و دق قلب الحجر

الرابع والعشرون

#ودق_قلب_الحجر
#حكايات_mevo
البارت الرابع والعشرين.....دخل بدار مهتاجا يشعر بالغضب ومعه الشريط وجد شكران تجلس مطرقه وتحني راسها وتضع يدها علي قدميها .اقترب ورمي الشريط في وجهها .وصرخ .......ايه ده انطجي ايه ده بتاخدي حبوب عشان ماتحمليش مني هيا حصلت اكده .الهانم مش عايزه تخلف مني ليه بت بارم ديله تكونيش فاكره اني واجع فيكي وهموت واخلف منك .تكونيش فاكره انك خلاص طوعتيني وتعملي ما بدك لاه فوجي مش بدار اللي فيه مره تجدر عليه .انت اهنه عشان تخلفي وبس .انت اهنه عشان تعملي بيت وتجيبي عيال لو ماجبتيش يبقي مالكيش عازه. بدار يتاخدله حبوب علي اخر الزمن ايه اللي انا فيه ده. نازله رط وجرف وسبسبه وانت بتتلوني كيف الحيه وتدوري تكدبي عليا فاكراني ماهعرفش كدبك ده لحد ميته جولي لحد ميته كتي هتجعدي بلا خلف والا هطيجك من غير خلف لحد ميته.
كان يوجعها بكلماته كان غضبه وتصوره انها لا تريد منه اطفال حرق قلبه واظهر عنفوانه وتكبره ان كيف شكران لا تريد بدار رجلا لاولادها ليكمل  عليها.. بتاخدي حبوب يا شكران عشان ماتجبيش عيال مني. طب ايه جولك بقه اني مش  عايز منك عيال ولا عايزك من اساسه ولو حصل هنزله.و لو الجيامه جامت ماهعوزش منك عيال يا بت الناس ولو جه غصب هكرهه واعيشه مرار ماهو منك  يبقي خلاص اكده جصه واتجفلت ومن اهنه ورايح تاخدي الحبوب دي اني بيدي هديهالك  ليصمت اخيرا وينظر اليها وهيا لا تنطق كان يستعجب سكونها ليجدها تمسح وجهها وتقوم من سكات تتجه الا دولابها ليجدها تخرج احد الحقائب وتبدا في اخراج ملابسها بهت ورجف قلبه ذهب اليها وشدها من يدها وصرخ....... بتعملي ايه.
لتبتلع ريقها وتنظر اليها بهت من منظر عيونها كانت حمراء من كثره البكاء كان بداخلها َوجع يصرخ من داخلها هتفت.......ماشيه يا بدار مش جولتلي لا رايدني ولا رايد الجوازه هجعد ليه.
نظر اليها مصعوقا كانت هادئه لم تعطي اي رد فعل صرخ..... والله ده اللي ربنا جدرك عليه تمشي طب مانا ممكن اسيبك تمشي بسهوله هعوزك ليه.
لتبتسم بسخريه..... يبقي كتر خيرك يابن الناس.
صرخ ......انت مالك بارده اكده ليكي عين تنطجي..
هتفت.. مش جولت اللي فيها اديني همشي وهريحك خالص.
ليندفع بلا تفكير......وحجي في الجوازه اللي صرفت عليها  فين هو..
احست بلسع داخلها لتضع يدها علي قلبها فاحتمالها يمزق صدرها احس ان بها شئ اخر لتترنح اقترب منها يمسكها ابتعدت علي الفور وذهبت تجلس وظلت مطرقه والقهر ياكلها لتهتف......حجك في الجوازه اللي صرفت عليها ...... اه صوح عندك حج لازمن تاخد حجك تالت ومتلت يابن الناس ماهي دي ليله الحجوج خلاص شوف هتاخده لميته َجولي وانا تحت امرك َ وكل واحد يروح لحاله. سنه بالطول والعرض تنجضي تاخد فيه حج الجوازه وتاخد حج فلوسك   وتنبسط من اهنه لحد ما السنه تخلص اني تحت امرك يابن الناس هو من الاساس كان اتفاج واضح وصريح  بس مشي في سكه غلط واهه رجع لاصله. اطمن فلوسك ماهتروح عليك ماهتخسر في جوازتك واصل شكران بتجولك هتدفعلك حج جوزاتك تالت ومتلت ماتنجهرش اكده علي فلوسك اي وجت جتتي موجوده تخليص حج يابن الناس  .
قامت ودخلت الحمام وانفجرت في البكاء تحس ان انفاسها ستزهق منها كانت تكتم نفسها حتي لا يسمعها تريد ان تصرخ و َتصرخ كانت تنتحب في صمت.صفحه حكايات ميفو.. ........
اهو جلهالك في وشك لا رايدك ولا رايد جوازتك مش ماجبتيش عيال خلاص هيجعدك ليه هيديكي الحبوب بيده لاجل تغوري في الاخر كان عايز يربطك بعيل ولما ماحصلش خلاص ياخد حجه في الجوازه ماهو صرف وتعب لتنظر ليدها لتتذكر الاساور التي احضرها لها شعرت بلسع في يدها .خلعت الاساور من يدها بعنف لترميهم عالارض.. اشتراكي بدول عايز ياخد حجهم لتنتحب وتنتحب ..عايز حجه ابن العابد دفع عليكي كتير دفع وصرف عايز حجه يا مري يا حزنك يا شكران هتموتي مجهوره ااااه جلبي مامتحملاش الوجع ليه اكده ليه .يجولهالي في وشي اكده ايه الجهر ده يا رب نفسي داني عشجته كان بياخد جلبي عشان يجعدني له ولفرشته مره زي غيرها واخرتها عايز حجه ..منك لله ليه داني غلبانه جوي .
ليمر الوقت لتقوم وتلملم الاشياء وتضعها في رف الحمام  وتقرر ان تكمل تلك السنه بلا روح ولا تخبره انها عرفت شيئا حتي لا تشعر بالمهانه فيكفيها وجع فليظن انها لا تريد منه اطفال افضل لها من ذلها له.