ألـ غضب

البـارت 36

الشيخه : ولا حرف إذا ما اشكيك الابوك علمود يربيك

صكر : شيربيني غير صرت دكتور ومتزوج

الشيخه : وإذا ثور شني اول واحد يصير

صكر : شوفي ركيه تمشين وياي عدل لا ازوج رجلج وعلي

الشيخه : تعال ولك تعال اكسر العوجيه على ضهرك

ايليا :( بقه يركض وتركض وراه تعبت وكعدت تسب بي تقرب منها يبوس بيها ويضحكها بقينه كاعدين شويه واشرتله نطلع وسحلنا الولد ويانه وهوا ما يكدر يسكت لازم يحركني )

صكر : ركيه راح اروح ابن كنان ما تعجبه الكعده يمكم

ايليا : شكد جلب أنتَ النذاله تمشي بدمك ؟

صكر : دسمع الرزايل هههه

ايليا :( استلمتني دك رزايل كوه خلصت نفسي منها وطلعت اسب بصكير رحنا تعشينه وللشط واحنا كاعدين نسولف دك موبايل صكر كام رد ورجع وجها اصفر بساع بساع رجع للبيت كلشي ما افتهمنه منه رجعنا للبيت خابرته ما يرد وصعد الغرفته ومرته موجوده استحيت اصعد عفته ورحت البيتنه )

…………………

... حباب صكر ما عدي غيرك حباب والله هاي المره احجي صدك حباب لا تعوفني والله راح اموت ساعدني بس هاي المره وبعد ما اتقربلك حباب لا تردني اعتبرني دخيله يمك ادري بيك عشت حياتك بس تذكر بيناتنه عشره وابقه حبيبتك الاولى وملكه گلبك بس انا اعرف بيك ما تحب مرتك ومجبور عليها  انا حبيبتك صكري

( نزلن دموعي وانا أقره كلماتها الاخيره معقول رجعلها ؟ معقوله يخوني وياها ؟ صح علاقتنه ما كملت بس ما استاهل انخان ويا هيج وحده بس لا لا صكر ما يسويها مو صكر الينذل ويرجع رجعت الموبايل المكانه ورحت للميز أرتب بي وهوا مرتب ما اعرف شسوي الغصه البصدري اذتني ما اريد يشوفني راح يعرف طلع من الحمام ينشف بشعره لبس تراك وتقرب للميز يرتب شعره كرص خدي وكال بابتسامه )

صكر : ركيه وخري خل امشط

( ابتعدت وهيا مدنكه مشطت شعري وانا اباوعلها كاعده على الجربايه ومدنكه رأسها كملت وتقربت منها وهمست )

... شبيها ركيه الحلوه

رقيه : نعسانه

صكر : يعني اليوم ما نسهر ؟

رقيه : على بأجر

صكر : مو محضر فلم يشك شك يفوتج

رقيه : نعسانه حيل

صكر : متاكده نعسانه مو غير شي ؟

رقيه : ليش اكو شي

صكر : لا

رقيه : تصبح على خير

صكر : انتِ الخير كله رقو

رقيه :( تمددت وغمضت عيوني بقوه ارد انام بس للاسف ما نمت بقيت اسمع تنهيداته وحركته بالغرفه ما كعد ابد والدخان ترس الغرفه خنكني خنك سمعت اذان الفجر وصوته وهوا يصلي كمت توضيت وطلعت شفته يقره قران مديت سجادتي وصليت من كملت هوا يرتل بالقران وصوته كلش حلو تمددت بعباتي ونمت فزيت الصبح باوعت بالغرفه ماكو اكيد راح للمستشفى بدلت ونزلت اليوم كله مالي خلك عمه وزهراء انتبهن عليه لأن كل يوم خابصتهن ما اسكت ابد واتعارك ويا زهراء لو صكر واليوم ساكته كلساع وحده تسألني شبيه اخر شي عمه كلتلي صعدي الغرفتج ارتاحي أخيرًا صعدت وانفجرت بجي ذبيت ضيم گلبي كله بهاي البجيه مختنكه حيل ونفسيتي تعبانه وكلامها جرحني حيل صح ما بينلي بس ليش تراسله ؟ شعدها ويا ؟ وشني تكله مجبور ؟ وحتى لو مجبور هيا شعرفها ؟ بقيت صافنه بدوامه تفكيري وابجي إلى أن انفتح الباب ودخل صكر )