယ်လှ၏။
"ဂိုဏ်းချုပ်က အပြင်ခဏထွက်သွားလို့လေ... အခုထိ ပြန်မလာသေးဘူးမို့... သခင်လေးက သူ့ကို သတိရနေလို့လား?"
ငါက သူ့တစ်အိမ်လုံးကို သတိရနေဦးမယ်! ! ငါသူ့ကို ရှာတယ်ဆိုတာ ကိစ္စရှိလို့ကွ သဘောပေါက်ရဲ့လား!
ရှန်ချန်းလင်က အားမရှိစွာ လက်ကာပြလိုက်ပြီး ဆိုသည်။
"တော်ပြီ... အရင်ဆုံး သူ့အကြောင်းမပြောတော့ဘူး.. ငါ့ကို အဲ့နောက်ဘက်ခြံဝန်းထဲက ဇာမဏီငှက်အကြောင်းသာ ပြောပြစမ်းပါ"
"သခင်လေးက ဟာသတွေပြောနေပါပြီ... အဲ့ဟာက ဘယ်လိုလုပ်ပြီး ဇာမဏီဖြစ်နိုင်မှာလဲဗျ"
ပေါင်တို့၏ အမူအရာက လေးလေးနက်နက်ဖြင့်။
"ဇာမဏီဆိုတာ ဟိုးဒဏ္ဍာရီလာ ရှေးဟောင်းအထွတ်အမြတ် နတ်မျိုးနွယ်တစ်ပါးလေ... ဘယ်နှယ့် ဟိုဟိုသည်သည် အလွယ်တကူရှာတွေ့နိုင်မှာလဲ"
ငိုး! ! ! !
အဲ့ဟာကိုတောင် ဇာမဏီလို့မခေါ်သေးဘူးဆိုရင် ဘယ်ဟာကမှ ဇာမဏီလဲ ငါ့ကိုပြောစမ်း! ! ! ဘယ်သူ့အိမ်က ကြက်မည်းက အတောင်ပံတစ်ဖက် ဖြန့်လိုက်ရင် သုံးမီတာကျော်ရှည်လျားတာ မင်းမြင်ဖူးလို့လဲ?
ရှန်ချန်းလင်သည် အော်ဟစ်ပေါက်ကွဲကာ စားပွဲခုံကိုတောင် ဆွဲမှောက်ပစ်လိုက်ချင်မိသည်။
"အဲ့သည်ကြက်မည်းက ရှန်အိမ်တော်မှာ မွေးထားတာ နှစ်ပေါင်းတစ်ရာကျော်ကြာပြီ... လူကြီးတွေ လက်ဆင့်ကမ်း ပြောကြားခဲ့တာတော့ ဘိုးဘေးဘီဘင်တွေရဲ့ အသက်သခင်ကျေးဇူးရှင်တဲ့"
ပေါင်တို့က ရှင်းပြလေသည်။
"သူက ငှက်ကြီး အမျိုးအစားမှန်ပေမဲ့လည်း ဇာမဏီက ရှေးဒဏ္ဍာရီတွေ အရဆို မီးပုံထဲကနေ တစ်ဖန်ပြန်မွေးဖွားလာတာမလား... ကြက်မည်းက မီးအရမ်းကြောက်တယ်ရော်.. မတူဘူးရယ်"
YOU ARE READING
သိုင်းလောကတစ်ခုလုံးကဗရုတ်သုတ်ခတွေချည်းပဲ!
Historical Fictionစာရေးသူ - ယွီရှောက်လန်ရှန်း ဇာတ်ဆောင် - ရှန်ချန်းလင် x ချင်ရှောက်ယွီ - ယဲ့ကျင် x ရှန်ချန်းဖုန်း
အခန်း(၈) တက်ကြွကြိုးစားစွာသင်ယူရှာသည့်သခင်လေးရှန်
Start from the beginning