حب في رفوف الماضي

بارت عشرون

رحمان:: طريق طريق

بديعة:: فوتن يمة جوة

هدى:: منو اجة؟

رقية:: ماادري بس هذا صوت سامعتة

هدى:: ياصوت؟

رقية:: ولجج هذا صوت الرجال اني سامعتة

هدى:: وين

رقية:: ماادري بس متأكدة

هدى:: ضلينة بل مطبخ شوية وعلت الاصوات منسمع بس اصوات زلم ومبينين هواي لان الصوت عالي

رحمان:: سون جاي

بديعة:: خيرر يمة منو

رحمان:: عائلة مريض عندي هسة سوة جاي بعدين نحجي

بديعة:: سون يمة جاي

هدى:: ركض سوينة جاي اني ورقية

رقية:: يمة همة شكد

بديعة:: ماادري بس صبن هواي

هدى:: صبينة الجاي راحت عمتي صاحت لرحمان اجة اخذة ضلينة منتضرين بل ساعة همة اصواتهم تعلة وترجع تنصة لحدما طلع ركضت عمتي لرحمان

بديعة:: خيرر يمة شكو منو ذولة

رحمان:: قبل كم يوم اجاني مريض
****
المريض:: سلام عليكم

رحمان:: وعليكم السلام تفضل

المريض:: دكتور اريد منك خدمة

رحمان:: تفضل شتريد

المريض:: اريدك تكتبلي وصفة بهذا الدوة

رحمان:: اخذت علبة الدوةمنة  قريتة
_بس اخي هذا الدوة كولش قوي ويضر الجسم ومينطي بدون وصفة دكتور خبير لان قوي

المريض:: يي هوة اريد تكتبلي وصفة بي لان الصيدليات مارضو ينطونيا

رحمان:: طبعا مينطوك لان هاي تعتبر مخاطرة
واني اسف بس مااكدر اوصفلك هذا الدوة لان مسئولية

المريض:: لا دكتور الله يخليك لازمم اخذ هذا العلاج الله يخليك

رحمان:: اهدء ابني شجابك على هذا الدوة وانتة بعدك شاب هذا يضرك صدكني اذا عندك مشكلة اني انطيك الدوة المناسب او روح لأي دكتور هوة يساعدك

المريض:: لالالا اني مابية شي انتة بس اوصفلي هل دوة وماريد منك شي وشتريد انطيك

رحمان:: ابنييي هية مو لعبة ومتريد مني شي بس لدتسوي غلط وجاي دمر نفسك هيج واني واجبي انصحك

المريض:: كتلكككك ماريددد نصيحتك بس اوصفلي هلل دوة

رحمان:: اعتذر بس مراح اكدر اساعدك تكدر تتفضل عندي شغل

المريض:: يعني مراح تكتبليا صح

رحمان:: لا

المريض:: ماشي الة اندمك
*******
رحمان:: يومين واجوي اهل المريض يهددون والله شنو. انتة منطي لأبنة دوة غلط والولد متسمم وحالتة خطرة گتلهم اني مانطيتة شي هوة اجة راد دوة غلط ومامرخص بس ماصدكو ضلو يهددون ونفلش العيادة على راسك وندلو بيتي وهسة اجو يهددون يردوني ادفع تعويض الادوية لو الخسائر وانطوني مهلة يومين ادبر الفلوس