ادمنتها

الجزء السادس عشر

فرح حاولت تغير الموضوع. محمد باع شكد حلو الزرع اريد نسوي حديقه بالطرمه نجيب زرع وهيج نتسلى بيهن وهم مرجوحه نخلي ليش هيج تراب ومتروك موحلو حتى واجهيه البيت
.
محمد. هههههههههههه شكد حيوانه انتي عود غيرتي الموضوع
.
فرح. محمد اني احبك واريدك دايما كدامي ويمي والوقت الي انت موموجود بي اظل انتظرك ع اعصابي او اذكر مواقفنا سوا وهيج بس اني استحي اعبر وهم ماعرف غير ادلع عليك وكذا مثل البنات هههه
.
محمد. صدقه للبنات غير كلهن جوا نعالج
.
فرح. استقر
.
محمد. ها موجنه حلوين
.
فرح. هو لازم احد يخربها لو اني لو انت
.
و وراهه رجعو واستلموهم نصبو عليهم طبعا فرح يم البنات عادي تشاقه بس يم النسوان والزلم تستحي
.
خلصو اليومين حيل تونسو احسن من ام محمد الي مطينه عيشتهم متخلي حتى يباوعلها كله بالبوكه
حقها اذا هو يحارش بيهن و يطوخها بالشقه ف تخاف منه

مرت الايام وصارن ٦ شهور يعني عدت ٣شهور وقبلها كلنه ٣ لهنا محمد وصل حده راح حاجى خواله وراحو لامه وحاولو يقنعوهه
بس امه جانت رافضه رفض تااام

محمد ثاني يوم هم كللهم تعالو ميخالف حاولو بزعت وعيب هم البنيه ابيتنا هم يطلع حجي اشكال الوان ويوميه بليل اجتمااعات هو وفرح ويخططون وهيج

المهم جوي ثاني يوم وهم قافله معنده و محمد كوه قنع خواله عاليوم الثالث كللهم اخر فرصه لان طالت وموحلوه من تطول وصار ملل وطكت روحهم

وجان يجون ثالث يوم وقنعوهه واخيراااااا كلولولوش
بس جان الها شرط ان يروحون هو وامه لعمامه ويسترخصون ووافق

ثاني يوم من الصبح اخذ فرح ذبها يم خواله واخذ امه وراح استرخص منهم وتعذر وحجالهم الوضهطع وقبلو ورجع
الميت يكطع بروحه مو ذاك الحزن و لا كأنو ما ظل حزن مثل قبل صارت العالم تموت بالجمله
قبل كل وين ووين يموت شايب كركمه حتى المنطقه تحزن هسه كل سنه يموت بكل بيت ٢لو٣
المهم رجعو والطريق كله اغاني وركص ويطك اصبعتين فرحان والبنات مسويات اجواء لفرح بينهن بالغرفه اغاني وركص ويخططن شيسون فقرات وهيج
جان يوم حلو واخيرا
.
وصل محمد لبيت خاله بليل لان تعرفون عمامه بغير مخافظه
ولكى الكل ينتظرونهم
وفات كرار والولد متفقين من فاتو الباب شغلو ديجي اغاني ويطشون جكليت وشبعو ركص وشالو ويهوسون ويدبجون

والنسوان يهوسن وياهم عالواهس والبنات يصفكن وفرح لازمتها ندى وميتات ضحك جان شي فوق الوصف فرح تكول ملشي بكوم وهاليوم بكوم

جان يوم حلو الله يديم هالفرحه والمحبه حتى رانيا تصفك وفرحانه وجتي ع فرح بوستها وتصفك بما في معناه انو فرحانتلج وانسي الفات فرح راسا شبكتهه وباستها

