حجاها وجر جوزلانة طلع خمسة وعشرين وانطاني اياهن ضحكت واخذتهن
آرام.... عفواً.... اثاريك طلعت چريممممم الله يڪثر من خيرررك
ضحك وانه طلعت برة غرفتة نزلت جوة الغرفة بيبي فتحت الباب لڪيت رضا نايم جوة بالكاع وبيبي فوك
زهــره.... نزيتيني نعلة على ابليسج
آرام....ما ادري بيج اجيت اخذ رضاوي عمي
زهــره.... لا عوفي هنا وروحي خمدي شمتانية
آرام.... عندي دراسة اكمل وانام
زهــره.... يلا روحي عني ابوج واخوج اجو لو لا؟
آرام.... لا بعدهم
دنڪت على رضا وحجيت
آرام.... رضاوي حبيبي اڪعد لا تنام بالكاع اصعد نام يمي
حجة بتملل
رضا.... عمة عوفيني نايم
آرام.... راح اشيلك
شلتة بالرغم بالاول ابتدائي بس خفيف
اخذتة وطلعت بالطريق صادفت منيب جان مسويلة لفة وجاي ياكل بيها شاف رضا بأيدي باوعلة واتنهد وحجة
منيب... ليش مطلعتة خاف يبرد ما قبل يلبس شتوي
آرام.... هسه اصعدة الغرفتي
منيب... يبقى يمج؟
آرام.... اي ليش
منيب.... جيبي خلي ينام يمي
حجاها وخلة اللفة بحلڪة ومدلي ايدة اخذة من عندي وصعد فوك هزيت ايدي ودعيت من الله يهدي صعدت الغرفتي وڪملت دراستي شوية سمعت حرڪة صارت جوة عرفتهم اجو انفتح الباب ودخلت شُـــــــذير تعبانة سدت الباب وڪعدت بالكاع
آرام.... شصار؟؟
شُـــــــذير.... ما قبلو ينقلوني هنايه
آرام.... يااا ليشش؟
اتربعت وبدت تسولفلي بحرڪان ڪلب..
•••••••••••••••••••••••••••••••
شُـــــــذير
طلعنة الصبح اني وخالو عبد الرسول وخالو زڪـــريا صعدو ڪدام واني ورة شفت خالو زڪـــريا ما حرك السيارة استقربت ليش بس ما اتجرأت وسألت شوية واجت ليلى عرفت ينتضرها صعدت ورة يمي درت وجهي للجهة الثانية ضايجة من عدها من يوم الضربتني ليلى وصلناها للمدرسة وقبل لا تنزل انطاها خالو عبد الرسول مصرف اخذتة من عندة واتشڪرتة ونزلت
أنت تقرأ
بين انيابهم
Actionحـقـيقيـة ٪100 أَرْبَعَةٌ لِبَوَاتِ يَدُورُ حَوْلَهُنَّ مَجْمُوعَةٌ مِنَ الذِّئَابِ لَڪُلِ مِنْهُمَ غَايَةِ.... _متجبرات _قَوِيَّاتِ _شَامِخَاتٌ _ڪأَسْرَاتِ لَقَيَّدُوهُمْ _رافضات لِلْخُضُوعِ _قلبهن مِلْجَا لِلْحَنَانِ وَالْحَبْ _وَقَفْنَ أَم...
••العثــࢪة الخامسـة و العشـࢪون ج 2••
ابدأ من البداية
