ﻋقده الذنب
• ريام الساعدي..
• البارت الأخير.. 🌼💫..
🌼🌼
ـ سيأتي اليوم الذي تستطيع أن تشعُر فيهِ، بكُل شرايين قلبّك، أن شيئًا ما قد نجح معك،
وإنّك في تلك الأثناء واقعًا بحبّ الحياة،
كما لم تقع مِن قبل.
💫....
ازهار: صخاام ولطام شوكت رحتي
اتفقتي وياهم وخليتي بالسجن
يمعزايه نوب
فرح: ومحمد اذا يدري شاهين الا
يشوي ع اذنج بصل والله وگولي
ماگلت الج هسه..
سمر: ام العلوم بس سدي حلگج
هسه هو مايعرف صار معلوم؟ بس
ماتطلع من عدنه احنه بخير
هاشم: تعاي فهميني عمو شلوون
سويتيهاا ليش استعجلتي..
سمر: يعني شتريد ينكتلون لو يطبون
سجن علمود ذوله لو تضل هاي العدواه
والمؤامرات طول عمرنه ونبقى حاطين ايدنه ع گلوبنه ونخاف من الراح يصير واني اگلها الك من الأخير هم انمار مو محبه بينه بس علمود محد يعيره ويگلووله نسوان حطن راسهن براسك
ف ليش مانكطع راس الحيه واني سويت هيج حته احط حد نهائي اله
تواصلت ويا ابو ليث وگتله اريد منك
طلب والرجال مگال شيء ورأسـا
اتحرك وخلاه بالسجن..
هاشم: ايباااه وجماعته راح يسكتون
هسه راح تبدي اتصالاتهم وتهديداتهم
الماتخلص غلطتي ياعمو غلطتي..
فرح: لاا مو بس هاي من يدري
زوجج اكليها عود
سمر: ڪلشي بحسابه مخطط ومتكتك
بعقلي مااخطي خطوه اذا مادارستها
عدل هالمره ماتقبل اي غلط..
فرح: اي وشلون بلا..
سمر: هجران سمعت من اخوها شنو
صار بيج ولان هي غلطت وتندمت
؏ غلطتها وحاولت تصلحها راحت
ل ابو ليث وطلبت منه يخلصنه من
انمار وبهيج احنه مالنه علاقه ولااا
ولدنه هم شعلينه گاعدين وساكتين
وتفاجأنه بالخبر حالنه من حالكم زين
راح نضرب تغليسه زينه ولا من شاف
ولا من درى من نسمع كلنه ننصدم
اوكي..
ازهار: والله يمج عدج سوالف هسه
احنه بيها عليها تدورين مشاكل وياهم
ذوله ناس ماعدهم مخافه الله كلشي
يطلع منهم..
سمر: وخل يطلع قابل احنه شمسوسن
شفناهم مو خوش اودام اطلگنا منهم
ورحنه شفنه حياتنا ليش ليهسه همه
ورانه ولاحگينه طبهم طوب من ايدهم
وابو زايد هم بزعت اني مااحب اماطل
شي مايعجبني اكول معجبني وافضها
مو طويله خلگ ولا صبر تره..
فرح: اي حلتها هسه يهجمون علينه
من جميع المحاور ألا يصير ڪلتنا
عمل شعبي لأل سعد عبالج راح
يسكتون ابنهم بالسجن والثاني من
يوم ماطلكج ماله لاحس ولا خبر
صدك وينه شو شبل ماسوه اي اكشن
من اذكر كلامه وحوارته گلت مستحيل
يعوفج بسهوله ع الاقل يتعارك يگلب
الدنيا يسويها شغله عناد مثل اخوه
شو اختفى هالخفيه..
