اخبر عيناك الجميله ان تكف عبثاً بقلبي 🤍

46

دخلت رنيم لغرفة العروسه وتبسمت منبهره من الثلاث وبلطافه : ماااا شاااء الله ربي يسعدكم توكم بنوتات شلون اعرستوا
ابرار تبسمت بشقاوه : الحب وعمايله
ضحكة عهد : منو انتي
رنيم رفعت الكاميرا : انا المصوره رنيم عبدالله
لمى بهدواء : حياك رنيم من صوتك توك صغيره
رنيم ميلت راسها ورفعت حواجبها : اممم يعني مو كثير
قربت منها ابرار وارمشت : قولي كم عمرك واقول لك كم اعمارنا
رنيم هزت راسها : اتفاق اذاً طيب عمري ١٦ لكن مزوره عمري بالبطاقه ومكبره حالي سنتين
عهد رفعت حواجبها : توك صغيره ليه تسوين كذا تراه جريمه تزوير
رنيم تنهدت بخفه : لاجل اقدر اشتغل دوركم ترى
لمى بهدواء : انا الكبيره بينهم عمري ١٩
عهد تبسمت : وانا الوسط عمري ١٨
ابرار دارت بفستانها : وانا عيد ميلادي اليوم صرت ١٧
رنيم بفرحه : الفرحه فرحتين اجل لكن توكم صغار على الزواج ليه مستعجلين
عهد ناظرت للبعيد : كل شخص له ضروفه
رنيم هزت راسها : طيب انتم اصدقاء
ابرار ضحكة : لا ازواجنا اصدقاء واحنا بمعرفتهم صرنا صديقات
رنيم عقدت حواجبها : شلون يعني مافهمت
ابرار رفعت حواجبها : صار لي عند خالد اكثر من شهر لكن ماكن فيه عرس ملكه وخذاني وعهد ملكه وخذاها ونفس الشي عند ليلى
رنيم استغربت : ليلى
لمى بهدواء : ابراار يكفي
ابرار بعناد : يكفي والله خلاص صرتي حرمة جاسم ليلى هانم مو الانسه لمى
ضحكة رنيم ومرتاحه كثير معاهم : والله باين سالفتكم طوووويله وممتعه
عهد بسخريه : وين المتعه الا دراما
رنيم صفقت بيدينها : يلا يلا بصوركم الثلاث مع بعض قبل يجونكم
ابرار قربت من لمى وشدتها من يدها : يلا ليلى هانم
قربت منهم عهد واخذت كف لمى الثاني تشدها : تعالي بننزل مع الدرج
،
وصل عمار وامه للقاعه واستقبلهم يزن : يامرحبا حياك ياعمه ادخلي للبنات
تبسمت ام عمار بحب : يحييك ربي ياولدي
دخلت ام عمار للقاعه وقرب عمار من يزن : عسى خير مبين معصب
يزن تنهد : وش تتوقع وانا مع البزران من الصباح
ضحك عمار بهدوء : اجل ما الومك والعرسان متى يوصلون بسلامتهم
يزن ناظر ساعته : يقولون مسافة الطريق لاجل يمروا على ام جاسم
عمار رفع حاجب : مافيه معازيم غيرنا
يزن هز كتوفه : ابرار مالها احد وعهد اهلها مسافرين وانتوا اهل ليلى
عمار بتردد : اقصد اهل العرسان
يزن ميل فمه بسخريه : الغاليه جايه معاهم اما اهل محمد يكفي الملكه وخالد امه الله يرحمها وزوجة ابوه عقربه مابينهم تواصل ابد
هز عمار راسه وحزين على حالهم : الله يسعدهم يارب
يزن غمز له : الدور عليك عقبالك
رفع عمار يدينه باستسلام : انا مسلم حالي اذا لقيت الي كاتبها الله لي مابقول لا لكن لو انك دورت لك وحده واعرست معاهم يالاصدقاء
ضحك يزن بخفه : لا لا انا ماودي ابد بهتم بشغلي تو ما اكتفيت من الخبرات
عمار ضربه بكتفه : اعذار اعذار لو انها تجيك وكاتبه الله لك بتترك كل شي لاجلها
يزن ميل راسه : ترى ماني مثلهم عندي اهداف بحققها
دخل محمد وبسخريه : اتوقع بتصير ركلات ترجيح
ضحك جاسم : يزن اشوف فيك يوم يالله انه قريب
ام جاسم تبسمت : اتركوا ولدي يزن براحته لين نشوفكم مع حريكم طيبين
