أخذه قوي تركه ضعيف

part 18

صوت دكة الباب
- ادخل
- سيدي سالت وماكو اي عرس او شي
- مثل متوقعت ضل راقبهم واريد تعرف الشاب الي عساس زوجها منو وابن منو ووين ساكن كل تفاصيل حياتة اريدها يمي
- امرك سيدي

- شنو صار
- هرب هو وياها
- هي زمايل حتى هيج شغلة مدبرتوها قناص وانطيتكم شنو الي مكدرتوا علي ......اطلعوليهم من جوة الكاع اني محد يتحداني افتهمتوا لو لا محد يتحداني

حنت بالبلكونة ادخن واجة يوسف علية
- ها سيف
-هلو
- منمت ؟
- لا والله منتظرها تكعد خاف تكعد واني ممموجود وتخترع
- سيف
-ها
- لا هيج يلى اني اروح انام واي شي اتريدة اعتبرة بيتك
-حبيبي تسلم
طبيت للغرفة كعدت على الكرسي الي بصفها
شفتها فتحت عيونها
ضلت تاخذ نفس وشوية اتون
- ايفين
حاولت اتكوم
- لا لتتحركين لينفتح الجرح
-شلونك
- اني شلوني
- اي
- بخير انتي الي شلونج مو اني
- القناص جان موجهة عليك
-علية
- اي عليك
- وانتي ضحيتي بروحج عمودي؟!
- اول وتالي جان كتلوني وراك سيف بس انت تكدر تحميني منهم
- عبالي حبا بية طلعت مصالح
-هههههههه اه
- لتضغطين على روحج خليج مرتاحة
- سيف اهلي تلفون حباب
- ما اكدر هسة مراقبين التلفونات اهلج يدرون بيج وياية وكتلهم فترة وارجعها لتخافين
- شلونها امي
- بخير لتخافين عليها
- الحمدلله
ضلينا ساكتين فترة
-سيف
- ها
- ملل سولفلي قصة
- شنو يا قصة
- اي شي
- انتي مو موجوعة اسكتي وكت قصص بهل ليل
-لعد اذا الليل ما بي قصص شوكت القصص
- ايفين عوفي هلسالفة
-زين غنيلي اغنية حلوة
- تمام
-او عبالي راح ترفض
- اعرفج مراح اتسكتين على الاقل الغنى اسهل
غنيتلها شفت ملامحها بيها فرحة وعبالك نست وجعها اني جنت اغني لمنى كلش هواية وجانت تزعل اذا مغنيت
- شو وكفت
- ها هه لا هيج
- حلو صوتك كلك مواهب
- اي اعرف
- شوف التواضع ههههه اه
- شبيج شنو ايدج توجعج
فزيت عليها كلشي ولا  تتاذة
- شوية من ضحكت
- اوف يمعودة كتلج لتشنجين عضلاتج ابد
-اي اي كافي رزايل

هو الواحد مريض شكو يرزل اني نايمة على بطني كلش كامت اتاذيني من هو راح مدري وين حاولت اكوم على كيفي صح اتاذيت بس احسن من انام على بطني من شافني اجة يركض
- بس حط مخدات ورة ظهري
حطلي مخدات وحاولت ما استند على جهة الضربة ولو اني احس ظهري كلة مضروب
- شكد عنودية
- اي شسوي بطني كامت توجعني
- راح اروح اغسل وابدل صيحني اذا ردتي شي
-ماشي
شوية مشة
- سيف
- ها
- لا دا اجربها بحلكي
وابتسمت
ضل يفرك بلحيتة وراح
احب من انرفزة او اضوجة  راح استغل مرضي ميكدر يسويلي شي
ههههههه
اجة امبدل بدي تعلاكة كلة رسوم وعضلات ايدة امبينة وبرمودة هم جييرة عبالك رايح يعرض ازياء مشلت عيني من علي
- اعوذ بالله شبيج صفنتي علية
- شكو مصلخ وبعدين ليش جاي على الجرباية
- ها شنو شو كعدت على الجرباية
- شو نمت
- ايفين تعبان اريد انام
- ليش يمي كوم على الكرويتة
- عادي انام يم مرتي شكو بيها
شنو
شنو مرتة منو اني
- اني
- اكو احد  بالغرفة غيرج 
كام جاب ورقة وانطانياها
- هذا عقد محكمة تذكرين من كلتيلي ازوجني اول مرة واحتفيت الصبح جنت دا اسوي بي يلفهيمة
- ها
- شنو ها
ضليت صافنة بوجهة وهو نام بس بقة ضوة التيبلام مفتوح 
يعني شلون شنو هسة اني زوجتة يعني
ضليت اباوع على وجهة
ما اعرف شكد مر وكت واني اباوع علي وعلى ملامحة وهدوئة  وهو نايم

