"ကိုယ်တို့ ပြန်ကြမလား"
ကျန်းကျန့်က ဝမ်ဟိုင်ရှန်းအား လှေနှင့်ကုန်ပစ္စည်းများကိုကြည့်ထားရန် မှာခဲ့ပြီးနောက် ကုန်စည်နှစ်ခုကိုကောက်မကာ ပိုပေါ့ပါးသောတစ်ခုကို ကျောက်ကျင်းကောအား ပေးလိုက်ပြီး ပိုလေးလံသောတစ်ခုကိုတော့ သူ့နောက်ကျောပေါ်မှာ ထမ်းလိုက်၏။ ထို့နောက် ကျောက်ကျင်းကောနှင့်အတူ လမ်းလျှောက်၍ အိမ်ပြန်လာခဲ့တော့သည်။
"ကျင်းကော ဒီနေ့ အလုပ်စောစောဆင်းတာလား"
"ကျင်းကော ကိုယ်တို့မင်္ဂလာပွဲအတွက် ပြင်ဆင်နေတာ အခြေအနေဘယ်လိုရှိလဲ"
"ကျင်းကော ခုတင်အသစ်တစ်လုံးရော မှာထားပြီးပြီလား"
လမ်းလျှောက်နေရင်း ကျန်းကျန့်က မေးခွန်းများမေးနေလေသည်။ ကျောက်ကျင်းကောကလည်း တစ်ခုချင်းစီကို ရိုးရိုးသားသားပြန်ဖြေပေးသည်။ တကယ်တမ်းတော့ ကျန်းကျန့် မေးခွန်းတွေမေးနေရသည့်အဓိကအကြောင်းအရင်းမှာ ကျောက်ကျင်းကောနှင့် စကားပြောချင်သောကြောင့်သာ။ သို့သော် ကျောက်ကျင်းကောကတော့ အလေးအနက်ထား၍ ပြန်ဖြေနေပေသည်။ ထို့ကြောင့် သူကိုယ်တိုင်လည်း လေးလေးနက်နက်ဖြစ်လာပြီး မင်္ဂလာပွဲအကြောင်း အာရုံတစိုက်မေးမြန်းပါတော့သည်။
လမ်းတစ်ဝက်ကိုရောက်တော့ ကျောက်လျူလိုက်လာတာနှင့် တိုး၏။ သူတို့ကို သူ(မ)မြင်သောအခါ ကျောက်လျူသည် သူ(မ)မျက်လုံးများမှေးမှိတ်သွားသည်အထိ ပြုံးနေချေသည်။
"ကျန်းကျန့် မင်းပြန်လာပြီပဲ။ မင်း ပြန်ရောက်လာတာ တကယ်ဝမ်းသာတယ်"
"အမေ"
ကျန်းကျန့်က ခေါ်လိုက်သည်။
ကျောက်လျူခမျာ ပျော်ရွှင်မှုကြောင့် လေထဲလွင့်မျောနေသလိုပင် ခံစားနေရသည်။ တစ်ဖက်မှာတော့ မြစ်ကမ်းနားတွင် ဝမ်ဟိုင်ရှန်းမှာ ဟယ်ရှီရွာသားများထံမှ ဝိုင်းရံခံထားရသည်။
"တံငါသည်ကြီး မင်းနဲ့ အကြီးဆုံးကျန်းက စီးပွါးရေးစပ်တူလုပ်နေကြတာလား"
တစ်စုံတစ်ယောက်က သိလိုစိတ်ပြင်းပြစွာ မေးလာသည်။
"မဟုတ်ပါဘူး။ ကျွန်တော်က သူဌေးအတွက် အလုပ်လုပ်ပေးနေရုံပါ"
ESTÁ A LER
တစ်ဦးတည်းသောချစ်ဇနီး(ကျန်းကျန့်)
Ficção geral💥New BL ဒါဒါတို့ရေ... ရှေးခတ်ကျေးလက်တောရွာကို ကူးပြောင်းမှ ကြိုက်ပါတယ်ဆိုတဲ့ဒါဒါလေးတို့အတွက် အသစ်လေးလာပါပြီ .... ရှားပါးတဲ့ MC Gong ပါနော် Gp လေးက ၂ခု ရှိပါမယ်ရှင် Gp 1 (1 _140) ငွေလွှဲ ၂၅၀၀ / bills 3000 GP 2 (141 _END ) ငွေလွှဲ ၂၅၀၀ / BILLS 300...
တစ်ဦးတည်းသောချစ်ဇနီး(ကျန်းကျန့်)
Começar do início
