🩸مجانين الهوس 🔥

الجزء الاول

🩸 مجانين الهوس 🔥
بقلم Sű Ză Ñã
Part 1

......: صقر البودالي يأخد جائزة اول رجل أعمال في المغرب الأمس برباط ( طوات الصفيحة ) باينة فيه مكبر بزاف وحاسب فراسو
..... : سعاد واش مزالا ناعسا
سعاد: هاني فيقا امي هاني جايا
فتيحة دخلات لبيت
سعاد: ( خبات جورنال ورا ضهرها) هاني نايضا امي
فتيحة: شنو خبيتي ورا ظهرك
سعاد: والو امي
فتيحة جات لعندها وزولاتو ليها
فتيحة: شنو هادا جورنال منين جاك ألكلبة
سعاد ؛ ( بخوف ) مممميي
فتيحة: دوي ولا ندير فيك شرع يدي شكون جابو ليك
سعاد: لقيتو لبارح حدا الواد
فتيحة: ولاش جيباه نسيتي بلي منوع شي حاجة متعلقا بالقرية دور فالدار
سعاد: علاش امي علاش هئ هئ بغيت نكمل قرايتي
فتيحة: بغيتي يطرا ليك بحال الموسخة دبنت عبسلام
سعاد: لا انا حضيا راسي امي
فتيحة: مكيهمش ويلا قريتي ݣاع شنو غادي تولي بيلوطة زعما
فتيحة جات خرجا من البيت
سعاد: مي عفاك رضيلي الجورنال عفاك شنو غديري بيه
فتيحة: غادي نحرقو
سعاد تبعاها
سعاد ؛ عفاك امي لا عفاك
دخل من الباب واحد الرجل يكون عندو شي 70 عام
الحسن ؛ ديلاش هاد الصداع
فتيحة خبعات الجورنال ورا ضهرها
فتيحة: والو غير سعاد مابغاتش تمشي تجيب لحطب
الحسن : غادي تمشي تجمعي ديك شعكوكة وتمشي تجيبي لحطب ولا راك عارفا شنو يطرا فيك
فتيحة دخلات لكوزينة وسعاد دخلات لبيتها تتبكي لبسات زيف هزات لقنب ومشات تحطب من حدا الواد

﴿ نعرفكوم علا سعاد 17 سنة باقي ليها شهرين وتقفل 18 شعرها زعر وطوييل عوينتها خوضر فرمتها جدابة بزاف تتفتن بزين دكية عندها أحلام كثيرة منها تكمل قريتها وتولي مصممة أزياء ولاكن هاد الحلم تحبس فسجن فقلبها حيت باها مخلهاش تنتاقل لمدينة باش تقرى فالجامعة وخرجها من لقراية منع عليها اي حاجه تتعلق بالقرية منوع دخل لدار ﴾

سعاد وصلات لحدا الواد بدات تجمع الحطب وتغني  حتا تتحس بشي يدين مغطيين عنيها
سعاد: فاطمة هادي نتي
....: معرفتيش يديا
سعاد: هادا نتا
..... : لا غير  خيالي
سعاد: توحشتتك بزاف
...... : انا كتر منك بزاف
سعاد: جبتيلي معاك شي جورنال دليوم
....: ( جبدو من ورا ضهرو ) انا نساك
سعاد: كنبغييييك
يتبع....