" سـأضـل احـبـك
واستـودعتـك الله كُـل حيـن
وإن لم احـدثك فـلن
أتوقـف مّـن مـحادثـة الله عـنـك
سـأعتـني بّـك
بدعـائي وصـلاتـي
فسبـحـان مـن رزق حـبك بـداخلي
.💙💙💙💙💙💙💙💙💙💙.
ـــــــــ
صباح جديد صباح يوم الجمعة تحديداً بالديرة بيت ابو الهنوف الحنون والعصبي بنفس الوقت لعياله وبناته عند مُحبة النوم بعد سهر طويل على الرسم نطت من سريرها منفجعه مسحت المويه اللي مبلله كامل جسمها وعيونها ورفعت نظرها: يبه الله يهداك ليش تسوي كذا ؟
ابو الهنوف وهو يضحك : قومي قومي اليوم جمعه ما يصير تأخير الصلاه قومي صلي ما بقى الا انتي نايمه
ساره وهي تميل رأسها: من عيوني
طلع ابو الهنوف وهو مبتسم وصادف عياله الا لأول مره يصحون بدري ونطق: الشمس من وين طالعه اليوم يأم الهنوف ؟
ام الهنوف وهي مبتسمه: تربيتي بسم الله عليهم تعالوا احصنكم
مشاري ونايف اللي ضحكوا مع بعض لأنهم أصلا ما ناموا وتو راجعين البيت بكشختهم
نايف وهو يحاوط كتوف امه: حبيبتي امي حصنيني
مشاري : يبه بعد الفطور بريح شوي عشان اصحى لصلاة الجمعه بدري
نايف وهو مصدوم من كذب مشاري: يبه وانا
ابو الهنوف ضحك: ماش انتم انتم ما تغيرتوا وطلع....
ام الهنوف لفت لعيالها: ترا اعرف ما رجعتوا البيت أمس مع من كنتم ؟
نايف : احبش يا اطلق أم
مشاري : يمه تكفين لا تقولين لابوي
والبزر ذا خليه ينام بدري لا يروح معي هو اللي بيفضحني
ام الهنوف: ما بقول شيء له وين كنتم ؟ ومع من؟
نايف : مع محمد وطلال وتركي
مشاري : طلعنا نتمشى شوي مع ياسر
نايف : عشان كذا طولنا طلعنا المدينه...
ام الهنوف: الله يهديكم بس
.................................
بنفس الديرة مكان مو بعيد عن بيت ابو الهنوف بيت الجده القريب من بيت ولدها الأكبر متعب ( ابو الهنوف)
العمه الصغيره عواطف وهي واقفه ومتكتفه وتدق برجلها بالأرض : خير ؟
محمد : خير انتي ابعدي بدخل الغرفه بصلي وانام
طلال : عطوفي ابعدي مو بزران ياخي استحي شوي كبرنا ترا شوي والا وقدنا شيبان
محمد : بعدين ترا هو أكبر منك وما طلعنا الا مع عيال إخوانك ورجعنا الي يشوفك يقول مسافرين
عواطف : أولا ما بقول لأمي ثانياً ما همني ولا لي شغل فيكم ثالثا كنت بوصيكم أغراض للبيت
بس ولفت نظرها لطلال وبغضب: ولا عاد تدلعني عطوفي ما احبه ذا الدلع فاهم؟
طلال وهو يبوس رأسها: ابشري من عيوني ما طلبتي شيء
عواطف ابتسمت: يلا افطروا وناموا قبل الصلاه عشان ترتاحون
محمد اللي ما خلها تكمل ولا سمع لها فتح الغرفه ودخل ...
