الرماح: عمـج سلطان وسلمان حاولو هواية
يساعدونة بـس ماكدرو؛ وضعة صعب.!!
خليت أديه اثنيهن على حلكي
أسيطر على رجفة فگـي.!! أكتم غصتي.!!
أكتم صوت شهگات الرجفن كل طولـي.!!
فكـرة عمي ظافر يسوي هيج عقلي رافضها؛
مُستحيل أصدك أكيـد صاير شي أكبـر.!!
مُرجان: مظلوم والله مظلوم.!! عمو ظافر مايسويها.
درت وجهـي أريد اطلع من يمة هوى الغرفة
صار أغلال على رگبتـي خنكني.؛
تمشيت بخطوات سريعة وهو يصيح وراية
الرماح: راح أنفذلج كلشي تطلبينة غير هذا الطلب مُرجان.
رغـم صدمتـي وحزني وهو فكـر بمصلحتة.!!!
وفكرت بلحظتها أحاول أتناسى حزني
وأستغل الموقف وأفكر بمصلحتي.؛
دخلت غرفة غفـار ومتجاهلة كل الموجودين
يمة.؛ عيني مركزة بـس عليه وأحجي بغصة
مُرجان: كنت تُعرف بالسجن مـو؟!
هـز راسة بأيجابية وطلب مـن الموجودين يطلعون
أشرلي أتقرب منه وطلع لزگة جـرح قدملياها
غفـار: عالجيني حتـى أكدر أخذ حقكم.
كعدت كدامة ماخذتها منه وأفتح بيها
أديه يرعشن بقوة ودموعي صارت تطايح بحضني
مُرجان: هو السبب مـو؟! الرماح؟!
غفـار: سلطان السبب والبقية عدهم علم.؛
لا تصدكين اللي يكلج حاولو يساعدونة
والحقيقة هم اللي طيحو.
عصرت أيدة بقوة ودنگت راسي
ما مسموع منـي بس صـوت ونيني
غفـار: ما ناوية ترحمينهم مـو؟!
هزيت راسـي بأيجابية
مُستحيل أسكت عن حق عمي ظافر.؛
سحب أيدة منـي وطلع قطعة قماش صغيرة
مـن جيبة وصار يمسح بدموعي بهـدوء
غفـار: وانا هم ما ناوي وحگ سبع الگنطرة.؛
خلي أيدج بأيـدي وخلينا نحرگهم ، نسحكهم سحگ.
مُرجان: شلون عرفـو بينة؟! روكان كللهم؟!
غفـار: لا وروح الخليل مو هـــو ،
وما أعـرفن لحـد هاي اللحظة شلون وصلهم خبرجن،
بـس راح أعـرف أول وتالي راح أعـرف.
مهما أوصف شعوري بهذهِ اللحظة راح يكون قليل،
أحـس العالم أنتهى عند هذهِ اللحظات،
أستصعبت عمي ظافر يصيبة أذى بسببنة.!!
خلص عمـرة كله تعب بتعب وما مرتاح وهسه
كانت الخاتمة بالسجـن.!!!
أجتاحني شعـور الضعف والعجز
أنهاريت فقدت السيطرة على نفسي
صرت أبجي بهسترية وأضغط على أديه بأظافري
أريـد أحـس بألم جسدي بدل روحـي
مُرجان: صرت أهجس الموت قريب مني.؛
ما أكـدر أتحمل أكثر من هيج والله ما أكـدر.
ŞİMDİ OKUDUĞUN
أغلال المرجان (غَـربيب)
Aksiyon• حقيقة.!!! يتشاءمون بالغُراب إِذا نعق ويتشاءمون من الغربيب إذا زهقّ بـكّرَ بُـكُورَ الغُـرابِ أذا تَـوهَق ماكـر وحـذر، شـرس، وسـفاحٌ جاء لِيشرق ويغرب في أفق منزل الرماح ذكي مُحتال يوهمهم نَدِيّ جسمهُ ماء بينما كان غربيب لا تُرى عليه أثر الدماء •...
Part 13 || خطيئة
En başından başla
