وما بعد الجحيم

البارت 1

تاره: تره سمعتج ؟

رهف: واذا سمعتيني مثلاً شراح اسويلي.

تاره: صدك لو كالو ام السان شيكدرلها.

رهف: امشي امشي هسه الخط دينتضرنه
وست أسماء اضل تلغي ليش تأخرتن واني
ما اسكت اذا حجت وطلعنا نمشي بنص الطريق
وتاره كالت .

تاره: اكلج انروح عل جسر الكبير ننتضر الخط
لو عل جسر هاذا أليم الاسواق

رهف: لا ولج تعاي انروح عل هاذا الجسر ابو
الاسواق لان هذاك الجسر ماكو احد يمه خاف
انروح ننخطف رحنه للجسر وتاره كالت

- ولج هذاك ابو الخط واكف وهناك ويأشر
النه

- ولج اركضي تاره وطكيناها ركضه للخط
وكفنه نلهث يم باب السياره نزل الولد وكال

- ها عمو شبيجن تركضن

- كتله عمو لان تأخرنه هز براسه وفتحلنه الباب
صعدنا وحجيت بصوت كلت سلام عليكم ردو كلهم

- وعليكم السلام ورحمة الله وبركاته

- تاره كعدت يم الطلاب الي بالخانه الوره
واني رحت وكعدت يم ست نور حجت ست نور
وهيه تلزم شعري وكالت

- ماشاء الله شنو هل الشعر الحلو شنو تستخدمين
اله؟
-كتلها ما استخدم اي شي اله .

- لعد شلون هيج طويل وسرح؟

- هوه هيج من اني وصغيره.

- ها لعد هاي وراثه

- ابتسمتلها وسكتت وصلنا المدرسه
ونزلنا واحد ورة واحد ورحنه للسطفاف
دنمشي والمدري صاح تعالو يمي رحنه
يمه وكال

عامر-ليش متأخرين اليوم ها اني كم مره كلت
ممنوع التأخير عل مدرسه واليتأخر ينفصل ؟

رهف: أستاذ الخط تأخر اليوم وأجينا
متأخرين.

عامر: وألج عين وتحجين هماتين؟

رهف: أستاذ انته سئلت واني جاوبتك
شتريدني اكلك اني خرسه لعد وما أجاوبك.

عامر: يرادلج تأديب من جده وجديد شلون تردين بوجهي

رهف: عفواً منك استاذ اني أهلي أدبوني ما
يحتاج انته تجي وتأدبني وبعدين اني محجيت
شي غلط انته سألت واني جاوبتك.

- وتاره وزميلاتي يكرصن بيه حته اسكت ولج
رهف اسكتي شيخلصج من ابوج والله يطيح
حضج.

رهف: ولي اني محجيت شي غلط حته يطيح
حضي اوكي.

عامر: اطلعي بره المدرسه مادخلين الها اله اجيبين ولي أمرج يالله.

رهف: تدلل هسه اروح اجيبه واجي
عفته وطلعت من المدرسه متجهه للبيت.

يتبع✨✨

🌿✨بنات شلونه البارت اليوم 😂♥

👊انتضرو شنو حيصراح يصير 🙂

🌿برهف لو بلهدف لو بلنجف ✋

💮يالله چاوو بنات 😪