فينثيدلين

part 54

ماجاوبت حجيت وياه سطام
_ام مصطفى وين ؟

باوعلي وفتح. موبايله دك عليها ماكو جواب كعدنا بالـهول ما نعرف شنو نسوي محمد وسطام راحوا يدورون عليها بلكت يلكوها خاصه بعد ما سطام تذكر بـيوم الي ضاعت وراحت لـصيدلية جابت حبوب كال يمكن ينعاد الموقف

انفتحت الباب ساعة ٧ الصبح كمت اشوف منو ام مصطفى كالت صباح الخير اهلاً ست رحيق
_تعالي وياي

سحبتها من عكسها لـبرة وحجيت
_تعرفين اوج وين

_غير هنا بالـبيت ما تكعد بـهذا الوقت

_لا تستهبلللليننننن وكوليلي اتفقتوا انتي وام سطام موووو عليها وطفشتوها

_شنووو جاي تحجين

_جنتي تحطيلها المخدرات بالـمتة فارس الحيوان هو الي دازج علينا موووو ؟ اعتررررفي

_وخررري ايدج عني شنوو جاي تحجين انتي انا مرآة كافة خيري شري اجي اشتغل هنا واروح لـبيتي

هزيت رأسي بـوعيد الها عافتني ودخلت لجوة ضليت برة افكر وين مُمكن تروح وليش معقولة عرفت بـموج بس لو تعرف ما تطلع هيج طلعة بالـعكس تبقى وتنتظرة يرجع

دخلت البيت وحجيت وياه روان
_اكلج مـوج منو وياه بالـمستشفى

_ممرض

_ممرض لو ممرضه

_ممرض شبيج رحيق غير ياسين دائماً يكلي ممرض وياه

_زين هي آوج عرفت بـوضع مـوج

_ماعرف

رحت لـعمتي
_اكلج آوج عرفت بـوضع موج

_وانا شنو دراني جاي اكلكم لا شفتها ولا حجيت وياها من اول بارحة شبيكم انتوا اصلاً هي من رجعت منج لحد ما صار هذا الحادث انا لا شفتها ولا لمحتها برة غرفتها

_اذا تعرفين شيء كولي لان صدكيني مـوج اذا يعرف الج ايد بالـقصة ما راح يعديها على خير حتى لو انتي امه

ضلت تبجي وتصيح حسبي الله عليكم جاي اكلكم انا ما دخلني شنو تذبون المصيبة براسي الله اعلم شنو عدها مصيبة وطلعت ضلت تحجي كومة عفتها وطلعت برة مالي خلك اسمعها ابد وما مصدكة بيها هي مالها دخل

انفتحت الباب دخل سطام كال
_ماكو اختفت فص ملح وذاب عممت اسمها على جماعتي وصورتها هم بس يشوفوها ينطوني خبر

_زين تسوي اكلك احنا ما شفنا الكاميرات

ركض للكاميرات فتحهن وطلع التصوير وشنو صاير خلال اليوم كُله ماكو شيء يدل على انهُ مُمكن تكون طلعت وياه احد او شيء طلعت وحدها من البيت وتمشت بالـشارع وبس

كعدنا سوا نفكر روان جهاز التنفس بخشمها وكُل شويه تريد تحجي شيء ومحمد يمنعها لحد ما تعبت ودخلت غرفة امها تنام ضليت كاعدة ماعرف شنو اسوي وشنو الحل وشلون نلكاها مر اليوم احنا ما كعدنا نتصل ونعمم اسمها وصورها بكل مكان اني.وسطام ما خلينا احد من معارفنا ما كلناله وطلبنا منه المساعدة