ظلو هيج من فاتو ب١١ ونص لل١ وكلولهم كفو كافي
كرار كال
.
كرار.  والله منا للعرس يوميه نسوي بليل حنه وفنه الي يحاجيني جبير صغير من رخصة خوالي الغوالي والله لو تطردوني بالشارع هم اشغل بالشارع واردح
.
ابو كرار. يمعود بس اهدا والله خبله تعالو كلكم امشو وياي يول باجر نجي لا اله هسه هذا الغالي. مبارك عليك حمودي تستاهل
.
محمد. مشكورين والله فرحتوني متدرون شكد بوكفتكم وياي
صدك الخال والد رحت لعمامي كوه يحجون عبالك كاتل ابوهم صدك الله عوضني بيكم الله يخليكم فوك راسي خيمه وذخر
.
ام محمد. هسه امشو ننام تعبانه حيل من الدرب وباجر عود كملو
.
لملمو وكلمن راح لفراشه
.
محمد دك ع فرح بس فرح مكدرت ترد حيل مستحيه وتحس متكدر تحجي ويا دزلها رساله
.
محمد. ها ياروح محمد وينج
.
فرح. موجوده
.
محمد. ليش مرديتي لعد ح اتصل
اتصل ورفضته
محمد. شبيج؟
.
فرح. اكتب احسن
.
محمد. لا اريد اسمع صوتج مشتاك
.
فرح. مااكدر
.
محمد. ليش بله
.
فرح 🙄🫣
.
محمد. يمه صدقه للخجلان واني عبالي نطلع برا نتعلل سوا
.
فرح. لا نام ماتعبان
.
محمد. منتهي من التعب بس مشتاك وماريد يعدي يوم مشبعان منج بي
.
فرح. لا روح نام اني هم تعبانه نعسانه حيل
.
محمد. احبج
.
فرح. ا
ح
.
محمد. كملي كملي
.
فرح. لتقاطعني
بلشت تكتب حروف بين كل حرف وحرف دقيقه
.
فرح. ا
ح
وتاخرت مكتبت
.
محمد. دكملي شبيج بس لا غفيتي
.
فرح. من تقاطعني اعيد من الاول
.
محمد. امري ل الله يلا حصبر حتى اسمعهه هاي اول مره تكوليها خلي بالج
.
فرح. أ
ح
ل
ا
م
س
ع
ي
د
ه
.
محمد.  هههههههههههه 😂يا حيوانه يا نذله .
فرح. احبك ❤
.
محمد. ولي خليني احضن المخده واتونس بيهه باي احبج ❤
.
فرح هم سدت الفون حضنت المخده ونامت
.
ثاني يوم كعدو ونزلو تريكو سوا وجانت اللمه تجنن ويوم حيل حلو
كعد عالطاوله كدام فرح وكل شوي يدفر رجلهه وتخزره بعينه متعصبه بس جذابه تلملم بحلكها تضم ضحكتها و هو كل شوي يغمزلها لو يذب سالفه محمد حيل تغيررررر هو لو يشوف نفسه

قبل ليعرف فرح وبعد ميصدك هيج صار يشاقه ويضحك اصلا هو حاجبه معكود بكد ممخنزر وضايج وميتحاجى وحتى البنات ميندك بيهن من هو وصغير انطوائي وغامض وقليلين الي يسولف ويضحك وياهم بس خلاص

ودع الحزن وقرر يبدي حياته الجديده بحب وضحك ويعوض نفسه ويعوض فرح لان اثنينهم الي شافو مو شويه وناوي ميخليها تشوف الحزن والزعل وايامهم كلها حب وسعاده
.
ورا مكملو الاكل واكيييييد وكعن المواعين براس البنات راحن لملمن اجه محمد الثاني لابو محمود وفتح ويا موضوعه هو وندى كال مدام الاجواء فرحه والكل مرتاح ويضحك وكاله
.
ابو محمود. انه مابيدي شي كله بيد اهلها بس انه احجيلك وياهم وان شاءالله خير
.
محمد٢ مكدر يلح بالموضوع شاف ابو محمود سدهه وسكت ورجع لمكانه 
.
البنات ينضفن ويحجن شلبس وشنسوي وفرح بلشي خططي ويرادلج فره طويله للسوك والمزوجه تعلمها شجيب شنو تحتاج ووووو بلشن بهوسه السوك والخطط والقاعه ووووو وفرح دايخه وحايره

بس لا محمد ميقبل قاعه او يكلها مختصر او يكلهه باجر العرس تدري مخبل كلشي تتوقع منه وبلش الخوف من العرس والوراه وووووو ف جانت فرح دايخه بدوامه وتريد بس ترجع للبيت حتى يصفى بالها وترتب وضعهه بس طلبت من ندى تبقى يمهه هالفتره كلتلها
.
ندى. خاف اهلنه ميقبلون
.
فرح. هسه اكول لخاله تككول لامج مااعتقد ترفض تساعديني حبابه انتي مثل اختي