أخذه قوي تركه ضعيف

Part 41

- سيف نزلني بعيد خاف احد يشوفني واني نازلة من سيارتك
- لتخافين واني موجود
وصلنا يم الباب
-احبك بيباي
- باي
دخلت للبيت
- هلة هلة صايرة كلة بدون متنطين خبر اطلعين شنو ايفين
- ماما حبيبتي ماماتي لتضوجوين لتعصبين خاف اتصير عدج تجاعيد
- ولج مدا اشاقة
- ماما والله جنت شوية ضايجة رحت لبيتها هسة من بعدة
- حتى لو جيرانا المفروض اتكوليلي
- امرج على راسي انتي وكلامج بس باعي من العصبية شوفي شوفي التجاعيد هسة اذا يخطبو

ني يشوفون امي مليانة تجاعيد ويعوفوني
- حاصللهم وبعدين شنو خطوبة ما خطوبة جنج نايمة على شغلة تعاي تعاي كليلي
- هههههههههه ماكو شي استريحي حروح ابدل وارتاح بيباي
- ماشي عيني روحي وسلميلي على خطيبج
-هههههههههه
طبيت للغرفة وسديت الباب
دكيت طول مجاوب رجعت دكيت
-شبسرعة اشتاقيتيلي
- ليش مجاوبت بسرعة منو بصفك
-جنت ادور سماعة لان دا اسوق
- ها اي ماشي اعبرها هلمرة
- لج
-سيوفي باجر شحتلبس
- شهل سوال
-دحجي
- ما ادري

-بالليل من اتحضر ملابسك دزلي
- شنو جوة راسج
-ماكو بس اريد اللبس مثلك ميصير كلش عاجبتني الفكرة من زمان
-صدك زعطوطة امشي منا
- شنو انت مو كلت عادي هاهية نكدر نحجي براحتنا
- ايفين بطلي هلسوالف خلي اروح
- دربالك على نفسك
- وانتي هم
-ماشي من انزل للمطبخ حلبس خوذة
-امشي ولي مو صوجج
-هههههههههه بيبايييي
-بايي

-خبلة والله
دك التلفون
- شتريد
فتحت المكالمة
- شتريدين ولج
- هاي هيج تستقبل اختك الي صالك كومة ناسيها
- حبيبتي شلونج
- زين اذكرت
- ولج احجي
- الحمدلله الحمدلله
-بعد اسبوع مو ؟
- اييي
-الله يعديها على خير لتخافين اني وياج مهما تطلع النتيجة لتخافين
-ادعيلي سيف
-لتخافبن فكري انو النتيجة ايجابية
-مشتاقتلك انت وخالة ويوسف وحتى حبيبتك وها كللها خلي لتشغلك عني هلاسبوع محتاجتك
- الدنيا كلها متشغلني عنج
- ما اكدر احجي اكثر بيباي
-مع السلامة
كاعدة انتضر منة رسالة
- من كل عقلج والله لو يموت محيكول شحيلبس هذا سيف ايفين الجامد سيف
رحت حضرت ملابسي اختاريت احلى شي عدي وطلعت الابتسامة مالية وجهي ومزاجي عالي كلش حتى اهلي استغربوا
اول مصعدت السيارة
- خير ولج هاي شنووو
- شنو شبيج
- شنو هلجمال والابتسامة الله يستر
- ههههههههه
دخلت للجامعة شايلة ملازمي وما اكدر اوخر الابتسامة كعدت على مسطبة
-وين السماعة
شغلت اغنية وانفصلت عن العالم جنت احرك رجلي وية الايقاع
رفعت راسي شفت واحد يحجي بس اشوف حركة حلكة مدا اعرف شديحجي نزعت السماعة
-اسفة بس مسمعت شنو
- يوه حعيد كلامي
- نعم ؟
وخرت عنة
- عجبتيني وجاي اعترف بيها شي
هذا شاردلة بلة
-جاوبي شبيج
-جاوبي جاوبي كليلة يلىىىى
-منو انت
-انت الي منو تتحرك منا لا اغير ملامح وجهك بايدي هسة
دفعة من جتفة
- شلك علاقة انت
-يابة والي خلقك اذا متروح هسة منا ادفنك ومحد يندل دربك
ضل ذاك يباوعلة
-ولييي
صوتة جان كلش عالب
سيف يحجي بعصبية واحس اعيونة دتضرب طلقات
راح الولد وهذا الشي الي يخوف حبقة وية سيف وحدنا
- انتي شنو شنو وضعج شلابسة
-سيف ممكن تهدء
-شهدئ بقيتي بيها هدوء شنو كاعدة تعرضين بجسمج انتي
باوعت بعيونة وحاولت استعطفة
-حبيبي اسفة
كعد بصفي
ضل يرفع شعرة بقوة اعتقد ديهدئ اعصابة
- هسة انروح نشتري غير ملابس
ضليت ساكتة مجاوبتة
ورة شوية لزمت ايدة
سيف -هذا مو وضع اني لازم احلة
-شنوة
- اني اعرف شلون احلة
-شلون
حجيتها بصوت ناصي
-حرجعج الي ومحد يكدر يفتح حلكة وياج وهاي الملابس متلبسيها بعد
-شنوو
باوعلي
-شنو شنو
-يعني
-يعني انو حترجعين لعصمتي زوجتي مرتي شنو الي مفهمتي من هلكلام
اابتسمت احاول اطلع كلام بس ماكو شي اكولة
- باوعيلي باوعيلي زين انتي الي مالتي وحدي اني بس اباوعلج ممنوع اي احد ثاني مفهوم ؟ جاوبي مفهوم
-مفهوم
حط ايدة على راسي
-عفية ببنيتي
وابتسم ممكن اتكون احلى ابتسامة شفتها بعمري

🎀