اخر نساء العالمين

Part 14

مدنى بضحك: انت بتقول فيها... غلبنا فيها يا بني والله بس هنقول اي  هي كده

ابتسم بحب لمدني ومن ثم مال برأسه على هبه التي كانت تجلس بجواره وقال بعبث: غيرانه يا بيبه

هبه بتلعثم فقد لاحظ نظرات الغيره في عينيها التي كانت تتابعه وهو يتحدث اليهم: لا هغير لي

عدل من وضعه وهو يبتسم بتلاعب ومن ثم امسك يدها ووقفوا سويا وقال بحب صادق: والله قعدتكوا مش بعرف اشبع منها.... بس لازم اروح مفيش هنا شبكه وزمان يونس قالب الدنيا علينا

ام سلوى: بس هتيجي تاني... مش هتغيب علينا يا حسام

حسام بإبتسامه: مقدرش.... توجه للفتيات وهو يتحدث بصدق: اي حاجه تعوزوها تتصلوا عليا مش لازم انا اللي اتصل واسأل يعني ولا اي

امئوا له براحه فهذا الشاب دائما ما يشعرهم ان لديهم سند في هذه الحياه لطالما كان حنونا متفهما ومرحا ومحبا لهذه العائله البسيطه ويقدم الكثير والكثير وهم لا يستطيعون توفية هذا ولكنهم سعداء.... وبعد وداع طال قليلا واخيرا يسيرون بجانب بعضهم في الشارع متجهيين للمنزل... نظر لها بتلاعب وهو يعبث بيدها التي لازال يمسك بقوه

حسام بغمزه: مش غيرانه ها

هبه بإحراج: خلاص بقا... انت ما بتصدق بجد

حسام بضحك: بصراحه اه

هبه بفضول: حسام... هو انا ممكن اسألك سؤال

انحنى نحوها وهو يضرب مقدم رأسه في مقدمة رأسها بطريقه لطيفه: ممكن اوي

شعرت بالخجل من قربه فهذا اليوم قد غير كثيرا وكُسرت الكثير من الحواجز بينهم... ثم قالت بتوتر: هو انت مكمل معايا لي

حسام بصدمه فلم يتوقع ابدا هذا السؤال: يعني اي؟

هبه بتلعثم: يعني لي احنا لحد دلوقتي متجوزين... ثم اكملت بإحراج: مع انه يعني محصلش بينا حاجه ولا في سبب يخلينا نكمل... لي مكمل

اخذ نفس عميق وهو ينظر بتدقيق: علشان....

قاطعة رنين الهاتف فزفرت هي بضيق: ايوه يا مصطفى

حسام بقلق: طب اهدى... انتو فين دلوقتي انا جاي حالا اهم حاجه اوعى تخليه يأذي حد انا جاي

هبه بقلق: في اي يا حسام

امسكها حسام وهو يركض في اتجاه المنزل: زهره معاها مشكله في الجامعه وواضح ان يونس مش هيعديها على خير..... اطلعي فوق يا هبه ومتروحيش في حته ولا تفتحي لحد ما اجي فاهمه

هزت رأسها له وهي في صدمه وخوف ان يصيب احدهم مكروه اما حسام فأستقل سيارته وذهب سريعا نحو مكانهم..........

**********************************

في الجامعه

كانت زهره تسير بجوار منى متجههين نحو الباب الرئيسي حيث انتهوا من أداء الامتحان ويهمون بالرحيل ولكن قاطعهم صوت احد زملائهم وهو يسير خلفهم ويقصد زهره بالحديث