بداية
كعدت من النوم كالعاده وغسلت وجهي بعدها رحت للمدرسه ويه امي لان امي معلمه.
اوه نسيت اعرفكم على نفسي اني ورده بنيه محبوبه من الكل والكل يحبني بسبب شخصيتي واني صف رابع ابتدائي ومشاغبه رغم هاذا اني كلش ذكيه ميحتاج اكول ليش لان امي همين ذكيه واني ورثت الشي الوحيد منها وهوه الذكاء نرجع لموضوعنا
وصلت للمدرسه وشفت الولد كاعدين يصفكون والمراقب الهادء الي اسمه علي واكف وكلشي ميسوي اخذت المسطره الحديد من جنطتي وصحت بيهم وكلهم كعدو بمكانهم باوعلي وابتسم بهدوء واني همين ابتسمتله وضلينا واكفين اني وياه على الطلاب لحد ما اجا الاستاذ ورجعنا لمكانا وبدينا نحجي بالورق واحد يشمر للاخ ورقه ضلينا هيج بعدها لحد ما صار الدرس الاخير ومرت الايام هيج اني اروح للمدرسه ونضل نحجي اني وياه بالورق لحد ما اجا هذاك اليوم الي كلب صداقتنا وسواهه عداوة جنة كاعدين بدرس الاجتماعيات ونحجي كالعاده بالورق لحد ما الاستاذ لاحض وعلي بدا ياشرلي انو ما اذبله ورق بس اني ما سمعت كلمتهه وضليت اشمرلهه ورق شمر لصديقتي السجاجه ورقه اخذتها وقراتها وضحكت بخبث فجاة الاستاذ صرخ عليه وكالي
_وردههه شدسوين
فجاه الصف كله بدا ياشر عليه وعلى علي الي جان كلش خايف لا تنقص درجاته بينما اني جنت هاديه كلش رغم خوفي والطلاب بداو يدورون الاوراق وينطوهن للاستاذ فجاه علي كال للاستاذ بخوف
_استاذ هيه تحجي ويايه
فجاه اجتي كل الانضار عليه والاستاذ لمن لاحظ هدوئي المريب كالي بهدوء
_ ورده بعد لتعيديها
همهمت لللاستاذ وباوعت على علي بكره ودرت وجهي من يمه راح الاستاذ ابو الاجتماعيات واجه درس العربي دخل الاستاذ ولاحضت علي ديحجي ويه السجاجه ويذبلها ورق ويضحك هو وياهه فجاه اندارت عليه وانطتني ورقه استغربت وفتحتها جانت بخط علي جان كاتب بيها
_ رؤيا كولي الورده لا تذبلي ورق لان الاستاذ بدا يلاحض
قريتها وعرفت سبب ضحكتها الخبيثه حسيت اكو غصه بركبتي استاذنت من الاستاذ ورحت للحمام وضليت ابجي بعدها غسلت وجهي وطلعت دخلت للصف وتجاهلت نضراته اليه كعدت برحلتي وما باوعت بوجهه اصلا مرت الايام على هل سالفه واجتي المتحانات والحمد الله خلصت الامتحانات بكل سهوله ونجحت رغم هاذه كل ما اشوف علي اتذكر الموقف ويزيد كرهي اله
اتمنى منكم تدعموني بالروايه لان كلش تعبت يلا
كتبتها وهاي اول مره اكتب روايه فا
قودد باي💋