صباحاً الساعة 3:32 يوم الجمعة بالضبط:
: ولد ابوي قفل الباب كيف ندخل
: كله منك
: على تبن ،تلثم بشماغه ولف لأخوه ونطق : بننط الجدار معي ؟
مشعل وهو يتلثم بعد : تم
نطو : امش زي سندريلا بشويش على رأس اصابعك لا تفضحنا
عقاب: تكفى اكرمني بسكوتك وبعدين كأنك تعرف سندريلا عاد خف علينا
مشعل: اجحد اجحد وانا اخوك لولاي ما شفت حمارك
عقاب بحده: إسمه الادهم مو حمار انت الحمار
مشعل : اقول لا يكثر ودخلني بنااام
عقاب وهو يضربه ويركض للباب الخلفي للمطبخ عشان يدخل البيت مشعل: مدري مين الأكبر والله
.."نـرجـع لـحـاضـرنـا"..
ابو سلطان: عيااال ولد انت وياه عقيييب
وهو يضرب بالعصا رجل هادي: هاااادي هادي قم صمخ انت وياه ما تسمع قومووو
مشعل وهو يرجع لحافه عليه: نعم
ابو سلطان بدأ يضربهم بالعصا: نعامة ترفسك صلاااه قم انت وياه مدري متى بتتعدلون
عقاب اللي فز وركض من الباب ولحقه مشعل على طول لفوق وطاح ابو سلطان ضرب في هادي اللي طلع يعرج
هادي : حسيبكم ربي انت وياه طاحت برأسي
عقاب وهو يلف فروته عليه : الحقنا المسجد وانت منطم اكبر منك صدق بزر
مشعل : رح رح ليرجع عليك ابوي بس
طلعوا عيال ابو سلطان للمسجد وبعد الصلاه
ابو ياسر: كيف حالك يعم فيصل ؟
ابو سلطان: الحمدلله نحمد الله ونشكره
ابو ياسر: هاه كيف المدينه تعودت ولا على قرارك الأول!
ابو سلطان: لا لا ما ادانيها يابوك بنرجع اليوم أن شاء الله بعد العصر
مشعل اللي كان جالس بجنب ابوه ويشرب مويه شرق : بسم الله الرحمن الرحيم متى ؟
ابو سلطان وهو يضرب ظهره بقوة : صحه صحه قم اذا خلصت صلاتك يامشعل قم
وكان هذا تهديد لمشعل من وراء التريلات مثل ما قال عقاب اللي نطق بعد ابوه بهمس : تهديد من وراء التريلات ههه
هادي اللي كان يصلي ويدعي أنه ما يضحك بالصلاه عشان ما يتوطى ابوه ببطنه ويكسر باقي عظامه
___________________________________
مر يوم عادي جدا يوم بسيط وبدون اي حدث مهم :
ببيت ابو سلطان بالرياض الكل يركب الاغراض بالسياره متجهين للديرة ديرة الأحباب ديرة طفولة كل من أبطالنا اللي الكل اتفق على حبها واجواها ديرة __نـجـد__ .
مشاري ومحمد يمشون راجعين للبيت اللي بيت الجده وعيالها مقابل وجنب بعض بالضبط ... مشاري: هذا مو هادي؟
محمد: الا والله هادي بن فيصل ماغيره
مشاري : مو نقلوا
محمد بابتسامه عريضه: ايه ايه رجعوا الحمدلله
مشاري: الله يشفيك امش امش وبعدين تراك واضح
محمد لف عليه واختفت الابتسامه ونطق بعصبية وحده: ارفع علومك انا من المستحيلات اجي يم الحب وهالخرابيط
مشاري ضحك بصوت عالي ومشى ونطق بصوت مرتفع حتى يسمعه محمد:
ما احد جاب طاري الحب فضحت نفسك بنفسك
أنت تقرأ
ويـسألوني ليه احبك حب ما حبه بشر
Poetryروايتي الأولى كمبتدئة ✍️ اتمنى تنال إعجابكم ... دعمكم وتفاعلكم لي يحفزني ويشرفني جدآ اللهم لا تجعل رواياتي وكتاباتي تلهي عبادك عن عبادتك ⭐
