ငါ လူသားမဟုတ်တော့ဘူး [ Completed ]

YOU ARE READING

Fantasy

This story is just a fan translation. Crd to the original owner.

#interstellar #transmigrate

Chapter 74

Start from the beginning

by Puddin524

အပြင်ပန်းပုံစံအရ လူငယ်လေးတွင်သန့်ရှင်းကြည်လင်ပြီး သိမ်မွေ့သည့်အနက်ရောင်မျက်ဝန်းများ ဆံပင်များကလည်းနူးညံ့ကာ ပွယောင်းယောင်းဖြစ်နေ၏။ ပြောစကားနားမထောင်သောဆံပင်အချို့လည်းရှိနေပြီး အနည်းငယ်လိမ်နေလင့်ကစား တဖက်လူကိုပိုမိုနူးညံ့ပြီး အန္တရာယ်ကင်းသည်ဟူသော အမြင်မျိုးဖြစ်စေသည်။

သို့တစေ ၎င်းသည်ကား ဇက်တို့၏ဘုရင်ပင်။ ကုဟွိုက်၏ချီဘီဗားရှင်းအရုပ်နှင့် သားပေါက်လေးပုံစံကိုမမြင်ဖူးသေးသူတိုင်း ကျယ်ပြန့်သောကြယ်တာရာမျိုးနွယ်စုများမှာ ကုဟွိုက်ကသူ၏အရွယ်ရောက်ပြီးပုံစံ၌လည်း အေးစက်မှုကိုမပြသလောက်ဟု ထင်မြင်ခဲ့ကြ၏။

သန်းရာနှင့်ချီသောကြယ်တာရာမျိုးနွယ်စုအားလုံး ၎င်းတို့၏မျက်လုံးများကိုပွတ်သပ်ပြီး တိုက်ရိုက်ထုတ်လွှင့်မှုကိုကြည့်ရှုနေခဲ့ကြသည်။ ဆံနွယ်နက်ဖြင့်လူငယ်လေးက ကင်မရာကိုအပြုံးဖျော့ဖျော့ဖြင့်ကြည့်လာကြသည့်အခါ သူတို့၏သံသယများကတဖွားဖွားပေါ်လာလေတော့၏။

ချက်ချင်းပင် ဗိုင်းရပ်စ်ပိုးပမာပျံ့နှံ့သွားခဲ့သည်။

[Kn(ဆာနိုကြယ်စု): ငါယုံတောင်မယုံနိုင်ဘူး...]

[__(အစ်စ်ဆိုကြယ်စု): ငါမယုံရဲဘူး၊ ဇက်တွေကအရမ်းကိုအေးစက်တာ၊ သူတို့ဘုရင်ကဘာလို့ဒီလောက်...နူးညံ့နေရတာလဲ]

[__(ဂါနာကြယ်စု): ဒါကဇက်ဘုရင်တဲ့လား၊ ဘာလို့ လူသားနဲ့ပိုတူနေတာလဲ]

[__(ဝေကန်): အမှန်ပဲ၊ ငါပြောရဲတယ်၊ ကမ္ဘာမြေဖက်ဒရယ်အဖွဲ့ကလူတွေတောင် လူမှားလောက်တယ်]

၎င်းတို့သည် ကုဟွိုက်ထံတွင် ဇက်တို့၏မည်သည့်လက္ခဏာမျိုးမှမတွေ့ရပေ။ ကုဟွိုက်၏ခါးတဝိုက်မှ စံချိန်မီ ငွေမှင်ရောင်အမြှီးနှင့်သူ့ဘေးတွင်ထိုင်နေသူကိုသာမမြင်ပါက တိုက်ရိုက်ထုတ်လွှင့်မှုကိုကြည့်နေကြသောကြယ်တာရာမျိုးနွယ်စုမှလူများမှာ ရှင်းလော်ကုမ္ပဏီက ပလက်ဖောင်းကျော်ကြားရန်အတွက် လိမ်လည်နေသည်ဟုပင်ထင်ကြနိုင်သည်။

အင်တာဗျုးသူက အင်တာဗျုးတွင်အလွန်အမင်းစိတ်နှစ်ထားရန်မလိုသည့်အကြောင်း ဦးစွာပြောပြလာ၏။ ရှင်းလော်သည် သာမန် စကားပြောနေသည့်ပုံစံဖြင့်သာထုတ်လွှင့်မည်ဖြစ်ပြီး ကုဟွိုက်ကလည်းလက်ခံခဲ့သည်။