انت بداية حضي الجميل

الفصل ( الرابع ) القاء الاول

كوثر فكرت اهواي بالموضوع من جهة اكول
مستحيل اسوي هيج شي مستحيل احبل أو بعدين
انطي ابني مستحيل ابيع ابني علمود الفلوس
أو من جهة ثانية اكول اشلون اعوف ابوي ايموت كدام عيني أو انا بيدي الحل
ضليت واكفة يم ابوي وعاينلة ابوي حبيبي
ورة شوي اجة الدكتور

كوثر _ دكتور نكدر انطلع ابوي هسة لو وضعة ما يسمح

الدكتور _ اتكدرون اطلعونة بس لا تنسؤن لازم اتسؤؤن العملية باقرب وقت

كوثر _ ان شاء الله دكتور

رجعنة للبيت أو اتخذت قراري وتصلت على دنيا

كوثر _ الووو دنيا

دنيا _ هلا كوثر شلونة ابوج

كوثر_ الحمدلله طلعنا هسة

دنيا _ الحمد لله على سلامته أو انتي شنو قرارج

كوثر _ مجبورة اقبل علمود ابوي

دنيا _ كللللللللللللوش

كوثر_ على شنو هاي الهلاهل

دنيا _ ولج اجتج فرصة العمر بلكي من يعقد عليج
هاذة الولد ويشوفج حلوة وحبابة ايقرر يتزوجج زواج حقيقي لو صار زواجكم صدك
كولي انفتحتلج ابواب الحض كله

كوثر _ ولج يا حض هو المثلي عده حض

دنيا _ دبسج بس بعد اشوي تعاي للمركز
بس رحمة الوالديج حفي شاربج لن شواربج أطول من شوارب جدي صايرات أو حطي شوي مكياج خوش

كوثر _ انتي والله بطرانة

دنيا _ ابكيفج بس من توصلين وتشوفين الولد اشكد حلو بذيج الساعة راح تتندمين راح اتكولين كون شوي امرتبة شكلي

كوثر _ كافي كافييي افتهمت يا الله باي

كوثر باوعت على روحي بالمراية صدك صايرة كلش امبهذلة أو ما مهتمة بنفسي كلش
رحت المرت اخوي ماهر أو حفتني بسرعة
كلت الاهلي اريد اروح اشوف صديقتي مريضة أو قبل ما اطلع حطيت مكياج خفيف
أو طلعت كيكة

وصلت للمركز اول ما وصلت اتصلت على دنيا

كوثر _ الووو دنيا اكلج انا وصلت

دنيا _ أوك حبيبتي انتضريني بالحديقة مال مركز
شوي أو اجيچ

دنيا _ أستاذ اتفضل اوياي البنية موجودة بالحديقة

شاهين رحت وية السكرتيرة للحديقة أو ما وصلنة
السكرتيرة اشرت عليه باوعت لكيت ابنية طويلة وتارسة لابسة كاب أسود أو شال اسود أو شايلة
عيون الله أو اكبر شوسعهن حلوة كلش أو بعدهي اصغيرة من شفته تفاجئت ليش ابنية حلوة وصغيرة هيج اتسؤي

كوثر شفت دنيا اجت أو وياه شاب انيق ومرتب أو شخصية مثل ما كالت فلك الصابني أو انا جاية بهاي الجبة السودة والشال الاسود ليشوفني ايكول ارملة