"အန်တီနွန် ဘယ်သွားနေတာလဲ"
"မင်း ဘာလို့ ဒီမှာ ရှိနေတာလဲ။ အိမ်မပြန်ဘူးလား"
နာရီကို ကြည့်ပြီး ကျွန်မ မျက်မှောင်ကြုတ််မိသည်။
"၉ နာရီတောင် ထိုးတော့မယ်"
"ဆိုင်မှာ စောင့်နေတာ၊ ဒါပေမဲ့ အန်တီနွန်ကမှ ရောက်မလာတာကိုး၊ ဒါနဲ့ ဒီနေ့ အန်တီနွန် အရမ်းလှနေတာပဲ၊ ဘယ်သွားခဲ့တာလဲ၊ ဘယ်သူနဲ့ သွားခဲ့တာလဲ၊ သမီးကို ပြောပြ"
အားနွန်။ သူက ကျောင်းသူလေး တစ်ယောက်ပါ။ လွန်ခဲ့တဲ့ ရက်အနည်းငယ်က ကျွန်မ ပန်းချီဆွဲဖို့ ကိုယ်ဟန်ပြမယ် လုပ်ပေးခဲ့သေးတာ။ အခုကျတော့ ကျွန်မက သူ့ရဲ့ သူငယ်ချင်းလိုပဲ ဟိုမေးလိုက် ဒီမေးလိုက်နဲ့ စပ်စုနေသည်။
ကျစ်.. ဒီအရူးမလေးကတော့။ ကျွန်မရဲ့ အဘွားတောင် ကျွန်မရဲ့ ကိုယ်ပိုင်ဘဝကို ဒီလို လာ စွက်ဖက်လို့ မရပါ။
ဘယ်ရမလဲ။ ကျွန်မက ထွက်ပြေးခဲ့တာကိုး။
"မပြောပြပါဘူး။ မင်း ကိစ္စမှ မဟုတ်ဘဲ။ အန်တီနွန်လို့လည်း မခေါ်နဲ့။ ငါတို့က ဘယ်တုန်းက ဒီလောက်ထိ ရင်းနှီးသွားတာလဲ"
"အန်တီနွန် သမီးပုံတူကို ဆွဲပေးကတည်းကရင်းလေ"
ကလေးမလေးက မျက်လုံးတွေ ပိတ်ကျသွားတဲ့ထိ ကျွန်မကို ပြုံးပြသည်။ သူ့ကို ကျွန်မက ချစ်စရာကောင်းတယ်လို့ ပြောမယ်များ ထင်နေလား။ ဝေးပါသေးတယ်။ ကျွန်မ မျက်နှာကို တည်တည်ထားလိုက်သည်။
ကျွန်မ အဲသည်အပြုံးကို မကြိုက်ဘူး။ အဲသည်အပြုံးကြောင့် သူကို ချစ်စရာကောင်းတယ်လို့လည်း မမြင်မိဘူး။ သေချာတယ်။
"ဒါဆို ငါ ပုံတူဆွဲရတဲ့ ကိုယ်ဟန်ပြမယ်တိုင်းနဲ့ ရင်းနှီးတယ်လို့ ယူဆလိုက်ရမှာ"
ကျွန်မကိုယ်ကျွန်မ "ငါ" ဆိုတဲ့ စကားလုံးကို တမင်ရွေးပြီး သုံးနှုန်းဖြစ်လိုက်သည်။ ကျွန်မကပါ အန်တီလို့ ကိုယ့်ကိုယ်ကိုယ် သုံးလိုက်လျှင် သူနှင့် ရင်းနှီးခွင့် ပေးလိုက်သလို ဖြစ်သွားဦးမည်။
အား။
"အိမ်မြန်မြန်ပြန်တော့၊ မိုးချုပ်နေပြီ၊ အပြင်မှာ အန္တရာယ်များတယ်"
"ဒါဆို အန်တီနွန် ဘယ်သွားခဲ့လဲ ပြောပြလေ။ သိရတာနဲ့ ပြန်မယ်"
YOU ARE READING
B. L. A. N. K. မြန်မာ ဘာသာပြန်
Romanceဒီဇာတ်လမ်းကို English Version ရှာတာ ဘယ်မှာမှ ရှာမတွေ့ပါဘူး။ ဒီတော့ ရှာတွေ့တဲ့ စပိန် ဘာသာပြန်ကနေ translate နဲ့ English ကို ပြောင်း အဲကနေ တဆင့် မြန်မာဘာသာကို ပြန်ထားတာမို့ လိုအပ်ချက်လေးတွေ ရှိရင် နားလည်ပေးဖို့ တောင်းဆိုပါတယ်။ ဇာတ်လမ်းကတော့ အားလုံး သိ...