طفت الكهرباء
والدنيا صارت ظلمة كلش كلشي مدا اشوف
بدت مخاوفي ضحكت على روحي مريت بكومة مصايب بس خوفي للظلمة بعدة موجود

لزمت ايدة ما اعرف ليش ارتاح واطمن من اعرف هو موجود يمي وحوالية  حسيت بي ضغط على ايدي
همست
- كاعد
- من لزمتيني
- ارجع نام اسفة
وخرت ايدي بس هو جرها ولزمها قوي 
مر وقت واني افكر بكل الي ديصير ما اعرف المستقبل شنو ضاملي ما اعرف شنو الي راح يصير حياتي بغمضة عين اختلفت ١٨٠ درجة
شلون راح تنحل دا احسها متنحل الة بموتي مثل منى متنحل الة هيج
ما اتوقع جانوا متقصدين سيف من جانوا يقنصون يمكن خطاء ورادوا يصلحوا واني صلحتة الهم
بس لو هو الي مضروب جان اني ميتة جنت ما اخاف من الموت بس من شفت هذا الالم لا الموت كلش مرعب  شي كلش ياذي
اني اريد اعيش اريد احب واتزوج واعيش وية اهلي اريد اكمل دراستي ما اريد اموت
سيف لتعوفني وحدي لتتركني راح اسوي المستحيل حتى اعيش و ما اخليك السبب بموتي على الاقل

- ايفين ايفين
فتحت عيني جان كاعد بصفي بس وجهة مقابيلي
ابتسمت الة
-صباح الخير
- صباح النور
- شلون جرحج
- شوية ياذيني بس النومة كسرتني
- اي لان نايمة وانتي كاعدة يلى ميخالف فترة واتمر خلي انظفلج الجرح حتى نتريك وبعدين اعرفج على ناس يخبلون
- ماشي
- يلى انكلبي على بطنج نامي
سويت مثل مكال

من كعدت شفتها مايلة على جهتي وايدها بايدي لازمتها قوي هاي النومة صالي كومة منايمها ممرتاح هيج راحة جانت منى دائما متخليني انام ليلي كلة احلام ونهاري شعور الذنب
من اجتي هلمصيبة بحياتي نهاري افكر شلون انقذها وليلي نوم 
مثل البشر
منى خاف انتي دازتها علية ابتسمت على تفكيري وكمت طلعت من الغرفة
شفتها واكفة على السنك حضنتها بكل قوتي
- هاي بعدج كصيرة
- ولك انت والله متستحي
- ههههههههه شلونج
صلت تصرب بية
- من البارحة انت هنا ومتسلم علية عود اني مثل امك وخابصني حجية وحجية
- اه اه والله تعبان  اوكفي لتضربين
- وانوبة شنو جايب مرة وياك ومتزوج ها ولك ها
- مفهمج يوسف
- اهوووف لا فهمني الله يعينك ويعينها 
ام يوسف اتصير خالتي اخت امي اختي جانت متربية عدهم بس ابوية كطعني عنهم كلش بالصدفة شفت يوسف بالكلية ويايةورجعت علاقتي مثل قبل هو مثل عمري بس هو مرحلة رابعة لان اني تركت سنتين
- اريد اتسويلي ريوك لشخصين من ايدج الطيبة
- ليش يمة مرتك وين ليش متطلع مكسرة
- اي مصاوبة
- يمة اسم الله
- اي سويلي وهلي يوسف يفهمج اني راح اروح انظفلها الجروح
رجعت للغرفة شفتها نامت على بطنها مثل مكلتها
- ليش طولت ما اكدر انام على بطني تكوم توجعني
-اجيت اجيت
كصيت التيشرت مالتها وطلعت ظهرها شلت اللزكة على كيفي شفتها لازمة بالجرجف قوي معناه دتاذة بديت انظف الجرح شوية نازف لان متحركة هواية
رجعت حطيتلها لزكة وغطيت الجرح زين
- يلى على كيفج كومي البارحة لان ضاغطة على روحج نازف شوية 
كعدتها ورحت جبت الصينية ورجعت حطيتها على رجلها
- اكو مرة بالبيت
- اي
- امبين شوف اللفات شلون مرتبة واتشهي
- ليش اكلي جان محلو
- لا لا هم طيب وحلو

ورة مكملت اكل شلت الصينية رجعتها
- خالة تعاي حتى تتعرفين عليها
- ماشي اي اجيت
طبيت وهي طبت وراية شفتها راسا بدت اتعدل بشعرها عبالك جايبلها رجال
- بسم الله ما شاء الله شنو هلجمال
ابتسمتلها ابتسامة ماشايفها على وجها قبل خالتي ما قصرت بوس واحضان