يزن قرب منها وسلم عليها : وانتي الصادقه ترى تلاقيهم بكره متهاوشين مع البزران
قرب عمار وسلم على ام جاسم : النصيب مايخيب لو جاك نصيبك ماتقدر تهرب منه
ام جاسم تبسمت وعيونها عليهم : ربي يحفظكم ويسعدكم دنيا واخره ياعيالي انا بروح للبنات وانتظركم
راحت ام جاسم للقاعه وقعد الخمسه يضحكون
جاسم غمز لخالد وهمس له : وش عندك فيك شي
شتت خالد نظره وتبسم : لا ابد لكن حاسس بشي مو زين
قرب منه جاسم يعد له غترته ويهمس : اترك عنك الوساويس وخلنا ننبسط ومايصير شي
محمد حشر حاله بينهم وبفضول : وش تتهامسون
يزن رفع حاجب : والله انت فضولي واهم قليلين حياء يتهامسون بيننا
ضحك عمار : والله انت الي باين حاقد عليهم لاجل حريمهم مطفشينك
وبين ضحكاتهم اقتحم المكان بطوله وعرض اكتافه وملامحه الحاده الي مر عليها الزمن ولحيته البيضاء
وبصوت خشن حاد : ماتستحي على وجهك تسوي سواتك بدون علمي ياقليل الحياء
ناظروه الخمسه باختلاف النظره ونطق محمد بسخريه : الناس تسلم بالاول ياعمي
يزن كتف يدينه : وش مسوي مثلاً لاجل يستحي عسى خير
ضرب الارض بعكازه الذهبي وحد عيونه : محد مضيعه عليا الا انتوا لكن ماصارت توصلونه لذي الدرجه يتزوج بدون علمي
كاظم رفع حواجبه من خلف ابوه : ولاااا صاير لها شهر واكثر بنت السكران ببيته ولا ندري اقول ياخوي ملكت عليها او اخذتها كذا من الباب
قرب محمد بسرعة البرق وعطاه كف قعده بالارض وبقوه : تحترم حالك والا اقسم بالله ادفنك بمكانك
ابو خالد صرخ بقوه : يالحيوااان تمد يدك على ولدي قدااامي واهو صادق ماقل شي بطال
يزن غمض عيونه يصبر حاله وفتحهم : انت متاكد انك ابو خالد او ابو عيال ساره بس تشكك بولدك كانك ماتعرفه
قرب ابو خالد من خالد بحده : ولدي يسوي ذي السواي ومايكلمني وليتها تستاهل الا بنت سكران ماندري شريفه
قاطعه خالد بحده ومن بين اسنانه : تراني ساكت للحين احترام انك ابوي لكن تغلط بحرمتي ماني بساكت لك وزوجتي اشرف من الي عندك واذا تبي اطلع لك كل الاوراق واحطها على المكشوف وقتها حاول تداري على حرمتك ياااا ابووي
رفع ابو خالد يده يعطي خالد كف لكن يد جاسم كانت اسرع ومسك يده بالهواء وبصوت ثابت قوي : احترمتك لكن مايفيد عديت لك اشياء كثيييره من زمان وانت باقي على حالك لكن تتمادى وتمد يدك على خالد ولدي بالاحرى بتلاقيني بوجهك خالد صحيح اصغر مني بسنه لكن انا اهتميت له بمرضه ولعبه واكله خالد عاش عندي ببيتي وكانت امي له ام الحين جاي تحاسبه لو انك صحيح اب كان مارميته وراك بعمر صغير وتزوجت ونسيت ان عندك ولد اصلاً والحين الحين تطلع من قدامي احسن ماتطلع شياطيني وخذ الزباله حقتك معاك
احمرت عيون ابو خالد وشد يده من قبضة جاسم ومن ثم ناظر خالد بقهر وراح وكاظم يجري وراه
محمد ضحك من قلب وعمار يناظره مستغرب ويزن وجاسم ابتسموا له
خالد رفع حاجب : والله انك بلاء احد يضحك بذي المواقف
محمد اخذ نفس عميق يسكت : لا بس تخيلت ابوك متزوج امي
رد محمد يضحك وضحك خالد معه والاثنين مدركين المصايب الي عندهم وفاهمين بعض
ضحك جاسم ويزن بخفه وتبسم عمار وعيونه تتاملهم وفعلاً يحسدهم على صداقتهم ومتمني لو انه تعلق بجاسم من الطفوله وصار صديق لهم