Ruwaida_ali
#لن اتنازل عنك
فهد..طلعت واني حلفت اليوم انهي السالفه لااني للسما ولااني للكاع معلك خابرت اثير
اثير.. هلا فهد گول
فهد.. ابوك موجود اجي احاجي
اثير. وين بالبيت قصدك
فهد.. اي وموظوع مهم
اثير.. فهد شعندك يعني اذا شغله متخص لبينكم ماانصحك تجي
فهد.. يمعود هي نفسها الشغله اريد احلها ونزوج اني وبنتكم ونفضها نعيش مثل البشر احسن ماجاك لذيب وجاك لواوي
اثير.. خوش خل اگله واشوفه شيكول وارجعلك خبر
فهد.. انتظرك لتتأخر
اساور.. ورا مطلع رحت ع لمغسله اباوع ع نفسي، اغسل قوي وابجي معقوله اني صرت هيج صرت شيريد انطي صرت مو ثگيله على اي اساس اني داانطي ليريده منو هو خطيبي زوجي وله يادوب احبه الله اكبر شكد ثوله اني شلون سويت هيج حسيت بأيد خاله ع ظهري
جاسميه..شبيج يمه حبيبتي تأخرتي بيج شي
اساور..لابس عدلتها فدمرا
جاسميه..لعد ليش تبجين
اساور..مشتاقه الامي والاختي اريد شوفتهم خاله گلبي نار عليهن حظنتها وابجي واني البجي انخلط ع الاثنين ع لگافتي وع امي
جاسميه..يمه تهون وداعتج تضل بس سوالف ترجعين وتشوفيهن بس استهدي رحمن وكومي يلاا نكعد بالصاله بين مايجي فهيدان نشوف شنسوي
اساور..ان شاءلله
فهد..توجهت لمنطقتهم وخابرني اثي
اثير..فهد تعال للبيت بس ديربالك من اي حجايه زايده وهاي اني وصيتك
فهد..ان شاءلله تسلم.. مسافه مشيت وصلت الباب دحكت لافته مكتوب عليه المرحومه اساور ماجد اثر،سكته قلبيه ضحكت مناعيل دكيت الباب
حامد.. اهلا دكتور فهد تفضل
فهد.. دخلت ومحجيت شي خلاص
ماجد.. تونى جنه يمك شرايد شنو الجديد
فهد..اني اجيت لهنا افتهم لمطلوب شنو وتنسد هالسالفه ونعيش احنه بهدوء وانتو تنسون اساور
ماجد.. ها ننساها موهي بزونه مربيه وضاعت
فهد..يعني تريدوها
حامد.. اي طبعا لعد شنو غير بنتنا واختنا لعد تبقى يمك احسن مثلا
ماجد..انت شبيك ابويا شنو تريدها احنه ساكتين لان انت الك فضل رجعتها للحياة والخاطر هالشي سكتنه والا نكدر نسحلها من بيتك تبقى عرضنه
فهد..لعد شنو هاي لافته الحداد مالتها الي بالباب
ماجد.. لعد شتريد يمه شنكول للجيران بايگها حبيبه لي حبلت منه
YOU ARE READING
لن اتنازل عنك
Romanceقصه حقيقية واقعيه لرجل ريفي يقع في حب بنت المدينه تعذبا من أجل لحظة اللقاء
