မိသားစုကြီးများတွင် မွေးလာကာ ကလေးဘဝကတည်းက ခန္ဓာကိုယ်ကို ဖြည့်တင်းပေးနိုင်သည့် အထောက်အပံ့ကောင်းများ လုံလုံလောက်လောက် ရထားသည့်တိုင် အင်အားကြီးအဖော်သားရဲကို ပိုင်ဆိုင်ထားသူများနှင့် အဆင့်တူ ဖြစ်နိုင်ရန် ခက်ခဲလှသည်။
ဥပမာအားဖြင့် လျောင်ရှင်းယွမ်၏ အဖော်သားရဲမှာ ဒေါင်းတစ်ကောင်ဖြစ်သည်။ သူ မည်မျှပင် ခက်ခက်ခဲခဲ ကြိုးစားပါစေ လျောင်မုယဲ့က သူ့ကျားကို ထုတ်သုံးလာသည်နှင့် တစ်ပြိုင်နက် ဇာတ်သိမ်းရမည်ဖြစ်သည်။
ရှဲ့ယွင်နန်သည် တိုက်ခိုက်သူတစ်ဦး ဖြစ်လိုခဲ့သည့်တိုင် သူ့တွင် အခွင့်အရေး မရှိဟုသာ အမြဲ ခံယူထားခဲ့သည်။
"မင်းက သေချာပေါက် သန်မာလာမယ်လို့ ယုံကြည်တယ် ..."
တစ္ဆေဘုရင်က ပြောလိုက်သည်။
သူက အနည်းငယ် နှမြောစရာ ကောင်းသည်ဟုသာ တွေးနေခြင်းဖြစ်သည်။
အင်အားကြီး တိုက်ခိုက်သူတစ်ဦး ဖြစ်လာရန် အစောပိုင်းနှစ်များကတည်းက အခြေခံအုတ်မြစ်ချထားနိုင်လျှင် အကောင်းဆုံးဖြစ်သည်။ သို့သော် ရှဲ့ယွင်နန်ကမူ ... အကောင်းဆုံးသော နှစ်နှစ်ဆယ်ကို ဆုံးရှုံးခဲ့ရသည်။
ထို့ကြောင့် သူ့အဖို့ အနာဂတ်တွင် သန်မာလာနိုင်ရန်မှာ လွယ်ကူမည် မဟုတ်ချေ။
သိူ့သော် ပါရမီကို ဘေးဖယ်ထားပါလျှင် သူ ပြင်းပြင်းထန်ထန် ကြိုးစားနေသရွေ့ အလယ်အလတ်အဆင့် တိုက်ခိုက်သူ ဖြစ်လာရန် ပြဿနာမရှိပေ။ သူသာ အပတ်တကုတ် ကြိုးစားပါလျှင် စီနီယာတိုက်ခိုက်သူပင် ဖြစ်လာနိုင်သည်။
တစ္ဆေဘုရင်သည် ရှဲ့ယွင်နန်ကို အမှန်တကယ်ပင် အသိအမှတ် ပြုလိုနေသည်။ သို့မှသာ သူ့ကို အမျိုးမျိုးသော အထောက်အပံ့များအား သံသယအဝင်မခံရဘဲ ပေးနိုင်မည်ဖြစ်သည်။
သို့သော် သူသည် အလိုရှိ ရာဇဝတ်ကောင်တစ်ဦး ဖြစ်နေ၏။ သိပ်မကြာခင်က မြင့်မြတ်သည့် မြို့တော်တွင် မတော်တဆမှုတစ်ခု ဖြစ်ပွားခဲ့ကာ ထိုအထဲတွင် သူလည်း ပါဝင်ခဲ့သည်။ အခြေအနေအားလုံး တည်ငြိမ်သွားပါလျှင် .. သူ့ကို ပြဿနာ လာရှာမည့်သူများ အများအပြား ရှိနေပေမည်။
![](https://img.wattpad.com/cover/354807354-288-k120656.jpg)
YOU ARE READING
ငါ့ရဲ့ နူးညံ့တဲ့ချစ်ဇနီးလေးဘယ်ရောက်သွားတာလဲ
RomanceTitle - Translations novel All credit to Original Author ❤️ Only unicode 🥺 let's go
Chapter 28 🧑🤝🧑
Start from the beginning