هُـــــــــذام... اي لا تفتحينة هاي ام حيدر شقتها كبال شقتنة
تـــــاج... زين حتى ما ارد عليها؟
هُـــــــــذام... اي كلشي لا تسوين بس ستري علينة رحمة الوالديج
على طول ما اني احاجيه هيَ ادك بالجرس انتبه الة وحجة
هُـــــــــذام... باعي تـــــاج من اتروح طفي الضوة مالت الصالة وكعدي بالغرفة تمام؟
تـــــاج... تمام
هُـــــــــذام.... يلا الله وياج محتاجة شي؟
تـــــاج... جؤ
سداه والجرس اتوقف سويت نفس ما كال ورحت دخلت للغرفة الكلي كعدي بيها اجت عيني على المراية وجهي ڪُلة اثار من ورة هذاك الحقير نزلت نضري الايدي ڪُلهن مشخطات وبيهن اثار مالت اصابعة لميت شفتي للداخل بحزن ودمعن عيوني ترسوني اثار من ورة وصاختهم ومرض نفسيتهم
فتحت السحاب مالت القمصلة التشيرت الجوة مشڪوك بالنص وملابسي الداخلية طالعة نزعت القمصلة وذبيت القميص الجوة نزلت نضري البطني ڪُلها اثار ضرب وتعذيب مالت ابتهال وغير الحرك ما اتحملت المنضر لبست بسرعة القمصلة وادموعي ينزلن بقهر مستحيل انسه الصارلي بطفولتي وحتى لو اتناسة الاثار تذڪرني غمضت عيوني بدموع ودندت بأغنيتي المفضلة... عذبنة البعاد...
مر الوقت بين اربع حيطان بالشقة وهاي المرة ڪُل شوية وداكة الباب وجايبة اكل النوب اكلها مبين طيب واني ضالة بس اباوع من العين السحرية
استمر الوضع الثاني يوم تعبت ومليت كاعدة وحدي بس ڪُلة واكوول اهوون
ثاني يوم فزيت على صوت الموبايل جاوبت بدون لا اقرة الاسم اساساً ما عندي غير رقمة
هُـــــــــذام.... صباح الخير
فركت عيوني وجاوبتة
تـــــاج... صباح النور
هُـــــــــذام.... هستوج كاعدة؟
تـــــاج.... لا اصلاً ما نمت
سكت شوية وحجة
هُـــــــــذام... فتحي باب الشقة اني بالباب
سديتة وكمت واني افرك عيوني مشيت بأتجاه الباب فتحتة وصار بوجهي صفن علي وحجة
ESTÀS LLEGINT
بين انيابهم
Accióحـقـيقيـة ٪100 أَرْبَعَةٌ لِبَوَاتِ يَدُورُ حَوْلَهُنَّ مَجْمُوعَةٌ مِنَ الذِّئَابِ لَڪُلِ مِنْهُمَ غَايَةِ.... _متجبرات _قَوِيَّاتِ _شَامِخَاتٌ _ڪأَسْرَاتِ لَقَيَّدُوهُمْ _رافضات لِلْخُضُوعِ _قلبهن مِلْجَا لِلْحَنَانِ وَالْحَبْ _وَقَفْنَ أَم...
••العــثࢪة الثــانيـة و العشـࢪون••
Start from the beginning
